ازىرگە بۇل – سەكتور، ٴتۇبى – ىرگەلى ەلگە اينالاتىنىنا سەنەمىز
Әзірге бұл – сектор, түбі – іргелі елге айналатынына сенеміз

اراب الەمى بىرىنە ۇرەي اكەلەتىن، ەندى بىرىنە ٴۇمىت سىيلايتىن كوكتەمگە ۇقسايدى. بۇل ەيفوريادا كۇللى الەم پالەستيندىك انكلاۆ دەپ اتالاتىن ۇلتاراقتاي جەردى ۇمىت قالدىرعان ٴتارىزدى. جەتى جىلعا سوزىلعان بلوكادادان ابدەن تيتىقتاعان وسىناۋ ولكە كەلىپ بولمايتىن كوكتەمنىڭ ازاتتىقتىڭ  ٴيىسى اڭقىعان اۋاسىمەن بىرگە تىنىستايدى. رەسەيلىك دارىگەرلەردىڭ العاشقى توبى بلوكادادا قالعان گازا سەكتورىنا تابان تىرەدى. تاتارستان مەن ماسكەۋدەن كەلگەن بەس دارىگەر حالىققا كومەك قولىن سوزباق.

ٴبىر قولىمەن سكيپەتر ۇستاسا، ال ەكىنشى قولىمەن – دەرجاۆا. كۇلىمسىرەگەن مىسىرلىق پوليسەي ٴبىر قولىمەن قاسيەتتى قۇراندى ۇستاپ تۇرىپ، ەكىنشى قولىمەن ٴبىزدىڭ قۇجاتتارىمىزدى تەكسەردى. ٴبىز گازاعا اشىلاتىن جالعىز تەرەزە – رافاح بەكەتىن كەسىپ وتتىك. بىلايعى جۇرت شەكارادان وتەردە كوپ ۋاقىتىن  جوعالتادى. رەسەي كونسۋلىنىڭ گراموتاسىمەن «قارۋلانعان» بىزگە قايدا بارساق تا جول  اشىق.

وتانى تۇتقىندا قالعان جالعىز الەمدەگى ەل. پالەستينالىقتاردى بۇل بەكەتتە ەكى تاۋلىك ۇستايدى. ٴبىر جاققا شىقسا، ولاردان بۇل ساپارىنىڭ ٴمانىسى مەن سەبەبىن قازبالاپ سۇرايدى

ولاردى ەركىن ٴجۇرىپ-تۇرۋ، مەديسينالىق جاردەمدى پايدالانۋ، ٴبىلىم الۋ قۇقىعىنان، قىل اياعى، جاقىن ادامدارىمەن جۇزدەسۋ مۇمكىندىگىنەن ايىرىپ، قورلىق پەن زورلىققا كونۋدى تالاپ ەتەدى.

ولاردان مۇمكىن ەمەس نارسەنى – ازات ومىردەن قول ٴۇزىپ، ەۋرووداقتىڭ قالعان-قۇتقانىن تالعاجاۋ ەتۋگە تۋرا كەلەتىن توردا ٴومىر ٴسۇرۋدى تالاپ ەتەدى.

ٴبىز جەر تايانعان پالەستيكالىق قارتتار، اڭىراعان ايەلدەر مەن بالا-شاعا  جايعاسقان، جاي-كۇيى قاشقان كۇتۋ زالىن ارتقا تاستاپ، رافاحتىڭ قاراڭعى، كەڭ دالىزىمەن ارى جىلجىدىق. پالەستينالىقتار مۇنداي ناسىلدىك كەمسىتۋشىلدىكتى بايقاسا دا اڭعارماعان بولادى.

جۋىقتا عانا پالەستينالىق پرەمەر يسمايل حانيا مىسىرلىق پرەزيدەنت مۋحامماد مۋرسيمەن كەزدەسكەن بولاتىن. بۇل كەزدەسۋدىڭ تاريحي ماڭىزى زوور بولسا دا ناتيجەسى... تۇككە تۇرعىسىز! كەلىسىم بويىنشا بۇدان بىلاي رافاح بەكەتىن كۇنىنە بۇرىنعىداي 1000 ادام ەمەس، 1500 پالەستيندىك كەسىپ وتۋىنە بولادى. كەزدەسۋدە ەركىن ساۋدا، جەتى جىل بويى بلوكادادان ساۋ تامتىعى قالماعان گازاعا ەڭ قاجەتتى جۇكتەردى – سەمەنت، مەديسينالىق جابدىقتار، ازىق-تۇلىك جەتكىزۋ جونىندە ٴبىر اۋىز ٴسوز ايتىلعان جوق.

