عيبراتتى اڭگىمە - ۇلكەنگە قۇرمەت [اۋديو]
date02.09.2014readCount4303categoryعيبراتناما

حاليفا ٴالي يبن ٴابۋ تاليبتىڭ ەكى ۇلى حاسانمەن حۋسەين مەشىت ىشىندە وتىرعان دا جاسى كەلگەن ٴبىر قاريانىڭ دارەتتى دۇرىس الماعانىن بايقايدى. ول كىسى مەشىت ىشىنە كىرىپ نامازعا تۇرادى. حاسان مەن حۋسەين ونىڭ نامازدى دا شارتتارىن بۇزىپ وقىعانىن كورەدى. قاريانىڭ قاتەسىن تۇزەگىلەرى كەلگەنىمەن، وزدەرىنىڭ جاسى ودان كىشى بولعاندىقتان وعان دارەتتى قالاي دۇرىس الۋدى، نامازدى شارتتارىمەن قالاي دۇرىس ورىنداۋدى ۇيرەتۋگە ۇيالادى. ولار اقىلداسا كەلىپ قاريانىڭ الدىندا دارەت پەن نامازدى قايسىسىنىڭ دۇرىس ورىندايتىندىعى جونىندە جارىس وتكىزىپ، تورەلىگىن قاريادان سۇراۋعا كەلىسەدى.

ٴسويتىپ، ەكەۋى قاريانىڭ الدىنا وتىرا قالىپ، بىر-بىرىنە دارەتتى قالاي الۋدى كورسەتە باستايدى. ونداعى ماقساتتارى ۇلكەن كىسىنىڭ قاتەسىن وسىلاي سىپايى تۇردە كورسەتۋ بولاتىن. ەكەۋىنىڭ سوزدەرىنە قۇلاق ٴتۇرىپ، ٴاربىر قيمىلدارىن باقىلاپ وتىرعان قاريا ٴوزىنىڭ دارەت الۋ مەن ناماز وقۋداعى كەمشىلىكتەرىن تۇسىنەدى. حاسان مەن حۋسەين كەلىسكەندەرىندەي قاريانىڭ جانىنا كەلىپ، كىمنىڭ وتە دۇرىس ورىنداعانىنا تورەلىك ەتۋىن سۇرايدى. ول كىسى قىسىلىپ: “اينالايىندار، سەندەردىڭ ەكەۋىڭ دە وتە جاقسى ورىندادىڭدار. سەندەرگە قاراپ ٴوزىمنىڭ دارەتتى دە، نامازدى دا دۇرىس اتقارمايتىنىما كوزىم جەتتى،" - دەيدى.

جۇكتەپ الۋ:   .mp3
comments powered by hypercomments