نەگە پايعامبارىمىز دۇيسەنبى مەن بەيسەنبى كۇندەرى اۋىز بەكىتكەن؟
اسساليامۋالەيكۋم ۋا راحماتۋللاحي ۋا باراكاتۋح... اللا تاعالا ىلىمدەرىڭىزدى ارتتىرسىن... وسى دۇيسەنبى مەن بەيسەنبى كۇندەرىندە ورازا ۇستاۋدىڭ ۇكىمى قانداي؟ شاريعاتتا بۇلار قانداي كۇندەر بولىپ ەسەپتەلەدى؟ تولىق ايتىپ كەتسەڭىزدەر... بايجاناقوۆ احات تولەگەن ۇلى

ۋاعالەيكۋم اسسالام!

احات، اپتانىڭ دۇيسەنبى مەن بەيسەنبى كۇندەرى ورازا ۇستاۋدىڭ ۇكىمى – سۇننەت، ياعني مۇحاممەدتىڭ (س.ع.س.) ىستەگەن ٴىس ارەكەتى. ايشا انامىزدىڭ ايتۋى بويىنشا پايعامبارىمىز مۇحاممەد (س.ع.س.) دۇيسەنبى مەن بەيسەنبى كۇندەرى ورازا ۇستاۋعا اسا ٴمان بەرگەن[1]. 

وسى ەكى  كۇنى اپتالىق ىستەگەن ىستەرىمىز اللاعا ۇسىنىلىپ، ونىڭ قۇزىرىنا كوتەرىلەدى. پايعامبارىمىزدىڭ اتالمىش ەكى كۇنى ارنايى ورازا ۇستاۋىنىڭ سەبەبى سول. اللا ەلشىسى ٴوزىنىڭ ٴبىر حاديسىندە بۇل جايىندا بىلاي دەيدى: 

  • دۇيسەنبى كۇنى مەن بەيسەنبى كۇنى (اپتالىق)ىستەگەن ىستەر اللاعا ۇسىنىلادى. مەنىڭ ىستەرىم اللاعا كوتەرىلەردە اۋزىمنىڭ بەرىك بولعانىن ۇناتامىن»[2]
[1]تيرميزي، ساۋم – №745 حاديس.
[2]تيرميزي، ساۋم – №747 حاديس.
ابدۋسامات قاسىم
date23.12.2013readCount37810categoryورازاprintباسىپ شىعارۋ