ەڭ باستىسى – بلوكادانى توقتاتۋ جونىندە دە ەشتەڭە ايتىلمادى.

Рафах бекетіндегі «Солидарность» қорының делегациясы
رافاح بەكەتىندەگى «سوليدارنوست» قورىنىڭ دەلەگاسياسى
 

رەۆوليۋسيا تۇسىنداعى گازا – كەرەعار كورىنىس. «مۇسىلمەن  باۋىرلاردىڭ» (حاماس وسى قوزعاللىستىڭ ٴبىر بۇتاعى) سايلاۋدا جەڭىسكە جەتكەنىنە مۇنشا شاتتانعان جۇرتتى ەش جەردەن كەزىكتىرمەيسىز – ولاردىڭ ٴار جەتىستىگىنە ايرىقشا قۋانعان جۇرتتىڭ كوشەگە اراب مەملەكەتتەرىنىڭ تۋىن كوتەرىپ شىعاتىنىنا كۋا بولدىق.

گازادا نە بار، سونىڭ ٴبارى – پالەستينالىقتاردىڭ جەڭىسكە دەگەن ۇمتىلىسى مەن ادام ايتقىسىز كۇش-جىگەرىنىڭ جەمىسى
 

ەش جەردە اراب رەۆوليۋسياسى مۇنداعىداي – جارتاستاعى جاڭعىرىقتاي «كۇي كەشپەگەن» شىعار

«بيىل جاعدايىمىز قيىن، ويتكەنى، ٴبارى اراب رەۆوليۋسياسىمەن باستارى قاتىپ ٴجۇر. گۋمانيتارلىق كومەك بىرنەشە ەسەگە ازايدى، – دەيدى دەنساۋلىق ساقتاۋ مينيسترىلىگىنىڭ فارماسەۆتيكا دەپارتامەنتى باستىعىنىڭ ورىنباسارى گازى اشراف ابۋمحادي. – قاڭتاردان باستاپ شىلدە ايىنىڭ بىرەر كۇنىن ەسەپكە العاندا  ەۋرووداق راماللا ارقىلى تەك ەكى-اق رەت مەديسينالىق زاتتار جونەلتىپتى. بۇل قاجەتتىلىكتىڭ 19 پايىزىن عانا وتەي الادى. 30 پايىزى سىزدەردىكى سەكىلدى گۋمانيتارلىق ۇيىمداردان تۇسەدى.

بۇل مەديسينالىق زاتتاردىڭ ٴالى 50 پايىزى جەتىسپەيدى دەگەن ٴسوز. جانە بۇل 50 پايىزدىڭ «ورنى» تولمايتىنى دە بەلگىلى

ٴبىز سورەلەرى بوس فارماسەۆتيكالىق قويمانىڭ قاسىنان وتتىك. وسىدان بىرنەشە اي بۇرىن ىسىك اۋرۋىنا شالدىققان پالەستينالىقتارعا مەديسينالىق زاتتار اكەلگەنىمىز بار. بۇل جولى مەديسينالىق ماتەريالدار مەن جابدىقتاردىڭ قوسالقى بولشەكتەرىن اكەلگەن بولاتىنبىز. سەكتوردا بۇلار دا قات: ماسەلەن، وپەراسياعا ارنالعان شوۆ ٴجىبى ٴساۋىر ايىنان بەرى جوق ەكەن. 

شىنداپ كەلگەندە، بۇلاردىڭ ٴبارى اراب رەۆوليۋسياسىمەن سالىستىرعاندا بولماشى نارسەلەر عوي.

ۇلىن قۇتقارا الماعان دارىگەر

وتكەن جولى كەلگەنىمىزدە (تيراندار ٴالى تاعىندا وتىرعان، رەۆوليۋسيا جەتەكشىلەرى بيلىككە ٴالى قول جەتكىزە قويماعان كەز بولاتىن) گازادا ٴوز ارامىزدا ەلەنا پرەكراسنايا دەپ اتاپ كەتكەن كەلىنشەكپەن تانىسقان بولاتىنبىز. ول گروزنىيدا تۋىپ-وسكەن، مۋزىكا مەكتەبىنىڭ وقىتۋشىسى بولاتىن. ەلەنانىڭ باقىتتان باسى اينالىپ جۇرگەن كەزى: ونىڭ اياعى اۋىر بولاتىن.

