مارقۇمنىڭ وتباسى مەن تۋىستارىنا قالاي كوڭىل ايتقان دۇرىس؟
اسسالامۋ الەيكۋم!
دىنىمىزدە مارقۇمنىڭ وتباسى مەن تۋىستارىنا قالاي كوڭىل ايتقان دۇرىس؟ ماقساتبەك

ۋا الەيكۋم اسسالام!
كوڭىل ايتۋ – سۇننەت. كوڭىل ٴبىلدىرۋشى مارقۇمنىڭ وتباسىن سابىرلىققا شاقىرىپ، دۇعا تىلەك ايتادى. قايعىنى بولىسسە ازايادى دەمەكشى حاديستە: «مۇسىلمان باسىنا اۋىرتپالىق تۇسكەن باۋىرىنا كوڭىل ايتسا، اللا تاعالا وعان قيامەت كۇنى كەرەمەت كيىم كيگىزەدى[1]»،-دەپ ايتىلعان.

حاديس كىتابى تۇسىندىرمەسىندە كوڭىل ايتۋ – «اللا تاعالا سابىر بەرسىن، مارقۇمدى راقىم ەتسىن، ارتىندا قالعان بالا-شاعاسىنا جاقسىلىق بەرسىن» دەگەن سەكىلدى سوزبەن قايعىسىن ٴبولىسۋ[2]،-دەپ كەلگەن. پايعامبارىمىز (س.ع.س.) قىزى زەينەپتىڭ بالاسى شەتىنەگەندە، «راسىندا، العان اللا جانە بەرەتىن دە ول. ٴار نارسە ونىڭ قۇزىرىندا بەلگىلى ۋاقىتقا دەيىن. سابىر ەت، ساۋابىن كۇت[3]»،-دەپ كوڭىل ايتقان.

قازىرگى تاڭدا «قازا قايىرلى بولسىن، يمانى سالامات، قالعاندارى امان بولسىن»، «مارقۇمنىڭ يمانى جولداس بولسىن، الدى پەيىش ارتى كەنىش بولسىن» دەگەن سەكىلدى كوڭىل ٴبىلدىرۋ سوزدەرى شاريعاتقا ساي كەلەدى.



[1] يبن ماجاھ
[2] ٴات-تاج ٴال-جامي ليل-ۋسۋل في احاديس راسۋل، 1-توم، 379-بەت
[3] تەرميزيدەن باسقا التى حاديس كىتابىنىڭ بارلىعىندا كەلگەن

date21.02.2014readCount11554categoryجانازاprintباسىپ شىعارۋ