بويالعان شاش عۇسىلعا كەدەرگى بولا ما؟
سالەمەتسىز بە؟ شاشىمدى 3 جىل بۇرىن سارى تۇسكە بوياتقانمىن. ٴبىراق ول كەزدە عۇسىلدىڭ قابىل بولمايتىنىن بىلگەن جوقپىن. عۇسىل مەن دارەتتىڭ قابىل بولمايتىنىن جاقىندا ەستىدىم. ەندى نە ىستەۋىم كەرەك؟ ودان بەرى شاشتارىمدى تالاي قيدىرتتىم، دەگەنمەن بوياۋدان قالعان شاشتىڭ ۇشتارى ٴالى بار. نەگىزى، ەندى قايتا قيدىرمايمىن دەپ جۇرگەن ەدىم. يۋسۋپوۆا م.

سالەمەتسىز بە! شاريعاتىمىزدا شاش بوياۋعا رۇقسات بار. وعان پايعامبارىمىزدىڭ (س.ع.س):

إِنَّ اليَهُودَ وَالنَّصَارَى لاَ يَصْبُغُونَ ، فَخَالِفُوهُمْ

«راسىندا ياحۋديلەر مەن حريستياندار (شاشتارى مەن ساقالدارىن) بوياماعان، ال سەندەر بولسا ولارعا ۇقساماڭدار»[1] دەپ، ساقال مەن شاشتى بوياۋعا رۇقسات بەرگەن حاديسى دالەل بولادى.

بۇگىنگى قولدانىلىپ جۇرگەن بوياۋلار ەرتەرەكتە قولدانىلعان قىنا بوياۋىنا ۇقسايدى. ول تىرناققا جاعىلاتىن بوياۋ (لاك) سىندى قالىڭ قاباتتى بولماعانى ٴۇشىن وعان تىيىم سالىنبايدى، سەبەبى ونىڭ استىنا سۋ تيەدى. سونىمەن قاتار، قولدانىستاعى بوياۋ كەيىننەن وزدىگىمەن كەتەتىنى ٴۇشىن ول ادامنىڭ جاراتىلىسىن تۇبەگەيلى وزگەرتۋ بولىپ تابىلمايدى. دەگەنمەن دە قازىرگى بوياۋلاردىڭ حيميالىق قۇرامى زيانسىز ەمەس ەكەنىن دە ەسكەرە كەتكەن ٴجون.

توقەتەرى: بويالعان شاش عۇسىلعا كەدەرگى جاسامايدى. ول ٴۇشىن شاشتى قيىپ قاجەتى جوق.



[1] بۋحاري; مۋسليم.

date20.03.2018readCount1775categoryعۇسىل-دارەتprintباسىپ شىعارۋ