باس يمام قاريلارعا قۇرمەت كورسەتتى (فوتو)

قاسيەتتى ٴقادىر تۇنىندە رەسپۋبليكالىق «ازىرەت سۇلتان» مەشىتىندە قۇران حاتىم باتاسى جاسالىپ، قاسيەتتى رامازان ايى بويىندا تاراۋيح نامازدارىندا يمامدىق ەتكەن ەلىمىزدىڭ ۇزدىك قاريلارى وزدەرىنە ارتىلعان ساۋاپتى جۇمىستى ابىرويمەن اياقتاعان بولاتىن. اۋەزدى ماقامىمەن جاماعاتتى وزدەرىنە ۇيىتا بىلگەن قاريلار قاسيەتتى كەشتە ەلدىڭ ىقىلاسىنا بولەنىپ، اقساقالدارىمىزدىڭ اق باتاسىنا يە بولدى.

اللا ٴسوزىن اينا-قاتەسىز جاتتاپ، سانسىز ساۋاپقا يە بولعان قاريلارىمىزدى بۇگىن رەسپۋبليكالىق «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلى جەكە قابىلداپ، قۇرمەت كورسەتتى. مەشىت باسشىسى رەتىندە ۇجىم جانە جاماعات اتىنان العىس ٴبىلدىرىپ، سىي-سياپاتىن تارتۋ ەتتى. اعالىق اق باتاسىن بەرىپ، اسىل ٴدىنىمىز بەن ەلىمىزگە قالتقىسىز قىزمەت ەتىپ، ابىرويلى بولۋلارىنا تىلەگىن ٴبىلدىردى.

ايتا كەتەيىك، بيىلعى جىلى ەلىمىزدىڭ باس مەشىتىندە تاراۋيح نامازدارىنا «ازىرەت سۇلتان» مەشىتىنىڭ نايب يمامى عازيز احمەت جانە جاس قاريلار مۇرتازا ەرتاي ۇلى مەن شوقان ۋاليەۆتەر يمامدىق ەتكەن بولاتىن.

«ازىرەت سۇلتان» مەشىتىنىڭ نايب يمامى عازيز احمەت ەسىمى بۇل كۇندە ەلىمىزدەگى جاماعاتقا كەڭىنەن تانىس. ٴدىن جولىنداعى العاشقى قىزمەتىن 2010 جىلى استانا قالاسىنداعى يسلام ورتالىعىندا ۇستازدىقتان باستاعان عازيز احمەت ەلىمىزدەگى بىرنەشە مەشىتتە باس يمامدىق قىزمەت اتقارىپ، 2015 جىلى تاراز قالاسىنىڭ باس يمامدىعىنا تاعايىندالعان بولاتىن. قازىرگى ۋاقىتتا رەسۋپبليكالىق «ازىرەت سۇلتان» مەشىتىنىڭ نايب يمام قىزمەتىندە.

باس مەشىتتەگى تاراۋيح نامازدارىنا يمامدىق ەتۋگە بيىلعى جىلى العاش شاقىرىلىپ وتىرعان ۋاليەۆ شوقان – «نۇر مۇباراك» ەگيپەت يسلام مادەنيەتى ۋنيۆەرسيتەتىنىڭ تۇلەگى. قازىرگى تاڭدا ليۆان رەسپۋبليكاسىندا «تريپولي»  ۋنيۆەرسيتەتىندە ٴبىلىم الىپ جاتىر. جاس قاري 2016 جىلى تۇركيادا وتكەن حالىقارالىق قۇران جارىسىندا ەلىمىزدىڭ نامىسىن قورعاپ، ٴىى ورىن يەلەنگەن بولاتىن.

ال، بالاحمەت مۇرتازا ەرتاي ۇلى بولسا، استانا قالاسىنداعى رەسپۋبليكالىق قاريلار دايىنداۋ ورتالىعىن ٴتامامداعان. مالايزيا جانە يندونەزيا ەلدەرىندە وتكەن حالىقارالىق قۇران جارىستارىنا قاتىسىپ، ەلىمىزدىڭ ابىرويىن قورعاپ قايتقان. 

سۋرەتتەردى «فوتوگالەرەيا» ايدارىنان كورە الاسىزدار!


date13.06.2018readCount974printباسىپ شىعارۋsourceLinkmuslim.kz





comments powered by hypercomments