قمدب قىزمەتكەرلەرى russian halal expo كورمەسىنە قاتىستى (فوتو)

ҚМДБ қызметкерлері Russian Halal Expo көрмесіне қатысты (ФОТО)

رەسەي فەدەراسياسى مۇسىلماندارى ٴدىني باسقارماسى مەن «سوۆەت مۋفتيەۆ روسسيي» حالىقارالىق حالال ستاندارتتاۋ ورتالىعىنىڭ ۇيىمداستىرۋىمەن ماسكەۋ قالاسىندا russian halal expo كورمەسى ٴوتتى. اتالمىش كورمەگە تۇركيا، مالايزيا، ماروككو، يندونەزيا، تايلاند، يران، قازاقستان،بىرىككەن اراب امىرلىكتەرى ەلدەرىنەن كەلگەن لاۋازىمدى تۇلعالار قاتىستى.

حالىقارالىق كورمەنىڭ ماقساتى - حالال يندۋسترياسىنىڭ دامۋىن كۇشەيتۋ، حالال ستاندارتى بويىنشا سەرتيفيكاتتاۋ جۇيەسىن دامىتۋداعى حالىقارالىق ىنتىماقتاستىقتى نىعايتۋ.

كورمە بارىسىندا قازاقستان ەلىنەن وكىل رەتىندە بارعان قازاقستان مۇسىلماندارى ٴدىني باسقارماسىنا قاراستى «حالال دامۋ» جشس-نىڭ ديرەكتورى بەيبىت الىپبەك ۇلى «حالال ستاندارتتاۋ جانە سەرتيفيكاتتاۋ جۇيەسى» تاقىرىبى اياسىندا ٴسوز سويلەدى. بەيبىت مىرزاگەلديەۆ ٴوز بايانداماسىندا قمدب-نىڭ تەكسەرىسىنەن ٴوتىپ، حالال سەرتيفيكاتقا يە بولعان كاسىپورىندار سانى 178-گە جەتكەنىن، سونىمەن قاتار 750 قاساپشى «قاساپشىلىق – ساۋاپتى ٴھام جاۋاپتى ٴىس» اتتى باعدارلاما بويىنشا ٴبىلىم الىپ، كۋالىك جانە سەرتيفيكاتقا يە بولعانىن اتاپ ٴوتتى.

«ايتا كەتسەك، الەمدىك ستاندارتتاردى ەسكەرە وتىرىپ «حالال دامۋ» جشس ماماندارى 3 ستاندارتتى دايىندادى. اتاپ ايتقاندا: «1:2016 «مال باۋىزداۋ جانە ەت وڭدەۋ»; «2:2016 «ازىق-تۇلىك جانە قىزمەت كورسەتۋ»، «3:2016 «حالال ٴونىمدى ٴوندىرۋ، دايارلاۋ، وڭدەۋ، ساقتاۋ، تاسىمالداۋ جانە ساتۋ قىزمەتتەرىنە قويىلاتىن جالپى تالاپتار» ستاندارتتارى بار. سوڭعى ۇلگىدەگى زاماناۋي قۇرالدارمەن جابدىقتالعان «treegene» مولەكۋليارلى-گەنەتيكالىق زەرتحاناسى مەن كازنيۆي زەرتحاناسىمەن تىعىز بايلانىستا جۇمىستار جۇرگىزىلۋدە.

قازىرگى ۋاقىتقا دەيىن جالپى 840 ٴونىم زەرتحانالىق تەكسەرىستەن ٴوتىپ، سونىڭ 110 ونىمىنەن دوڭىزدىڭ دنق-سى انىقتالدى. قمدب «حالال دامۋ» جشس-نىڭ ەنشىلەس ۇيىمى جانە ونىڭ قىزمەتكەرلەرى قاتارىندا كمدب-نىڭ ٴپاتۋا ٴبولىمى مەن ٴار ايماقتاعى يمام وكىلدەرىمەن تولىعىپ وتىر. «حالال دامۋ» جشس تىكەلەي ٴدىن جانە تەحنولوگيا سالاسىنىڭ ماماندارىمەن بىرلەسە وتىرىپ جۇمىس جۇرگىزۋىنە بايلانىستى ەلىمىزدە عانا ەمەس، سونىمەن قاتار شەتەلدەردە دە ەرەكشە سەنىمگە يە بولىپ وتىر»، - دەدى ب.الىپبەك ۇلى ٴوز بايانداماسىندا.

سونىمەن قاتار، قازاقستاننىڭ ەكىنشى سپيكەرى «حالال دامۋ» جشس-نىڭ باس ساراپشىسى الماگۇل قۋانىشقىزىنا ٴسوز بەرىلدى. الماگۇل حانىم قازاقستانداعى حالال ستاندارتتاۋدىڭ تاجىريبەسىمەن ٴبولىستى. 

حالىقارالىق حالال كونگرەسس اياسىندا قمدب «حالال دامۋ» جشس ديرەكتورى جانە (smiic) مۇسىلمان ەلدەردىڭ ستاندارتتاۋ جانە مەترولوگيا ينستيتۋتىنىڭ باس حاتشىسى اراسىندا كەزدەسۋ ٴوتتى. كەزدەسۋ بارىسىندا smiic ۇيىمى «حالال دامۋ» جشس-عا كوسمەتيكا سالاسى بويىنشا ٴ4-شى ستاندارتىن قولدانۋعا رەسمي تۇردە رۇقساتىن بەردى. ايتا كەتسەك، وسىعان دەيىن 2016 جىلى 4 مامىردا تۇركيانىڭ ois/smiic حالال سەرتيفيكاتتاۋ ۇيىمىوزدەرىنىڭ 3 ستاندارتىن قازاقستاندا قولدانۋعا جəنە ەنگىزۋگە رۇقساتىن بەرگەن بولاتىن.

كورمە اياسىندا حالال سەرتيفيكاتتاۋ ۇيىمىنىڭ ديرەكتورى بەيبىت مىرزاگەلديەۆ بىرىككەن اراب امىرلىكتەرىندەگى (esma) ستاندارتتاۋ جونىندەگى مەترولوگيا باسقارماسىنىڭ باس ديرەكتورى ابدۋللا ابدۋدكادەر ال-مايني مىرزامەن كەزدەسۋ وتكىزدى. ٴوزارا كەزدەسۋدە ٴبىراز ماسەلەلەر تالقىلانىپ، «حالال دامۋ» جشس-نى esma ۇيىمىنىڭ اككرەديتتەۋىنەن وتكىزۋ تۋرالى ماسەلەلەر ٴسوز بولدى.

 
date03.05.2018readCount629printباسىپ شىعارۋsourceLinkقمدب حالال ستاندارتتاۋ ٴبولىم





comments powered by hypercomments