سەرىكباي قاجى وراز شىمكەنتتە وزبەكستان مۇفتيىمەن كەزدەستى (فوتو)

Серікбай қажы Ораз Шымкентте Өзбекстан мүфтиімен кездесті (ФОТО)

بۇگىن قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز شىمكەنت قالاسىندا وتكەن «باۋىرلاس ەلدەردىڭ  رۋحاني ورتاق قۇندىلىقتارى» اتتى حالىقارالىق فورۋم اياسىندا وزبەكستان ٴمۇفتيى ۋسمانحان قاجى اليموۆپەن كەزدەستى.

كەزدەسۋدە ەكى ەل ٴمۇفتيى حالىقارالىق فورۋمدا ايتىلعان ۇسىنىستار مەن پىكىرلەردى تالقىلادى. سونىمەن قاتار، قازاق-وزبەك باۋىرلاستىعىن ودان ٴارى نىعايتۋدى كوزدەيتىن يگى ٴىس-شارالاردىڭ جوسپارى جايلى پىكىر الىستى. ٴدىن قايراتكەرلەرى قازاقستان مەن وزبەكستاننىڭ ٴدىني باسقارمالارى اراسىندا قابىلدانعان ەكى جاقتى مەموراندۋم اياسىندا اتقارىلار اۋقىمدى جۇمىستاردى پىسىقتادى.  

باس ٴمۇفتي سەرىكباي قاجى وراز بيىل ورتالىق ازيا ەلدەرىنىڭ يسلام عۇلامالارى رامازان ايى مەن ورازا ايتتى ٴبىر كۇنگە بەلگىلەپ، ورتاق ٴپاتۋاعا كەلگەنىن ايرىقشا اتاپ ٴوتتى.

«بۇل تاريحي شەشىم – ٴبىزدىڭ ٴدىني اۋىزبىرشىلىگىمىزدىڭ جارقىن ۇلگىسى. وسى باعىتتاعى جۇمىستاردى جانداندىرىپ، قازاقستانداعى وزبەكستان جىلى اياسىندا بىرلەسكەن يگى شارالاردى جۇيەلى تۇردە جۇزەگە اسىرۋىمىز كەرەك»، – دەدى سەرىكباي قاجى ساتىبالدى ۇلى.

ٴوز كەزەگىندە ۋسمانحان قاجى اليموۆ حالىقارالىق فورۋمعا ارنايى شاقىرعان ەلىمىزدىڭ باس مۇفتيىنە العىسى مەن جىلى لەبىزىن جەتكىزىپ، اتالعان شارا قازاق-وزبەك اراسىنداعى رۋحاني بايلانىستى نىعايتا تۇسەتىنىن ٴسوز ەتتى.

كەزدەسۋ سوڭىندا تاراپتار ٴدىني سالاداعى قارىم-قاتىناستى كۇشەيتۋ، قازاق-وزبەك تىلىندە ٴدىني كىتاپتاردى بىرلەسە شىعارۋ، جاستاردى پاتريوتيزمگە تاربيەلەۋ، تاجىريبە الماسۋ، ەكى ەلدىڭ قاسيەتتى جەرلەرىنە زيارات جاساۋ راسىمدەرىن ۇيىمداستىرۋ، عىلىمي جوبالاردى جۇزەگە اسىرۋ سىندى ٴىس-شارالار توڭىرەگىندە ٴوزارا ۋاعدالاستى.

 
date20.06.2018readCount474printباسىپ شىعارۋsourceLinkقمدب ٴباسپاسوز قىزمەتى





comments powered by hypercomments