باس مەشىتتىڭ بالا شاكىرتتەرى ۇلتتىق مۋزەيگە ساياحات جاسادى (فوتو)

بۇگىن استانا قالاسىنداعى رەسپۋبليكالىق «ازىرەت سۇلتان» مەشىتىنىڭ جازعى ساۋات اشۋ كۋرسىنىڭ بالا شاكىرتتەرى ەلىمىزدىڭ ۇلتتىق مۋزەيىنە ساياحات جاساپ قايتتى. مامىر ايىنىڭ 28-جۇلدىزىندا باستالعان جازعى ساۋات اشۋ كۋرسى باعدارلاماسىنىڭ جارىم بەلىنەن اسقان بالا شاكىرتتەردىڭ تانىم كوكجيەكتەرىن كەڭەيتىپ، ەلىمىزدىڭ تاريحىن تاني ٴتۇسۋى ٴۇشىن ۇيىمداستىرىلعان بۇل ساياحات راسىمەن دە ولجاعا تولى بولدى.

ەلوردا تورىندەگى ۇلتتىق مۋزەي قىزمەتكەرلەرى دە بالا قوناقتاردى قۇشاق جايا قارسى الىپ، ەلىمىزدىڭ قۇندى تاريحى مەن جەتىستىكتەرىن جىپكە تىزگەندەي عىپ بايانداپ، ٴسابي كوڭىلدەرگە ۇلتتىق قۇندىلىقتارىمىزدى سىڭىرە ٴبىلدى. قازدىڭ بالاپاندارىنداي شۇپىرلەگەن بالا شاكىرتتەردىڭ ٴتۇرلى سۇراقتارى دا تانىستىرۋشى مامانداردىڭ تۇششىمدى جاۋاپتارىنا جالعاسىپ، ۇلتتىق مۋزەيدەگى ٴاربىر جادىگەردىڭ تاريحى تارقاتىلدى.

ايتا كەتەيىك، رەسپۋبليكالىق «ازىرەت سۇلتان» مەشىتىندەگى جازعى ساۋات اشۋ كۋرسىنا بيىلعى جىلى 300-گە جۋىق وقۋشى قابىلدانعان بولاتىن. 7 مەن 15 جاس ارالىعىنداعى جەتكىنشەكتەر ٴبىر ايعا سوزىلاتىن جازعى كۋرس اياسىندا «قۇران الىپپەسى» جانە «يماندىلىق الىپپەسى»، «دۇعا» جانە «ادەپ» ساباقاتارى بويىنشا ٴدارىس الىپ، ٴدىني ساۋات اشىپ شىعاتىن بولادى. سونداي-اق، وقۋىشلاردى ىنتالاندىرا ٴتۇسۋ ماقساتىندا وسىنداي تانىمدىق ساياحاتتارمەن قاتار، ٴتۇرلى ٴبىلىم جارىستارى جانە سۋرەت سايىستارى وتكىزىلەتىن بولادى.

سۋرەتتەردى «فوتوگالەرەيا» ايدارىنان كورە الاسىزدار!

date10.06.2018readCount647printباسىپ شىعارۋsourceLinkmuslim.kz





comments powered by hypercomments