ٴدىن ماسەلەلەرى جونىندەگى رەسپۋبليكالىق توپ اتىراۋ وبلىسىندا پروفيلاكتيكالىق جۇمىستار جۇرگىزدى (فوتو)

اعىمداعى جىلدىڭ 21-25 مامىر كۇندەرى ارالىعىندا ٴدىن ماسەلەلەرى جونىندەگى رەسپۋبليكالىق ٴاقپاراتتىق-تۇسىندىرۋ توبى اتىراۋ وبلىسىندا رەسمي ىسساپارمەن بولىپ قايتتى.

قۇرامىندا بىلىكتى تەولوگ-دىنتانۋشىلار، پسيحولوگتار، مەملەكەتتىك ورگاندار جانە مەملەكەتتىك ەمەس ۇيىمدار وكىلدەرى توپتاستىرىلعان رەسپۋبليكالىق ٴاقپاراتتىق-تۇسىندىرۋ توبى پروفيلاكتيكالىق جۇمىستار جۇرگىزۋ بارىسىندا دەسترۋكتيۆتى ٴدىني اعىمداردى ۇستاناتىن ادامدارمەن اتاۋلى جۇمىستار جۇرگىزۋگە ايرىقشا كوڭىل ٴبولدى.

توپ مۇشەلەرى ەرشات وڭعاروۆ، مۇقان يساحان جانە تولەگەن تالدىبايەۆتار جىلىوي اۋدانى قۇلسارى قالاسىنىڭ ٴدىني سەبەپتەر بويىنشا جالپى ٴبىلىم بەرەتىن مەكەمەلەرگە بارماي جۇرگەن بالالارىنىڭ اتا-انالارىمەن جەكە اڭگىمەلەر ۇيىمداستىرسا، احمەتوۆا گۇلجاميلا، نۇرعاليەۆا دينارا جانە  تولعاناي مۇستافينالار بالالارىنا ەكپە جاساتۋدان باس تارتقان، دەسترۋكتيۆتى ٴدىني اعىمداردى ۇستاناتىن ايەلدەرمەن كەزدەستى.

سونداي-اق وبلىستىڭ تۇزەۋ مەكەمەلەرىندە ٴدىني ەكسترەميزم جانە تەرروريزم ٴۇشىن سوتتالعان ادامدارمەن كەزدەسۋلەر بولدى. رەسپۋبليكالىق ٴاقپاراتتىق-تۇسىندىرۋ توبى جۇمىسىنىڭ اياسىندا ايەل جاماعاتى وكىلدەرىمەن، ايەلدەردىڭ كوممۋنيكاتيۆتىك جانە كاسىپتىك بىلىم-بىلىگىن ارتتىرۋعا باعىتتالعان پسيحولوگيالىق ترەنينگتەر ۇيىمداستىرىلدى.

جالپى پروفيلاكتيكالىق جانە جەكە كەزدەسۋلەر وتكىزۋ بارىسىندا رەسپۋبليكالىق ٴاقپاراتتىق-تۇسىندىرۋ توبىنىڭ مۇشەلەرى ٴدىن سالاسىن رەتتەيتىن زاڭنامالارعا ەنگىزىلگەن تۇزەتۋلەر مەن وزگەرىستەردى تۇسىندىرۋگە بارىنشا نازار اۋداردى.

date28.05.2018readCount743printباسىپ شىعارۋ





comments powered by hypercomments