برۋكلين مەشىتى: مۇسىلماندار تالپىنىسى مەن قارسى توپتىڭ تارتىسى
Бруклин мешіті: мұсылмандар талпынысы мен қарсы топтың тартысы

نيۋ-يوركتىڭ برۋكلين اۋدانىنداعى ٴۇش قاباتتى يسلام ورتالىعى ورىستار مەن ەۆرەيلەر تۇراتىن كورشىلەس اۋدان تۇرعىندارىنىڭ قارسىلىعىنا ۇشىراۋدا. مۇسىلماندار قانشا جەردەن بۇل ورتالىق بەيبىتشىلىكتىڭ بەسىگى بولادى دەپ جار سالسا دا، ىستەرى العا باسپاي قويدى.

«قايدا بارساق تا، الدىمىزدان قىرسىق شىعا بەردى، سەبەبى كوپتەگەن ادامداردىڭ يسلام تۋرالى ٴبىلىمى جوق»، – دەيدى 27 جاستاعى حوسە لۋيس سوليس the new york times گازەتىنە بەرگەن سۇحباتىندا. «ٴبىز تەك ٴوز ۇستانىمىزدا بەرىك تۇرىپ، سابىر ساقتاپ، سىر بىلدىرمەي، ۇنەمى جايدارى ٴجۇرۋىمىز كەرەك»، – دەيدى ول.

برۋكليندەگى مەشىت العاش رەت 2008 جىلى اشىلدى. مۇندا 150-200 ادام ناماز وقي الادى. ٴبىراق، كەيىن بالالاردىڭ مەكتەپتەن كەيىنگى ۋاقىتىن پايدالى وتكىزۋ، قايىرىمدىلىق ىستەر ۇيىمداستىرۋ سەكىلدى مەشىت باستامالارى جەرگىلىكتى تۇرعىنداردىڭ بىردەن سىنىنا ۇشىرادى.

ٴتىپتى، اللانىڭ ٴۇيى الەۋمەتتىك جاعدايى تومەن وتباسىلار ٴۇشىن وقۋشىلارعا قاجەتتى زاتتاردى تەگىن ۇلەستىردى. مەشىت الدىندا كەزەكتە تۇرعان ادامداردا قيساپ بولمادى.

ال نارازى توپتار جاڭا مەشىتتىڭ ىقپالى ودان ٴارى ارتۋىنا قارسى شىعىپ، ورە تۇرەگەلدى. شۋ شىعارۋشىلار مۇسىلمانداردىڭ بەلسەندىلىگىن ەۆرەيلەرگە قارسى ارەكەت دەپ جانۇشىرا قابىلدادى.

ٴتىپتى، ٴار نارسەدەن ىلىك ىزدەۋدى كوزدەيتىندى ادەتكە اينالدىردى. «ٴيا، ولار اركەز كۇلىپ جۇرەدى، ٴبىراق بۇل كۇلكىنىڭ استارىندا نە تۇرعانىن ٴسىز بىلەسىز بە؟» – دەيدى لەونيد كرۋپنيك جوق جەردەن ىلىك ىزدەپ.

«جەك كورىنىشتى. ولار حاليفات قۇرۋدى قالايدى. ولار ادامداردى وسى اۋداننان قۋىپ شىققىسى كەلەدى»، – دەيدى تاعى بىرەۋى ساندىراقتاپ.

9/11 وقيعادان كەيىن جالپى سانى 8 ميلليونعا جۋىقتايتىن مۇسىلمانداردىڭ ازاماتتىق قۇقىقتارى اشىق تاپتالا باستادى.

ٴناسىل مەن جىنىس ماسەلەلەرىنە ارنالعان كاليفورنيا جانە بەركەلەي ورتالىعى اقش-تا يسلاموفوبيانىڭ ارتىپ بارا جاتقانىن باياندايدى.

