باس مەشىتتە نايب ٴمۇفتي توراعالىعىمەن حالىقارالىق كونفەرەنسيا ٴوتتى (فوتو)

بۇگىن استانا  قالاسىنداعى رەسپۋبليكالىق «ازىرەت سۇلتان» مەشىتىندە «يسلام مادەنيەتىنىڭ وركەندەۋىنە قازاقستاننىڭ قوسقان ۇلەسى» اتتى حالىقارالىق عىلىمي كونفەرەنسيا بولىپ ٴوتتى. قازاقستان مۇسىلماندارى ٴدىني باسقارماسىنىڭ قر ٴدىن ىستەرى جانە ازاماتتىق قوعام مينيسترلىگى ٴدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعى جانە يسلام ىنتىماقتاستىعى ۇيىمى جانىنداعى يسلام تاريحى، ونەرى مەن مادەنيەتىن زەرتتەۋ ورتالىقتارىمەن (ircica) بىرلەسە ۇيىمداستىرعان كونفەرەنسيا جۇمىسىنا ەلىمىزدىڭ يسلامتانۋشى عالىمدارى مەن بىلىكتى ماماندارى، ٴدىن قىزمەتكەرلەرى مەن كالليگراف-ساۋلەتشىلەر قاتىسىپ، ورتاق تاقىرىپ اياسىندا وي قورىتتى.

قمدب ٴتوراعاسىنىڭ ٴبىرىنشى ورىنباسارى، نايب ٴمۇفتي، رەسپۋبليكالىق «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلىنىڭ توراعالىعىمەن وتكەن كونفەرەنسيا اياسىندا قازاق دالاسىنداعى يسلام ٴدىنىنىڭ تاريحىن تۇگەندەپ، بابالار مۇراسىن بۇگىنگى كۇنمەن بايلانىستىرىپ، تاريحي قۇندىلىقتارىمىزدى دارىپتەۋگە باعىتتالعان باياندامالار جاسالدى. قمدب-نىڭ قىزمەتكەرلەرى مەن وڭىرلەردەگى وكىل يمامدارى، اتالمىش ورتالىقتاردىڭ بىلىكتى ماماندارى باس قوسقان حالىقارالىق كونفەرەنسيا جۇمىسىنا  قر ٴدىن ىستەرى جانە ازاماتتىق قوعام ۆيسە-مينيسترى بەرىك ارىن مەن يسلام تاريحى، ونەرى مەن مادەنيەتىن زەرتتەۋ ورتالىعىنىڭ باس حاتشىسى حاليت ەرەن مىرزالار دا قاتىسىپ، وزدەرىنىڭ قۇتتىقتاۋ لەبىزدەرىن ٴبىلدىردى.

قازاقستان مەملەكەتىنىڭ يسلام ٴدىنىنىڭ گۇلدەنۋىنە قوسقان ۇلەسى جايىندا قر جوعارعى سوتىنىڭ ازاماتتىق ىستەر جونىندەگى سوت القاسىنىڭ باس كونسۋلتانتى بورانبايەۆا گۇلنار، ircica ۇيىمىنىڭ ورتالىق ازيا بويىنشا ساراپشىسى اشىربەك ٴمۇمينوۆ، قمدب ٴتوراعاسىنىڭ ورىنباسارى، الاۋ ادىلبايەۆ، ٴدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ٴابدىراسىلقىزى، حالىقارالىق قازاق-تۇرىك ۋنيۆەرسيتەتىنىڭ پروفەسسورلارى دوساي كەنجەتاي مەن قوجا مۇحتار باقادىر ۇلى، ياسساۋيتانۋ ورتالىعىنىڭ اعا عىلىمي قىزمەتكەرى جانداربەك زىكىريا، قازۇۋ تۇركسوي كافەدراسىنىڭ مەڭگەرۋشىسى قىدىر ٴتورالى سىندى عالىمىدارىمىزدىڭ جاساعان باياندامالارى باسقوسۋ ماڭىزىن ارتتىرىپ، قازاق دالاسىنان شىققان ويشىلدارىمىز مەن ىرگەلى وقۋ ورىندارى جايلى، ورتا ازياداعى ٴدىن ٴىلىم جۇيەسى جونىندە تىڭ ماعلۇماتتارمەن بايىتا ٴتۇستى.

سونداي-اق، ەلىمىزدىڭ ٴار وڭىرىنەن كەلگەن وكىل يمامدار سمايىل سەيتبەكوۆ (ماڭعىستاۋ)، باتىرجان مانسۇروۆ (اتىراۋ)، ارداق ورازبايەۆتاردىڭ (الماتى وبلىسى) يسلام مادەنيەتىنىڭ قازاق دالاسىنىڭ ٴار تۇكپىرىندە قالاي دامىعاندىعىنان سىر شەرتەتىن باياندامالارى كوپتىڭ كوڭىلىنەن شىعىپ، تاريحىمىز تىڭ دەرەكتەرمەن تولىقتىرىلا ٴتۇستى.  

سونداي-اق، كونفەرەنسيا اياسىندا ەلىمىزدىڭ كالليگراف شەبەرلەرىنىڭ قولىنان شىققان تۋىندىلار كورمەسى دە وتكىزىلدى. كونفەرەنسياعا قاتىسۋشى كالليگراف اسىلبەك بايزاق ۇلى، سۋرەتشى كەراميك رىسبايەۆ ابايحان، ونەرتانۋ عىلىمداىنىڭ كانديداتى مەرۋەرت قۇرمانعاليەۆتەر قازاقستانداعى يسلام ساۋلەت ونەرى مەن ەسكەرتكىش جادىگەرلەرى جايىندا قۇندى پىكىرلەر ايتىپ، بايانداما جاسادى.

سۋرەتتەردى «فوتوگالەرەيا» ايدارىنان كورە الاسىزدار!

date21.06.2018readCount1019printباسىپ شىعارۋsourceLinkmuslim.kz





comments powered by hypercomments