قازاقستان ٴباسپاسوز ەركىندىگى يندەكسىندە ٴبىر ورىن تومەندەدى

Қазақстан баспасөз еркіндігі индексінде бір орын төмендеді

قازاقستان الەمدەگى ٴباسپاسوز ەركىندىگى رەيتينگىندە بىلتىرعىدان ٴبىر ورىن تومەندەدى دەپ حابارلادى «شەكاراسىز تىلشىلەر» (reporters without borders) حالىقارالىق ۇيىمى.

rwb الەمدەگى 2017 جىلدىڭ قورىتىندىسى بويىنشا ٴباسپاسوز ەركىندىگى جونىندەگى ەسەبىندە قازاقستاننىڭ ٴبىر ساتى - 157-ورىننان 158-ورىنعا كوتەرىلگەن.

25-ساۋىردە جاريالاعان ەسەبىندە rwb ٴباسپاسوز ەركىندىگىن تەجەۋ جىل وتكەن سايىن بارىنشا كۇشەيىپ بارا جاتقانىن ەسكەرتتى.

«ساياسي جەتەكشىلەردىڭ باسپاسوزگە جاۋىققانى تۇركيا (157-ورىن) جانە ەگيپەت (161-ورىن) سياقتى اۆتوريتارلى ەلدەرمەن عانا شەكتەلمەدى. دەموكراتيالىق جولمەن بيلىككە كەلگەندەر دە ٴقازىر باسپاسوزگە دەموكراتيانىڭ اجىراماس قۇرالى رەتىندە ەمەس، قارسىلاس رەتىندە قابىلداپ، وعان وشپەندى كوزقاراسىن اشىق بىلدىرە باستادى» دەلىنگەن ەسەپتە.

rwb يندەكسىندە نورۆەگيا مەن شۆەسيا كوش باستاسا، سوڭعى ورىندا سولتۇستىك كورەيا تۇر.

بيىلعى يندەكستە بۇرىنعى سوۆەت ەلدەرىنەن گرۋزيا 61-ورىندا، ارمەنيا - 80، مولدوۆا - 81، ۋكراينا - 101، رەسەي - 149، تاجىكستان - 149، بەلارۋس - 155، ازەربايجان - 163، وزبەكستان - 165، ال تۇركىمەنستان 178-ورىندا تۇر. قىرعىزستان بىلتىرعىدان توعىز ورىن تومەندەپ، 98-ورىنعا تۇسكەن.

2002 جىلدان بەرى جاريالاناتىن يندەكسكە 180 مەملەكەت قامتىلعان. يندەكستە مەملەكەتتەردەگى پليۋراليزم، باق جانە زاڭناما تاۋەلسىزدىگى، جۋرناليستەردىڭ قورعالۋ كورسەتكىشتەرى قامتىلعان.

date02.05.2018readCount696printباسىپ شىعارۋsourceLinkcentralasian.org





comments powered by hypercomments