باس ٴمۇفتي aلماتىدا اۋىزاشار بەردى (فوتو)

قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى وراز الماتى قالاسىندا مەملەكەت جəنە قوعام قايراتكەرلەرىنە، عالىمدار مەن زيالى قاۋىم وكىلدەرىنە، باق قىزمەتكەرلەرى مەن ونەر مايتالماندارىنا اۋىزاشار بەردى.

اۋىزاشارعا ٴاسانəلى ٴاشىموۆ، مۇرات جۇرىنوۆ، دۋلات يسابەكوۆ، سماعۇل ەلۋباي، التىنبەك قورازبايەۆ سىندى ەل اعالارى مەن قالالىق əكىمدىكتىڭ لاۋازىمدى قىزمەتكەرلەرى، باق باسشىلارى، باس رەداكتورلار قاتىستى.

سونىمەن قاتار، بىرىككەن اراب امىرلىكتەرىنىڭ فەدەرالدىق ۇلتتىق كەڭەسىنىڭ دەپۋتاتى، تولەرانتتىلىق پەن بەيبىتشىلىك جونىندەگى جاھاندىق كەڭەس ٴتوراعاسى احمەد مۇحاممەد ٴ ال-دجارۋان دا ارنايى اۋىزاشار داستارحانىنىڭ قوناعى بولدى.

يگى ٴىس-شارادا باس ٴمۇفتي سەرىكباي قاجى وراز جينالعان قاۋىمدى قاسيەتتى رامازان ايىمەن قۇتتىقتاپ، ىزگى نيەتىن جەتكىزدى.

«رامازان - اعايىن-تۋىستى يماندىلىق پەن اۋىزبىرشىلىككە ۇيىتاتىن بەرەكەلى اي. بۇل ايدا ادام بالاسىنىڭ جان-دۇنيەسى تازارىپ، رۋحاني تۇلەيدى. اللا تاعالا بارشامىزدىڭ ۇستاعان ورازامىزدى قابىل ەتىپ، قاسيەتتى ايدا جاساعان قايىرلى امالدارىمىزدى قابىل ەتكەي»، - دەدى سەرىكباي ساتىبالدى ۇلى.

اۋىزاشار داستارحانىندا جارامازان جىرى ايتىلىپ، تولعاۋ-تەرمەلەر ورىندالدى.

 


 

 

 


date23.05.2018readCount789printباسىپ شىعارۋ





comments powered by hypercomments