muslim.kz پورتالى جاڭا نۇسقادا وقىرمانعا جول تارتتى (فوتو)

Muslim.kz порталы жаңа нұсқада оқырманға жол тартты (ФОТО)

بۇگىن، قاسيەتتى رامازان ايىنىڭ قارساڭىندا رەسپۋبليكالىق «ازىرەت سۇلتان» مەشىتىندە قۋانىشتى وقيعا ورىن الدى. ارنايى ٴباسپاسوز كونفەرەنسياسىندا رەسپۋبليكالىق باس مەشىتتىڭ رەسمي پورتالى muslim.kz سايتىنىڭ جاڭارتىلعان نۇسقاسى تانىستىرىلىپ، وقىرمانعا جول تارتتى.

شارانىڭ شىمىلدىعى قمدب ٴتوراعا ورىنباسارى، نايب ٴمۇفتي، رەسپۋبليكالىق «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلىنىڭ قۇتتىقتاۋ لەبىزىمەن اشىلدى. رۋحاني باعىتتاعى ناسيحات جۇمىستارىن جانداندىرۋ جولىندا جەمىستى ەڭبەك ەتىپ كەلە جاتقان سايت ۇجىمىنا ريزاشىلىعىن ٴبىلدىرىپ، جۇمىستارىنا ساتتىلىك تىلەدى.

بۇدان كەيىن ورتاعا شىققان سايت رەداكتورى ايدوس يمانتاي جينالعان كوپشىلىككە جاڭا سايتتىڭ ەرەكشەلىكتەرى مەن تىڭنان قوسىلعان ارتىقشىلىقتارى جايلى تانىستىرىپ، جالپى ماعلۇمات بەرىپ ٴوتتى. سونداي-اق، سايتتىڭ ورىس ٴتىلى ٴبولىمىنىڭ رەداكتورى ماقساتبەك قايىرعاليەۆ تە جاڭا نۇسقا جايىندا ٴتۇسىندىرىپ، قاسيەتتى رامازان ايىنا وراي اشىلعان «رامازان پاراقشاسى» ايدارىنا توقتالىپ ٴوتتى. سونداي-اق، muslim.kz سايتىنىڭ جاڭا نۇسقاسىن قۇراستىرعان «استانا كرەاتيۆ» كومپانياسىنىڭ وكىلى دە ٴباسپاسوز كونفەرەنسياسىنا قاتىسىپ، وسىنداي يگى ٴىستى جۇزەگە اسىرۋعا مۇمكىندىك بەرگەن مەشىت ۇجىمىنا العىسىن جەتكىزدى. شارا سوڭىندا جۋرناليستتەر قاۋىمى مەن كونفەرەنسياعا قاتىسۋشىلاردىڭ سۇراقتارىنا كەزەك بەرىلىپ، قاجەتتى جاۋاپتار قايتارىلدى.

سايتتىڭ جاڭا نۇسقاسىنا مىنا سىلتەمە ارقىلى وتە الاسىز: new.muslim.kz

سۋرەتتەردى «فوتوگالەرەيا» ايدارىنان كورۋگە بولادى!

date16.05.2018readCount940printباسىپ شىعارۋsourceLinkmuslim.kz





comments powered by hypercomments