الماتىدا جۋرناليستەرگە اۋىزاشار بەرىلدى (فوتو)

Алматыда журналистерге ауызашар берілді (ФОТО)

قازاقستان مۇسىلماندارى ٴدىني باسقارماسىنىڭ الماتى قالاسى بويىنشا وكىل يمامى ەركىنبەك قاجى شوقايدىڭ ۇيىتقى بولۋىمەن قالامگەر قاۋىم مەن جۋرناليستەرگە ورتالىق مەشىت اۋلاسىندا اۋىزاشار بەرىلدى.

اۋىزاشار داستارحانىنا قمدب ٴباسپاسوز حاتشىسى اعابەك قونارباي ۇلى، قمدب عالامتورمەن جۇمىس سەكتورىنىڭ مەڭگەرۋشىسى مۇرات ماناپ ۇلى، الماتى ورتالىق مەشىتىنىڭ نايب يمامى، ۇستاز ەرسىن امىرە، 50-دەن استام جۋرناليست قاتىستى.

اۋىزاشار داستارحانىندا العاش ٴسوز العان اعابەك قونارباي ۇلى قالام ۇستاعان قالامگەرلەردى قاسيەتتى رامازان ايىمەن قۇتتىقتاپ، باس ٴمۇفتيدىڭ ىزگى نيەتى مەن تىلەگىن جەتكىزدى. سونداي-اق، ٴدىني اقپارات كەڭىستىگىندە بەلسەندى قىزمەت ەتىپ جۇرگەن ازاماتتارعا العىسىن ايتتى.

قازاقتىڭ كيىز ۇيىندە وتكەن باسقوسۋدا بەلگىلى تەولوگ-عالىم ەرسىن امىرە ٴسوز بەن قالامنىڭ جاۋاپكەرشىلىگى جايلى ۋاعىز ايتىپ، رۋحاني باسقوسۋدىڭ ٴمانىن ارتتىرا ٴتۇستى.

كەش سوڭىندا جۋرناليستەرگە ورتالىق مەشىتتىڭ ازىرلەگەن ارنايى سىيلىقتارى تابىس ەتىلدى. 


date07.06.2018readCount527printباسىپ شىعارۋsourceLinkقمدب ٴباسپاسوز قىزمەتى





comments powered by hypercomments