باس مەشىت جاماعاتى جۇما كۇنى تاعى ٴبىر ساۋاپتى ٴىس جاسادى (فوتو)

بۇگىن، قاسيەتتى جۇما كۇنى رەسپۋبليكالىق «ازىرەت سۇلتان» مەشىتىندە «وزگەگە ٴومىر سىيلا!» اتتى دونورلىق اكسيا بولىپ ٴوتتى. تاڭعى توعىزدان باستاپ قۇلشىلىق ورداسىنىڭ اۋلاسىندا ورنالاسقان رەسپۋبليكالىق قان ورتالىعىنىڭ كولىگى ەرىكتىلەر قابىلداپ، ٴوز جۇمىستارىن باستاپ كەتتى.

رەسپۋبليكالىق قان ورتالىعىمەن بىرلەسىپ ۇيىمداستىرىلعان يگى شاراعا مەشىت قىزمەتكەرلەرى دە بەلسەنە اتسالىسىپ، كەزەكتىڭ الدى بولىپ قان تاپسىرىپ قايتتى. توقسان سايىن تۇراقتى تۇردە وتكىزىلىپ تۇراتىن بۇل اكسيا مەشىت جاماعاتىنا كوپتەن تانىس. ٴوز ىستەرىنە تىندىرىمدى قان ورتالىعىنىڭ قىزمەتكەرلەرى دە بۇل جەردىڭ «قانى كوپ» جاندارىن بۇرىننان تانيدى. «كوبىسى بۇرىندارى قان تاپسىرعان بولاتىن. تۇرلەرى تانىس، كەيبىرىنىڭ ٴتىپتى ەسىمدەرىن دە بىلەمىز»، - دەيدى ورتالىق قىزمەتكەرلەرى.

 
 
date30.06.2018readCount823printباسىپ شىعارۋsourceLinkmuslim.kz





comments powered by hypercomments