وقو-دان كەلگەن 100 وقۋشى ەلىمىزدىڭ باس مەشىتىن ارالادى (فوتو)

مەرەكە قارساڭىندا ەلوردامىزعا وڭتۇستىك قازاقستان وبلىسىنان ساپارلاپ كەلگەن 100 بالا ەلىمىزدىڭ باس مەشىتىندە قوناقتا بولىپ، قۇلشىلىق ورداسىمەن تانىسىپ قايتتى. كوركەم كەلبەتى مەن قازاقى ساۋلەتى كوز ارباعان قۇلشىلىق ورداسى بۇلدىرشىندەردىڭ قۋانىشىن تۋعىزىپ، ادەمى اسەرگە بولەدى. «ازىرەت سۇلتان» مەشىتىنىڭ نايب يمامى باقىتجان وتكەلبايەۆ بۇلدىرشىندەردى مەشىت جادىگەرلەرىمەن تانىستىرىپ، جالپى اقپاراتتارمەن ٴبولىستى. بۇلدىرشىندەر باس مەشىتكە ەلباسىمىز ن.ٴا.نازاربايەۆ تارتۋ ەتكەن كونە قۇران كىتابى مەن كۇمىستەن قۇيىلعان قۇران پاراقشالارىن تاماشالاپ، ەستەلىك سۋرەتتەرگە ٴتۇستى. مەشىت ۇستازى فاركات يسا ۇلىمەن بىرگە قول جايىپ، جاماعات بولىپ دۇعا جاساعان ولاردىڭ ويىندا بۇل ساياحاتى ۇزاققا ساقتالارى ٴسوزسىز. 

ايتا كەتەيىك، وڭتۇستىك ولكەدەن كەلگەن 100 جەتكىنشەك استانا قالاسىنىڭ 20 جىلدىعىنا وراي ۇيىمداستىرىلىپ وتىرعان « ۇلى دالا ەلورداسى» جوباسى اياسىندا وسى ساياحاتقا شىققان. وڭتۇستىك قازاقستان وبلىسى اكىمدىگى جانە ٴبىلىم باسقارماسىنىڭ قولداۋىمەن جۇزەگە اسقان بالالار ەكسكۋرسياسىنا كوپبالالى وتباسىنان شىققان، اتا-انا قامقورلىعىنسىز قالعان، مۇمكىندىگى شەكتەۋلى نەمەسە الەۋمەتتىك جاعدايى تومەن وتباسىندا ٴوسىپ جاتقان بالالار مەن ٴتۇرلى ٴبىلىم، ونەر سايىستارىنىڭ جەڭىمپازدارى شاقىرىلعان. ەكى كۇنگە سوزىلعان ساياحات بارىسىندا ولاردى استانامىزدىڭ كورىكتى جەرلەرىن ارالاتىپ، باستى ماقتانىشتارىمەن تانىستىرۋ جوسپارلانعان.

جوبا ۇيىمداستىرۋشىلارىنىڭ ٴبىرى، بەلگىلى سانگەر ايجاني نۇرلانوۆا بۇلدىرشىندەردىڭ ەلوردامىزداعى ەكى كۇندىك ساياحاتى مەيلىنشە قىزىقتى وتۋىنە مەملەكەتتىك ۇيىمدار تاراپىنان كورسەتىلگەن قولداۋمەن قاتار، دەمەۋشى ازاماتتاردىڭ اتسالىسىپ جاتقانىن اتاپ ٴوتتى. سونداي-اق، جوبا اياسىندا استانا كۇنىنە دەيىن ەلىمىزدىڭ بارلىق وڭىرلەرىنەن وسىنداي وقۋشىلار ەكسكۋرسياسى جالعاسا بەرەتىنىن جەتكىزدى.

سۋرەتتەردى «فوتوگالەرەيا» ايدارىنان كورە الاسىزدار!

date30.04.2018readCount750printباسىپ شىعارۋsourceLinkmuslim.kz





comments powered by hypercomments