باس ٴمۇفتي رەسەيدىڭ باس مەشىتىندە ۋاعىز ايتتى (فوتو)

قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز رەسەي فەدەراسياسىنا جاساعان رەسمي ساپارى بارىسىندا قاسيەتتى جۇما كۇنى اتالعان ەلدىڭ ەڭ ۇلكەن مەشىتىندە جاماعاتقا «رامازان جانە مۇسىلمان ۇمبەتىنىڭ بىرلىگى» تاقىرىبىندا ۋاعىز ايتتى.

«ٴقادىرلى باۋىرلار، اپكە-قارىنداستارىم! رامازان – تاقۋالىق پەن تاربيەنىڭ، قايىرىمدىلىق پەن مەيىرىمنىڭ ايى. بۇل ايدا اللاعا ۇنامدى ٴاربىر امالدىڭ ساۋابى ەسەلەنىپ جازىلادى. پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ٴوزىنىڭ حاديس-شاريفىندە: «سەندەردىڭ ارالارىڭدا ەڭ جاقسىلارىڭ – حالىققا، قاۋىمعا پايداسىن تيگىزگەندەرىڭ»، – دەگەن. وسى ايدا حالىققا بارىنشا پايدامىزدى تيگىزىپ، كومەگىمىزدى كورسەتكەنىمىز ابزال. رامازان – بىرلىكتىڭ ايى. اۋىزاشار داستارحانى بارشا ادامزاتتى ٴتىلى مەن تەگىنە بولمەي، بىرلىككە ۇندەيدى. اللا تاعالا قاسيەتتى قۇراندا كۇللى ادام بالاسىنا بولىنبەۋدى بۇيىرعان. قۇرمەتتى جاماعات! جاراتۋشى يەمىز ۇستاعان ورازامىزدى قابىل ەتىپ، شىنايى نيەتپەن جاساعان ٴاربىر قايىرلى امالدارىمىزعا مول ساۋاپتان جازعاي»، – دەپ اتاپ ٴوتتى باس ٴمۇفتي سەرىكباي قاجى ساتىبالدى ۇلى.

ماسكەۋ ورتالىق مەشىتىندە ٴبىر مەزەتتە 15 مىڭ ادام قۇلشىلىق ەتە الادى.


 

date25.05.2018readCount742printباسىپ شىعارۋsourceLinkقمدب ٴباسپاسوز قىزمەتى





comments powered by hypercomments