استاناداعى جاڭا مەشىتكە يمام تاعايىندالدى (فوتو)

Астанадағы жаңа мешітке имам тағайындалды (ФОТО)

قازاقستان مۇسىلماندارى ٴدىني باسقارماسىنىڭ ٴتوراعاسى سەرىكباي قاجى ورازدىڭ بۇيرىعىمەن ياحيا قاجى يسمايىلوۆ استاناداعى «ىرىسكەلدى قاجى» مەشىتىنىڭ باس يمامى بولىپ تاعايىندالدى.

ول وسىعان دەيىن ەلورداداعى كۋنتا قاجى اتىنداعى مەشىتتىڭ باس يمامى قىزمەتىن اتقاردى.

ٴومىربايانى:

يسمايىلوۆ ياحيا ابدوللا ۇلى 1962 جىلى تۋعان.

وزبەكستاننىڭ بۇقارا قالاسىندا ٴدىني ٴبىلىم العان. تاشكەنتتەگى يسلام ۋنيۆەرسيتەتىن ٴتامامداعان.

1987 جىلى قاراعاندى قالاسىندا يمامدىق قىزمەت اتقاردى.

1988 جىلى بۇرىنعى جەزقازعان وبلىسىندا باس يمام قىزمەتىنە تاعايىندالدى. اتالعان وبلىستا 15 جىلدان استام قىزمەت ەتتى.

2003 جىلى قازاقستان مۇسىلماندارى ٴدىني باسقارماسىنىڭ سولتۇستىك قازاقستان وبلىسى بويىنشا وكىل يمامى قىزمەتىن اتقارعان.

قازاقستان حالقى اسسامبلەياسىنىڭ مۇشەسى.

«شاپاعات» مەدالىنىڭ يەگەرى.

«قازاقستان حالقى اسسامبلەياسىنا 20 جىل»، «قر كونستيتۋسياسىنا 10 جىل» مەدالىمەن ماراپاتتالعان.

بۇرىنعى جەزقازعان وبلىسىنىڭ قۇرمەتتى ازاماتى.   

قر پرەزيدەنتىنىڭ العىس حاتىمەن ماراپاتتالعان.


date14.05.2018readCount979printباسىپ شىعارۋsourceLinkقمدب ٴباسپاسوز قىزمەتى





comments powered by hypercomments