بۇل جولى ول كۇيەۋىمەن – «ۆوزۆراششەنيە» قايىرىمدىلىق كللينيكاسىنىڭ جەتەكشىسى الي ال-ليداۆيمەن بىرگە رەسەيلىك دارىگەرلەردىڭ كەلگەنىن ەستىپ، قوناق ۇيگە قۇستاي ۇشادى. ەلەنانىڭ قولىندا ەشتەڭەدەن قاپەرسىز 6-ايلىق ۇلى كاميل ۇيىقتاپ جاتىر.

«رەسەي پالەستينانىڭ جاعدايىن تۇسىنەتىن دارەجەگە ٴالى جەتكەن جوق»،- الي دارىگەر جۋىردا كەلىپ-كەتكەن يتيالياندىق دارىگەرلەردىڭ ٴسوزىن قاز قالپىندا كەلتىردى. يتاليادان 85 (!) ادام كومەككە كەلىپتى – مەديسينا بىلگىرلەرى، ساياساتكەرلەر، تىلشىلەر. «ال مەن ولارعا بىلاي دەپ جاۋاپ بەردىم – ەگەر ورىس دارىگەرلەرى كەلسە، مەنىڭ كلينيكامدا ۇزىن-سونار كەزەك پايدا بولار ەدى»،- دەدى الي ماقتانىشپەن.

ٴبىزدىڭ دارىگەرلەر گازاعا ٴبىرىنشى رەت كەلىپ تۇرسا دا پالەستينالىقتار رەسەيدى ەرەكشە جاقسى كورەدى.

قاڭتاردان بەرى  ەۋرووداقتان راماللا ارقىلى  جىبەرىلگەن دارى-دارمەكتەر ەكى رەت قانا جىبەرىلدى. بۇل سۇرانىستىڭ 19 پايىزىن عانا قۇرادى، قالعان 30 پايىزىن ٴارتۇرلى قايرىمدىلىق ۇيىمدار جىەرەدى.  ال 50 % مۇلدەم جوق
 

ول نارەستەنى ٴوز قولىنا الدى، كاميل ويانسا دا قىڭق ەتىپ دىبىس شىعارمادى. «يزرايلدىكتەردىڭ بومبالاۋى مەن بلوكاداسىنىڭ ناتيجەسى بۇل»،- دەدى اكەسى. كاميل گيدروسەفالمەن جانە وزگە دە اۋرۋ تۇرلەرىمەن سىرقاتتانادى.

فارماسەۆتيكا دەپارتامەنتى باستىعىنىڭ ورىنباسارى گازى اشراف ابۋمحادي جاراقات العان ادامدارعا ارنالعان ماتەريالدار تابىلۋى ٴتيىس بوس قوراپتاردى كورسەتىپ تۇر
 

«قورعاسىن نوسەرى» كەزىندە فوسفورلىق بومبا دارىگەر ٴاليدىڭ كوپقاباتتى ٴۇيىنىڭ اۋلاسىن تالقانداپ كەتەدى. سودان بەرى ەلەنا دا، الي دە ۇلدارىنا قالاي كومەكتەسۋدى بىلمەيدى. كاميلدى ەمدەپ جازاتىن دارىگەر گازادا جوق. ال سەكتورداعى تۇرعىنداردىڭ 50 پايىزىن بالالار قۇرايدى.

«ينتەرنەتتى اشىپ، رەسەيدە قانشا كللينيكا بار، ونىڭ قايسىسى مەنىڭ ۇلىما كومەكتەسە الادى، دەپ قارايمىن»،- دەيدى ەلەنا. ٴبىز امالسىز باسىمىزدى تومەن سالامىز. ٴبىزدىڭ قور اي سايىن رەسەيدىڭ ٴار تۇكپىرىنە – ماسكەۋگە، سانكت-پەتەربورعا، تاتارستانعا، ۋكرايناعا – بالالاردى اتتاندىرامىز. ٴبىزدىڭ قور ولاردىڭ جولىنىڭ نەمەسە ەمدەلۋ قاراجاتىن ٴوزى كوتەرىپ الادى.  

ال گازانىڭ دارىگەرلەرى ٴوز بىلىم-بىلىكتىلىگىن ارتتىرۋ ٴۇشىن سەكتوردان اتتاپ باسىپ شىعا المايدى. 

