استانادا پوستمودەرنيزم ستيلىندە سالىنعان جاڭا مەشىت اشىلدى (فوتو)

بۇگىن استانا قالاسىندا ساۋلەتى ەرەكشە مەشىت اشىلدى. اللا ٴۇيىنىڭ اشىلۋ سالتاناتتى راسىمىنە مەملەكەت جانە قوعام قايراتكەرلەرى قاتىستى.

سالتاناتى شارادا ٴسوز العان باس ٴمۇفتي سەرىكباي قاجى وراز:

«بۇگىن – كۇللى مۇسىلمان قاۋىمىنىڭ رۋحاني ومىرىندە تاريحي كۇن. قاسيەتتى رامازان ايىنىڭ قارساڭىندا ەلىمىزدە تۇڭعىش رەت پوستمودەرنيزم ستيلىندە سالىنعان مەشىت ەسىگىن ايقارا اشتى. بالامالى ەنەرگيا كوزدەرىمەن قامتاماسىز ەتىلەتىن ٴنومىرى ٴبىرىنشى قۇتحانامىز قۇتتى بولسىن، ارداقتى اعايىن! ٴبىز مۇنداي نىعمەتكە ەلدىگىمىز بەن ەرلىگىمىزدىڭ، بىرلىگىمىز بەن تاۋەلسىزدىگىمىزدىڭ ارقاسىندا جەتتىك. اللاعا سانسىز ماقتاۋلار بولسىن! وسى مەشىتتىڭ سالىنۋىنا قامقورلىق تانىتقان، ەل قامىندا جۇرگەن ەلباسى مەن ەل اعالارىنا اللا رازى بولسىن!

حالقىمىزدا: «ازانى بار اۋىل ازبايدى»، – دەگەن ناقىل بار. مەشىت – سۇيىسپەنشىلىك پەن باۋىرمالدىقتىڭ، يگىلىك پەن ىزگىلىكتىڭ، بىرلىك پەن مەيىرىمدىلىكتىڭ، بارشا جاقسىلىقتىڭ توعىسقان قۇتتى مەكەنى. مەشىت – اللانىڭ ٴۇيى. ادامزات بالاسىنىڭ رۋحاني تۇرعىدان دامۋى مەن پەندەنىڭ تۇلابويىنا ادامگەرشىلىك قۇندىلىقتاردى ۇيالاتۋدا مەشىتتىڭ ورنى قاشان دا ماڭىزدى. بۇل مەشىت قۇلشىلىقتىڭ عانا ورداسى بولىپ قالماي، رۋحاني ٴھام مادەني-اعارتۋ، قوعامدىق كەلىسىم مەن بىرلىك پەن بەرەكەنىڭ وشاعىنا اينالادى دەگەن سەنىمدەمىن. جاڭا مەشىت، سونىمەن قاتار ٴسالت-داستۇرىمىزدىڭ، تاعىلىمعا تولى تاريحىمىزدىڭ ناسيحاتشىسى، ٴدىني ٴھام عىلىمي جاڭالىقتاردىڭ ٴارى قايىرىمدىلىقتىڭ ورتالىعى بولادى.
پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ٴوزىنىڭ قاسيەتتى حاديس-شاريفىندە: «مەشىت سالعان ادام ٴۇشىن اللا تاعالا ٴجانناتتا ساراي تۇرعىزادى». مەشىت سالۋ – ساۋابى ۇزىلمەيتىن ساۋاپتى ٴىس! وسى قۇتحانانىڭ قۇرىلىسىن قولعا العان ٴدىنىمىزدىڭ جاناشىر ازاماتتارىنا، اللا ٴۇيىنىڭ بويكوتەرۋىنە تىلەۋلەستىك بىلدىرگەن جاماعاتقا اللا رازى بولسىن»، – دەدى.

باس مۇفتيدەن كەيىن ٴسوز العان قر ٴدىن ىستەرى جانە ازاماتتىق قوعام ٴمينيسترى دارحان كالەتايەۆ جاماعاتتى جاڭا مەشىتتىڭ اشىلۋىمەن قۇتتىقتاپ، ىزگى تىلەگىن جەتكىزدى.        

انىقتاما:

ەسىل وزەنىنىڭ وڭ جاعالاۋىندا ورنالاسقان مەشىتتىڭ قۇرىلىسى 2016 جىلى باستالدى. جاڭا مەشىت قايىرىمدىلىق ماقساتپەن جينالعان قاراجات ەسەبىنەن تۇرعىزىلدى. مەشىت عيماراتى ٴداستۇرلى ورنەكتەر مەن دەكوراتيۆتى ەلەمەنتتەر قولدانىلا وتىرىپ، پوستمودەرنيزم ستيلىندە سالىنعان. نەگىزگى عيمارات كۇردەلى ٴارى جارتىلاي سفەرالىق نىساندى ەلەستەتەدى. ونىڭ قابىرعالارى ٴۇشبۇرىشتانا سۇيىرلەنىپ، ديامەترى 26 مەترلىك كۇمبەزبەن جالعاسقان. مەشىتتىڭ سىرتقى ديزاينى گۇلدى ٴارى الماستىڭ قىرلارىن ەسكە سالادى.

مەشىتتىڭ باستى عيماراتىنىڭ سولتۇستىك جاعىندا ورنالاسقان مۇنارانىڭ بيىكتىگى – 43،5 مەتر. ول «قالام» – «قاسيەتتى قاۋىرسىن» تۇرىندە بوي كوتەرگەن.

جاڭا مەشىتتى ەنەرگيا قۋاتىمەن قامتاماسىز ەتۋ ٴۇشىن پايدالانىلاتىن بالامالى ەنەرگيا كوزدەرى قاجەتتى مولشەردەن ٴۇش ەسە كوپ ەلەكتر قۋاتىن وندىرەدى. جاڭا مەشىت 750 ادامعا لايىقتالعان.

مەشىت عيماراتىنىڭ اۋدانى – 2248 شارشى مەتر. ورنالاسقان جەردىڭ اۋدانى – 1،44 گا.

date11.05.2018readCount1230printباسىپ شىعارۋsourceLinkقمدب ٴباسپاسوز قىزمەتى
пррпрپررپرимимтмيميمتم





comments powered by hypercomments