جاقىندا ساۋالناماعا قاتىسقان امەريكالىقتاردىڭ 43 پايىزى مۇسىلماندارعا قاتىستى ۇستانعان پىكىرلەرىنىڭ قاتە بولىپ كەلگەنىن مويىنداعان. مەشىت قۇرىلىسى مەن يسلام ورتالىقتارى ٴۇشىن تەكەتىرەس كوشەدەگى ايقاي-شۋدان زاڭ سالاسىنداعى تەكەتىرەسكە ۇلاسقاندا، بايبالام سالۋشىلاردىڭ مۇسىلماندار الدىندا باستەرى تومەندەي باستادى. سەبەبى، زاڭ دا، ادىلدىك تە يسلام جاعىندا. ٴبىراق ولار مۇنى ٴبارىبىر تۇسىنگىسى كەلمەيدى.

«ٴار ادامنىڭ قۇلشىلىق جاساۋىنا قۇقىعى بارىن تۇسىنەمىز، ٴبىراق ٴبىزدىڭ تۇرعىن رەتىندەگى قۇقىعىمىز نە بولماق؟» – دەيدى ۆيكتور بەناري.

باسقا بىرەۋى: «بۇل ارانداتۋشىلىق. 100 پايىز سولاي. نەگە وسى جەردە؟ نەگە باسقا بۇدان دا كوركەم ٴارى ۇلكەن كوممەرسيالىق كوشەدە ەمەس؟» – دەپ كوسەمسيدى.

وسىنداي، ٴجونسىز، تيسە تەرەككە، تيمەسە بۇتاققا دەپ سىلتەي بەرەتىن ارىز-شاعىمدار يسلام ورتالىعىنىڭ قۇرىلىسىن قارقىندى جۇرگىزۋگە كەسىرىن تيگىزىپ جاتىر.

دەگەنمەن دە، مۇسىلماندار مەشىت كەشەنىن كەڭەيتۋگە كۇش سالىپ جاتىر. ٴقازىردىڭ وزىندە، ولار وسى ماقساتتا 500 مىڭ دوللار جۇمساپتى. مەشىت باسشىلارى يسلامي ورتالىق الداعى جىلدىڭ كوكتەمىندە تولىق ٴبىتىپ، كوپشىلىك قاۋىمعا ەسىگىن ايقارا اشادى دەپ ۇمىتتەنەدى.

«اللاعا شۇكىر، ٴبىزدىڭ قۇقىقتارىمىز بىزگە قارسى ادامدارعا تاۋەلدى ەمەس. ال ٴبىز ٴوز كەزەگىمىزدە باسقالاردىڭ قۇقىعىن تاپتاعالى وتىرعان جوقپىز، بۇعان ناقتى كەپىل بەرە الامىز»، – دەيدى اللوۋەي احمەد. ول يەمەننەن كەلگەن يمميگرانت، مەشىتكە ارنالعان جەردى سول ساتىپ العان.

بۇگىنگى تاڭدا امەريكا بويىنشا – ميسسيسيپيدەن ۋيسكونسىنعا دەيىنگى اۋماقتا سالىنۋى ٴتيىس 18 مەشىتتىڭ جوباسى بار. ٴبىراق ولارعا قارسى دۇشپاندار دا قاراپ جاتپاي، بەلسەندى قارەكەت قىلىپ جاتىر. ولار نەنى سىلتاۋ قىلمايدى دەيسىز. جول كەپتەلىسىنىڭ تۋىنداۋىنان باستاپ، اقىر اياعى بەتتەرى بۇلك ەتپەي، لاڭكەستىك ٴقاۋپىن نارازىلىقتارىنا نەگىز ەتىپ الەك.

ٴتىپتى، مەشىتتەرگە اشىق قاراقشىلىق شابۋىلدار جاسالىپ، ۇلكەن زيان كەلىپ جاتىر.

مىنە، امەريكاداعى مۇسىلمانداردىڭ ٴومىرىنىڭ ٴبىر كورىنىسى وسىنداي.

ماقالا http://www.onislam.net سايتىنان اعىلشىن تىلىنەن ٴتارجىمالاندى. اۋدارعان: ەرنات قاشقىنوۆ. 

date11.09.2012readCount3384printباسىپ شىعارۋ