باس مەشىتتەگى «بەرەكەلى رامازان» داستارحانىنا ارنايى قوناقتار شاقىرىلدى (فوتو)

رەسپۋبليكالىق «ازىرەت سۇلتان» مەشىتىندەگى اۋىزاشار داستارحانى بۇگىن ارنايى قوناقتارمەن تولىعا ٴتۇستى. قمدب ٴتوراعاسىنىڭ ٴبىرىنشى ورىنباسارى، نايب ٴمۇفتي، «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلىنىڭ باستاماسىمەن بۇگىننەن باستاپ باس مەشىتتەگى اۋىزاشار داستارحانىنا ەلورادامىزداعى ٴتۇرلى قوعامدىق (زاعيپتار، مۇگەدەكتەر، ت.ب.) ۇيىمدار مۇشەلەرى مەن مەملەكەتتىك قىزمەت كورسەتۋ مەكەمەلەرىنىڭ جۇمىسشىلارى شاقىرىلىپ وتىراتىن بولادى.

ەستەرىڭىزگە سالا كەتەيىك، بيىلعى جىلدان باستاپ «ازىرەت سۇلتان» مەشىتىندەگى تەگىن اۋىزاشار داستارحانىنىڭ اۋقىمى كەڭەيىپ، كۇن سايىن 800 جانعا ارنالىپ جايىلىپ كەلە جاتىر. بۇگىن سولاردىڭ قاتارىنا ەلوردامىزداعى قۇلاعى ەستىمەيتىندەر ۇيىمىنىڭ 50-گە جۋىق مۇشەلەرى شاقىرىلىپ، قۇرمەتتى قوناق بولدى. سونداي-اق، «بەرەكەلى رامازان» داستارحانىنان استانا قالاسى اكىمدىگىنىڭ ٴدىن پروبلەمالارىن زەرتتەۋ ورتالىعىنىڭ قىزمەتكەرلەرى دە ٴدام تاتىپ، ساۋاپتى وتىرىسقا قاتىستى.

ارنايى شاقىرىلعان قوناقتارعا رەسپۋبليكالىق «ازىرەت سۇلتان» مەشىتىنىڭ ۇستازى فارحات يسا ۇلى ۋاعىز ايتىپ، كەشتىڭ تاعىلىمدى وتۋىنە ۇلكەن سەپتىگىن تيگىزدى. ارنايى اۋدارماشى ارقىلى ٴتارجىمالانعان ۋاعىز جيىلعان قوناقتارعا رۋحاني اسەر قالدىرىپ، ريزاشىلىقتارىن تۋدىردى.

ايتا كەتەيىك، بۇگىنگى كۇننەن باستاۋ يگى شارا رامازان ايى اياقتالعانشا جالعاساتىن بولادى. الداعى ۋاقىتتا باس مەشىتتەگى «بەرەكەلى رامازان» داستارحانىنا باسقا دا قوعامدىق ۇيىم وكىلدەرى، ٴتارتىپ ساقشىلارى مەن دارىگەرلەر، ۇستازدار قاۋىمى شاقىرىلىپ وتىرادى.

سۋرەتتەردى «فوتوگالەرەيا» ايدارىنان كورە الاسىزدار!

date23.05.2018readCount892printباسىپ شىعارۋsourceLinkmuslim.kz





comments powered by hypercomments