باس مەشىت شاكىرتتەرى ۇجىمدىق سەرۋەنگە شىعىپ قايتتى (فوتو)

كەشەگى جەكسەنبى استانا قالاسىنداعى رەسپۋبليكالىق «ازىرەت سۇلتان» مەشىتىنىڭ شاكىرتتەرى ٴۇشىن ەرەكشە كۇندەردىڭ ٴبىرى بولدى. باس مەشىتتەگى «ٴدىني ساۋات اشۋ كۋرسىنىڭ» وقۋ باعدارلاماسىنىڭ اياقتالۋىنا وراي ۇيىمداستىرىلعان ۇجىمدىق سەرۋەن شاكىرتتەر قاۋىمىن ىنتىماققا ۇيىستىرىپ، بىرلىگىن بەكەمدەي ٴتۇستى. قالا سىرتىنداعى دەمالىس ورىندا باس قوسقان باس مەشىت قىزمەتكەرلەرى مەن شاكىرتتەرى وسىلايشا جەكسەنبى كۇنىن تاعىلىمعا تولى وتكىزىپ، تىنىعىپ قايتتى.

شاكىرتتەردىڭ بىر-بىرىمەن ەتەنە تانىسىپ، جاقىنىراق ارالاسۋىنا جول اشقان ۇجىمدىق دەمالىس سپورتتىق سايىستارمەن ارلەنىپ، تىنىعۋمەن بىرگە شىنىعۋ جاعىن شىڭدادى. ٴار ۇستازدىڭ شاكىرتتەرىنەن جاساقتالعان توپتار اراسىندا فۋتبول، ۆولەيبول، قىزىل تۋ، ارقان تارتىس، گىر كوتەرۋ سەكىلدى جارىستار وتكىزىلىپ، ٴوزارا كۇش تالاستىردى.

ٴبىر ٴۇيدىڭ بالاسىنداي بىرلىك تانىتىپ، بىرلەسە ٴجۇرىپ تاماق تا دايىنداپ، جارىسقا دا قاتىسىپ ۇلگەرگەن شاكىرتتەر ٴۇشىن تابيعات اياسىندا ساپ تۇزەپ، جاماعاتپەن وقىلعان نامازدىڭ ەرەكشە اسەرلى بولعانى ٴسوزسىز. نامازدان سوڭ شاكىرتتەر قاۋىمىنا قمدب ٴتوراعاسىنىڭ ٴبىرىنشى ورىنباسارى، رەسپۋبليكالىق «ازىرەت سۇلتان» مەشىتىنىڭ باس يمامى ناۋرىزباي قاجى تاعان ۇلىنىڭ ۋاعىزى دا ۇجىمدىق دەمالىستىڭ تاعىلىمىن ارتتىرا ٴتۇستى.

سۋرەتتەردى «فوتوگالەرەيا» ايدارىنان كورە الاسىزدار!

date14.05.2018readCount1261printباسىپ شىعارۋsourceLinkmuslim.kz





comments powered by hypercomments