سەرىكباي قاجى وراز ماسكەۋدە رەسەي مۇفتيىمەن كەزدەستى (فوتو)

Серікбай қажы Ораз Мәскеуде Ресей мүфтиімен кездесті (ФОТО)

قازاقستان مۇسىلماندارى ٴدىني باسقارماسىنىڭ ٴتوراعاسى، باس ٴمۇفتي سەرىكباي قاجى وراز باستاعان دەلەگاسيا رەسەي فەدەراسياسىنا رەسمي ساپارمەن باردى.

ساپاردىڭ ٴبىرىنشى كۇنىندە ەلىمىزدىڭ باس ٴمۇفتيى سەرىكباي قاجى ساتىبالدى ۇلى رەسەي فەدەراسياسى مۇسىلماندارى ٴدىني باسقارماسىنىڭ ٴتوراعاسى راۆيل گاينۋتدينمەن كەزدەستى.

كەزدەسۋ بارىسىندا كورشىلەس ەلدەردىڭ رۋحاني-مادەني، ٴدىني سالاداعى قارىم-قاتىناسى ٴسوز بولدى. قازاقستان مەن رەسەي مۇسىلماندارى ٴدىني باسقارمالارى اراسىنداعى ارىپتەستىك بايلانىستىڭ نىعايىپ كەلە جاتقاندىعى ايرىقشا اتالدى. تاراپتار اڭگىمە بارىسىندا قازاقستان مۇسىلماندارى ٴدىني باسقارماسىنىڭ باستاماسىمەن ناۋرىز ايىندا وتكەن ەۋرازيا مۇسىلمان عۇلامالارىنىڭ فورۋمى جايلى پىكىر الماستى. سەرىكباي قاجى وراز اتالعان حالىقارالىق فورۋم ورتالىق ازيا مەن ەۋرازيا ەلدەرىنىڭ ٴدىن قايراتكەرلەرىن ورتاق ماقساتقا ۇندەپ، بىرلىككە شاقىرعانىن تىلگە تيەك ەتتى.

ەكى ەلدىڭ مۇفتيلەرى يگى ىستەردە ٴوزارا بىرىگىپ قىزمەت ەتۋ، ٴدىني راديكاليزم مەن ەكسترەميزمنىڭ ٴقاۋپىن الدىن الۋ، قازىرگى سىن-قاتەرلەر مەن ٴدىني ماسەلەلەرگە قاتىستى ٴبىرىڭعاي ٴپاتۋا شىعارۋدىڭ ماڭىزدىلىعى جونىندە اڭگىمەلەستى. وسى باعىتتا جۇيەلى جۇمىس جۇرگىزىپ، بىرلەسكەن ٴىس-شارالاردى جۇزەگە اسىرۋعا ۋاعدالاستى.

سۇحبات بارىسىندا ەۋرازيا مۇسىلمان عۇلامالارىنىڭ فورۋمى جانىنان قۇرىلعان حاتشىلىق جۇمىسىن جان-جاقتى جەتىلدىرۋ ماسەلەسى تالقىلاندى.

رەسمي كەزدەسۋدەن كەيىن سەرىكباي قاجى وراز ماسكەۋدىڭ ورتالىق مەشىتىنە جينالعان جاماعاتقا رامازان ايىنىڭ قادىر-قاسيەتى مەن مۇسىلمان ۇمبەتىنىڭ بىرلىگى جايلى ۋاعىز ايتتى.

 

date25.05.2018readCount620printباسىپ شىعارۋsourceLinkقمدب ٴباسپاسوز قىزمەتى





comments powered by hypercomments