ٴساۋىر ايىنىڭ سوڭعى اپتالىعىندا ٴدىن ماسەلەلەرى جونىندەگى رەسپۋبليكالىق ٴاقپاراتتىق-تۇسىندىرۋ توبى اقتوبە وبلىسىندا ىسساپارمەن بولدى. قۇرامىنا بىلىكتى ٴدىنتانۋشىلار، پسيحولوگتار، مەملەكەتتىك جانە مەملەكەتتىك ەمەس ۇيىمداردىڭ وكىلدەرى قامتىلعان ٴدىن ماسەلەلەرى جونىندەگى رەسپۋبليكالىق ٴاقپاراتتىق-تۇسىندىرۋ توبى اقتوبە، حرومتاۋ، قوبدا جانە بايعانين اۋداندارىنىڭ تۇرعىندارىمەن كەزدەسۋلەر وتكىزىپ، جوسپارلى جۇمىس جۇرگىزىپ قايتتى. سونىڭ اياسىندا دەسترۋكتيۆتى ٴدىني اعىمداردى ۇستاناتىن ادامدارمەن ارنايى ٴتۇسىندىرۋ جۇمىستارىن جۇرگىزدى.

توپتىڭ مۇشەلەرى قمدب ناسيحات جانە قوعاممەن بايلانىس ٴبولىمىنىڭ مەڭگەرۋشىسى التىنبەك ۇتىسحان مەن ٴدىن ىستەرى كوميتەتى ٴدىن ماسەلەلەرىن زەرتتەۋ جانە تالداۋ ورتالىعى مۇحان يساحان وبلىستىڭ بايعانين اۋداندانىندا بولىپ، مەشىت جاماعاتىمەن كەزدەسۋلەر وتكىزدى، سونداي-اق راديكالدىق ٴدىني كوزقاراستى ۇستاناتىن وبلىستىڭ تۇزەۋ مەكەمەلەرىندە جازاسىن وتەپ جاتقاندارمەن جەكەلەگەن اڭگىمەلەر جۇرگىزدى. رەسپۋبليكالىق ٴاقپاراتتىق-تۇسىندىرۋ توبىنىڭ مۇشەلەرى ينديرا بەركىمبايەۆا، اقبوپە تىلەگەنوۆا جانە تولعاناي مۇستافينالار وبلىستىڭ ٴدىن جولىن ۇستاناتىن ايەل تۇرعىندارى، ونىڭ ىشىندە، ٴداستۇرلى جاماعات جانە دەسترۋكتيۆتى ٴدىني اعىمداردى ۇستاناتىنداردىڭ اراسىندا ٴتۇسىندىرۋ جۇمىستارىن وتكىزدى.

بەكىتىلگەن كەستە بويىنشا ٴدىن ماسەلەلەرى جونىندەگى رەسپۋبليكالىق توپ اقتوبە وبلىسىنا اعىمداعى جىلدىڭ ەكىنشى جارتىسىندا قايتىپ بارۋدى جوسپارلاپ وتىر.