ەلباسى استاناداعى جاڭا مەشىتتىڭ قۇرىلىسىمەن تانىستى (فوتو)

ەلباسى نۇرسۇلتان نازاربايەۆ كەشە استانا قالاسىنداعى سالىنىپ بىتۋگە تاياۋ قالعان قۇلشىلىق ورداسىنىڭ جاي-كۇيىمەن تانىستى. مەملەكەت باسشىسىنا مەشىت قۇرىلىسى جايىندا تولىق اقپارات ۇسىنىلىپ، جاڭا تەحنولوگيالار نەگىزىندە تۇرعىزىلعان عيماراتتىڭ ارتىقشىلىقتارى ايتىلدى.

ەسىل وزەنىنىڭ بويىندا ورنالاسقان جاڭا مەشىت عيماراتى پوستمودەرنيزم ستيلىندە تۇرعىزىلعان ەلىمىزدەگى العاشقى قۇلشىلىق وردالارىنىڭ ٴبىرى بولىپ تابىلادى. سىرتقى ساۋلەتى گۇلدىڭ پىشىنىنە، سونداي-اق سان قىرلى جاۋھار تاستىڭ بەينەسىنە ۇقساتىپ سالىنعان.

سوڭعى تەحنولوگيالىق جەتىستىكتەر نەگىزىندە تۇرعىزىلعان جاڭا مەشىتتىڭ تاعى ٴبىر ارتىقشىلىعى – عيماراتقا قاجەتتى ەلەكتر ەنەرگياسىن كۇن كوزىنەن الاتىندىعى. ارنايى قويىلعان كۇن باتارەيالارى ارقاسىندا ازىرگە مەشىت عيماراتىنا قاجەتتى ەلەكتر ەنەرگياسىنان ٴۇش ەسە ارتىق وندىرۋگە مۇمكىندىك بار.

قاسيەتتى رامازان ايى قارساڭىندا جاماعاتقا ەسىگىن ايقارا اشاتىن جاڭا مەشىتتىڭ سىيىمدىلىعى 750 جانعا ارنالعان. قۇلشىلىق ورداسىنىڭ جالپى اۋماعى 1،44 گەكتاردى مەتردى قۇرايدى، ال مەشىت عيماراتىنىڭ كولەمى 2248 شارشى مەتر.

date02.05.2018readCount1138printباسىپ شىعارۋsourceLinkmuslim.kz





comments powered by hypercomments