قمدب «حالال دامۋ» ۇيىمى قارجىلىق ەسەبىن جاريالادى (فوتو)

ҚМДБ «Халал даму» ұйымы қаржылық есебін жариялады (ФОТО)

قمدب «حالال دامۋ» جشس ديرەكتورى بەيبىت قاجى مىرزاگەلديەۆ سەرىكتەستىكتىڭ 2018 جىلدىڭ ٴى جارتى جىلدىق جۇمىسى مەن قارجىلىق ەسەبىن جاريالادى.

2018 جىلدىڭ قاڭتار-مامىر ايى ارالىعىندا سەرتيفيكاتتالعان كاسىپورىندار تاراپىنان 8 508 750 تەڭگە تۇسكەن. سەرىكتەستىك قىزمەتكەرلەرىنىڭ جالاقىسى، زەرتحانالىق تەكسەرىس شىعىندارى، عيمارات جيھازدارى مەن كەڭسە تاۋارلارى، ٴىس-ساپار، ت.ب. قوسىمشا شىعىندار جالپى تۇسىمنەن تولەندى.

ايتا كەتەيىك، حالال ستاندارتتاۋ – قازاقستان مۇسىلماندارى ٴدىني باسقارماسىنىڭ نەگىزگى جۇمىس باعىتتارىنىڭ ٴبىرى. وسى ماقساتتا 2014 جىلدىڭ 8 قازانىندا قازاقستان مۇسىلماندارى ٴدىني باسقارماسى جانىنان «حالال ونىمدەرىن ستاندارتتاۋ» ٴبولىمى اشىلدى. 2016 جىلدىڭ 22 اقپانىندا وتاندىق جانە شەتەلدىك كومپانيالاردىڭ حالال ونىمدەرىن ستاندارتتاۋ جانە سەرتيفيكاتتاۋمەن اينالىساتىن «حالال دامۋ» جاۋاپكەرشىلىگى شەكتەۋلى سەرىكتەستىگى بولىپ  قۇرىلدى.

قمدب «حالال دامۋ» جشس-نىڭ نەگىزگى ماقساتى – ەلىمىزدەگى حالال ونىمدەر نارىعىن زەرتتەپ، حالىقتىڭ ادال ونىمگە دەگەن سەنىمىن ارتتىرۋ، تۇتىنۋشىلارعا «حالال ونىمدەر» تۋرالى ۇگىت-ناسيحات جۇرگىزۋ، ساراپتامادان وتكەن كاسىپورىنداردىڭ حالال ستاندارتقا ساي قىزمەت جاساۋىن قاداعالاۋ.

«حالال دامۋ» جشس-نا 3 جىل ىشىندە 300-گە جۋىق كاسىپورىندار تەكسەرىستەن وتۋگە ٴوتىنىم ٴبىلدىردى. باقىلاۋدان وتۋگە ٴوتىنىش بىلدىرگەن كاسىپورىندار الماتى قالاسىندا ورنالاسقان «treegene»  مولەكۋلالىق-گەنەتيكالىق زەرتحاناسى مەن «كازنيۆي» قازاق عىلىمي-زەرتتەۋ ۆەتەريناريا ينستيتۋتى زەرتحاناسىندا لابوروتوريالىق سىناقتان وتەدى. «treegene» جانە «كازنيۆي» زەرتحانالارى سوڭعى ۇلگىدەگى زاماناۋي تەحنيكالىق قۇرالدارمەن جابدىقتالعان.

بۇگىندە سىناقتان وتۋگە ٴوتىنىم بىلدىرگەن كاسىپورىنداردىڭ ٴ191-ى «حالال» سەرتيفيكاتىنا يە بولدى. ولاردىڭ قاتارىندا قۇس فابريكالارى، شۇجىق كاسىپورىندارى، ەمدىك-پروفيلاكتيكالىق ونىمدەر، ەت فابريكالارى، كوسمەتيكا جانە ت.ب. ٴوندىرىس ورىندارى مەن قوعامدىق تاماقتانۋ (كافە، اسحانا، مەيرامحانا) ورىندارى بار. سەرتيفيكات تابىستالعاننان كەيىن «حالال دامۋ» ٴجشس-نىڭ باقىلاۋشى-ينسپەكتورلارى اي سايىن تەكسەرىستەن وتكەن كاسىپورىنداردى باقىلاپ وتىرادى. كاسىپورىننىڭ قىزمەتى مەن تاعام ونىمدەرىنىڭ قۇرامى حالال تالاپتارىنا ساي بولۋى باستى نازارعا الىنادى.

قمدب-عا قاراستى «حالال دامۋ» جشس-ىندە شاريعات زاڭىنىڭ بىلىكتى ماماندارى، قمدب شاريعات جانە ٴپاتۋا ٴبولىمىنىڭ عالىمدارى، ساراپشى-ەكسپەرتتەر، تەحنولوگتار، سەرتيفيكاتتالعان كاسىپورىنداردى جۇيەلى تۇردە قاداعالايتىن باقىلاۋشى-ينسپەكتورلار جانە ارنايى ٴبىلىم العان وڭىرلىك ساراپشى-يمامدار، ارنايى ەمتيحان تاپسىرىپ، سەرتيفيكات، كۋالىك جانە جەكە باس ٴمورىن يەلەنگەن 213 قاساپشى قىزمەت ەتەدى.

 
date07.06.2018readCount575printباسىپ شىعارۋsourceLinkmuslim.kz





comments powered by hypercomments