ٴ استانانىڭ 20 جىلدىعىنا وراي دۋاتلوننان قالالىق تۋرنير ٴوتتى (فوتو) - muslim.kz

استانانىڭ 20 جىلدىعىنا وراي دۋاتلوننان قالالىق تۋرنير ٴوتتى (فوتو)

بۇگىن استانا قالاسىنىڭ 20 جىلدىق مەرەيتويىنىڭ قۇرمەتىنە وراي ەلوردا تۇرعىندارىنىڭ اراسىندا دۋاتلوننان اشىق تۋرنير بولىپ ٴوتتى. سالاۋاتتى ٴومىر سالتىن ناسيحاتتاۋعا باعىتتالعان بۇل تۋرنيرگە قاتىسۋشىلار 5 شاقىرىمدى جاياۋ جۇگىرىپ ٴوتىپ، 20 شاقىرىمدى ۆەلوسيپەدپەن ەڭسەردى. استانا قالاسىنىڭ اكىمدىگى مەن مادەنيەت جانە سپورت باسقارماسىنىڭ، «سپورتتىق بۇقارالىق ٴىس-شارالاردى وتكىزۋ ديرەكسياسىنىڭ، استانا ترياتلون فەدەراسياسىنىڭ بىرلەسە ۇيىمداستىرۋىمەن جۇزەگە اسىپ كەلە جاتقان بۇل ٴداستۇرلى شارا حالىق اراسىندا سپورتقا دەگەن سۇيىسپەنشىلىكتى ارتتىرىپ، جىلدان جىلعا قاتىسۋشىلاردىڭ دا قاتارى كوبەيىپ كەلەدى.

«بايتەرەك» مونۋمەنتىنەن باستاۋ العان قالالىق مارافون قاتىسۋشىلارى قونايەۆ، قابانباي باتىر، اقمەشىت، دوستىق جانە ماڭگىلىك ەل كوشەلەرى ارقىلى جۇگىرىپ ٴوتتى. سونىمەن قاتار، قونايەۆ كوشەسى، تۇران داڭعىلىنان «استانا جۇلدىزدارى» مونۋمەنتىنە دەيىن (قابانباي باتىر داڭعىلىمەن اينالما جول)، سودان سوڭ كەرى بۇرىلىپ تۇران داڭعىلى ارقىلى دوستىق كوشەسىنە دەيىن 20 شاقىرىمدى ۆەلوسيپەدپەن باعىندىردى. بۇدان كەيىن 2،5 شاقىرىمدى جاياۋ جۇگىرىپ، دۋاتلون مارەسىن اياقتادى.

ايتۋلى تۋرنيرگە رەسپۋبليكالىق «ازىرەت سۇلتان» مەشىتىنىڭ قىزمەتكەرلەرى دە بەلسەنە اتسالىسىپ، بۇگىنگى كۇندى بوي سەرگىتكەن جاتتىعۋمەن باستاپ قايتتى. اللانىڭ بەرگەن اماناتى – دەنساۋلىققا دۇرىستاپ كوڭىل ٴبولىپ، سپورتتى سەرىك ەتۋگە سوزىمەن دە، ۇلگى ارەكەتىمەن دە ۇندەي بىلگەن باس مەشىت قىزمەتكەرلەرى ٴبىرىنشى بولىپ مارە سىزىعىن قيماسا دا، قالىڭ جۇرتشىلىقتان قالىسپاي دۋاتلون مەدالىن تاعىنىپ قايتتى.

سۋرەتتەردى «فوتوگالەرەيا» ايدارىنان كورە الاسىزدار!

date24.06.2018readCount662printباسىپ شىعارۋsourceLinkmuslim.kz





comments powered by hypercomments