قارتتار ۇيىندە جەڭىس مەرەكەسى تويلاندى (فوتو)

بۇگىن استانا قالاسىنداعى «شاراپات» الەۋمەتتىك كومەك كورسەتۋ ورتالىعىندا جەڭىس مەرەكەسىنىڭ 73 جىلدىق مەرەيتويىنا ارنالعان شارا بولىپ ٴوتتى. استانا قالاسى اكىمدىگىنىڭ ۇيىمداستىرۋىمەن وتكەن مەرەكەلىك شارا بارىسىندا ارداگەر قاريالارعا قۇرمەت كورسەتىلىپ، «ارداگەر» ساياجولىنا سوعىس ارداگەرلەرىنىڭ اتاۋلى كوشەتتەرى وتىرعىزىلدى.

مەرەكەلىك ٴىس-شاراعا رەسپۋبليكالىق «ازىرەت سۇلتان» مەشىتىنىڭ نايب يمامى باقىتجان وتكەلبايەۆ قاتىسىپ، ارداگەر اقساقالدارىمىزدى جەڭىس مەرەكەسىمەن قۇتتىقتاپ قايتتى. قارتتار ٴۇيىنىڭ اۋلاسىندا وتكەن شارا اياسىندا باس مەشىت يمامى قاسيەتتى قۇران اياتتارىن وقىپ، كوپشىلىكپەن بىرگە دۇعا جاسادى.

شارا اياسىندا مايدانگەر قاريالاردىڭ جادىن جاڭعىرتىپ، اسكەري شەرۋ دە ۇيىمداستىرىلدى. سونداي-اق، ٴتۇرلى ىزگى تىلەكتەر ايتىلىپ، سىيلىقتار تارتۋ ەتىلدى. شارا سوڭىندا «ارداگەر» ساياجولىنا تال وتىرعىزۋ ٴراسىمى ورىن الدى. ايتا كەتەيىك، «ارداگەر» ساياجولى 2008 جىلى استانا قالاسىنىڭ 10 جىلدىعى جانە ۇلى جەڭىس مەرەكەسىنىڭ 63 جىلدىعىنا وراي اشىلعان بولاتىن.

سۋرەتتەردى «فوتوگالەرەيا» ايدارىنان كورە الاسىزدار!

date10.05.2018readCount708printباسىپ شىعارۋsourceLinkmuslim.kz





comments powered by hypercomments