ەلوردالىق جۋرناليستەرگە اۋىزاشار بەرىلدى (فوتو)

استانا قالاسىنداعى رەسپۋبليكالىق «ازىرەت سۇلتان» مەشىتىندەگى اۋىزاشار داستارحانىنىڭ بۇل جولعى قوناقتارى ەلوردالىق جۋرناليستەر قاۋىمى بولدى. ەل استاناسىنداعى تەلەارنا تىلشىلەرى، گازەت جانە سايت قىزمەتكەرلەرى، ٴباسپاسوز سالاسىنىڭ ماماندارى بەرەكەلى رامازان داستارحانىندا باس قوسىپ، جاماعاتپەن بىرگە اۋىز اشتى.

قوعام جايىن قالاممەن تۇزەپ، ەل جاعدايىن ەفيردەن ۇسىنعان باق وكىلدەرىنىڭ قاتارى سوگىلمەستەن اللا ۇيىندەگى اۋىزاۋشارعا قاتىسىپ، اسىل دىنىمىزگە قۇرمەت كورسەتكەندەرى كوڭىل تويدىرىپ، كوز قۋانتتى. يلەگەنى ٴبىر تەرىنىڭ پۇشپاعى بولعاندىقتان دا، ٴارتۇرلى قىزمەت ورىندارىنان كەلسە دە، داستارحان باسىندا وربىگەن اڭگىمەنىڭ تاقىرىبى ورتاق، تاعىلىمى مول بولدى.

ايتا كەتەيىك، قمدب ٴتوراعاسىنىڭ ٴبىرىنشى ورىنباسارى، نايب ٴمۇفتي، «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلىنىڭ باستاماسىمەن بيىلعى جىلى اۋىزاشار داستارحانىنىڭ قوناقتار سانى 800-گە ۇلعايعان بولاتىن. وسى ورايدا، قۇلشىلىق ورداسىنىڭ وڭ قاناتىنداعى كىرەبەرىس پەن كونفەرەنسيا زالىنا دا داستارحان جايىلىپ، 300 ادامدىق ورىن وسى جەردەن قوسىلعان بولاتىن. سونداي-اق، باس يمام ۇسىنىسى بويىنشا كونفەرەنسيا زالىنداعى 65  ادامدىق داستارحان رامازان ايى بويىنشا ارنايى قوناقتار شاقىرىلىپ، اۋىز اشىپ كەلەدى. ولاردىڭ قاتارىندا قازىرگى تاڭعا دەيىن زاعيپتار مەن قۇلاعى ەستىمەيتىندەر قوعاداستىعىنىڭ مۇشەلەرى، ەلوردالىق ۇستازدار مەن ەرىكتى ستۋدەنتتەر قاۋىمى، سپورتشىلار مەن ٴدىني قىزمەتكەرلەر، دارىگەر قاۋىمى، ت.ب. ارنايى شاقىرىلعان ەدى.

سۋرەتتەردى «فوتوگالەرەيا» ايدارىنان كورە الاسىزدار!

date08.06.2018readCount618printباسىپ شىعارۋsourceLinkmuslim.kz





comments powered by hypercomments