ٴيزرايلدىڭ قۇپيا قارۋى

جەتى جىلعا سوزىلعان بلوكادا پالەستيكانالىقتاردى ابدەن تيتىقتاتتى.

فارماسەۆت اشرافتىڭ ايتۋىنشا، يزرايل مەديسينالىق زاتتاردى اكەلۋگە تيىم سالىپ، گازانىڭ ەڭ وسال جەرىنەن سوققى بەرىپ وتىر. گازانىڭ قويمالارىندا قازىرگى ۋاقىتتا 206 اتاۋلى مەديكامەنت جوقتىڭ قاسى. بارى – ادام دەنساۋلىعىنا كەرى اسەر ەتەتىن، ولاردىڭ ورنىن الماستىراتىن مەديكامەنتتەر. گۋمانيتارلىق كومەك رەتىندە تۇسەتىندەرى – ساقتالۋ مەرزىمى قىسقا دارىلەر بولىپ كەلەدى. ىسىك اۋرۋلارىنا، حيرۋرگيا مەن رەانيماسيا سالالارىنا قاتىستى دارى-دارمەك تاپتىرا بەرمەيدى. سوزىلمالى دەرتكە شالدىققاندار (ال بۇلاردىڭ دەنىن قارتتار، ديابەتيكتەر مەن مۇگەدەكتەر قۇرايدى) دارى-دارمەكتەن مۇلدەم قاعىلعان دەسە دە بولادى – بلوكادا كەزىندە گازاداعى حالىقتى الەۋمەتتىك تۇرعىدان قورعاۋ جۇيەسى ىستەن شىققان.

جەتى جىلدىق بلوكادادان بۇل ەلدىڭ ماتەريالدىق مۇمكىندىگى دە، ادامي رەسۋرسى دا سارقىلۋعا جاقىن. دنگەساۋلىق ساقتاۋ مينيسترلىگى كەلتىرگەن مالىمەتكە سەنسەك، پالەستينالىق انكلاۆتا كەڭىنەن تاراعان اۋرۋلارعا تىنىس جولدارى، قان-تامىر، كورۋ جانە ەستۋ ورگاندارىنىڭ  زاقىمدانۋى، يممۋندىق جۇيە، ٴتۋابىتتى جۇرەك اقاۋى جاتادى. دارىگەرلەر بۇل قۇبىلىستى بلوكادادا قالىپ قويعان ەلدىڭ ادام توزگىسىز جاعدايىمەن عانا بايلانىستى تۇسىندىرمەيدى، اياعى اۋىر ايەلدەردىڭ پسيحيكالىق جاعدايى اد (گازادا ەمشەكتەگى نارەستەلەرلەردىڭ شامامەن 70 پايىزى جانە اياعى اۋىر ايەلدەردىڭ ۇشتەن ٴبىرى قان ازدىقتان جاپا شەگىپ وتىر).

Газа секторындағы тұрғындарының 50% – балаларگازا سەكتورىنداعى تۇرعىندارىنىڭ 50% – بالالار
 

سۋدىڭ ساپاسى سىن كوتەرمەيدى (وركەنيەتتى ەل سانالاتىن يزرايل گازا سەكتورىنداعى تازارتۋ قۇرىلعىلارىن ٴجيى بومبالاپ، قالپىنا كەلتىرۋگە مۇمكىندىك بەرمەيدى جانە save the children ۇيىمىنىڭ ماۋسىم ايىنداعى بايانداماسىندا ايتىلعانداي، مۇنىڭ زاردابى ۇزاققا سوزىلادى).

سۋرەتتە يزرايل تۇرمەسىندە 96 كۇن اشتىق جاريالاعان فۋتبوليست ماحمۋد سارساكقا قولداۋ بىلدىرگەن پلاكتتىڭ قاسىنداعى پالەستينالىق قىز
 

گازا دارىگەرلەرى ٴيزرايلدىڭ جاڭا قارۋدى قولدانۋ سالدارىنىڭ قانداي اۋىر بولعانىن ايتىپ بەردى.

«وسىعان قاتىستى قانداي دا ٴبىر زەرتتەۋ جۇرگىزدىڭىزدەر مە؟» دەگەن ٴبىزدىڭ ساۋالىمىزعا دارىگەر الي ٴۇنسىز باسىن شايقادى – گازا دارىگەرلەرى «قورعاسىن نوسەرى» كەزىندە قولدانىلعان قارۋ مەن بومبالاۋدىڭ زاردابىن زەرتتەپ-زەردەلەۋدى تالاپ ەتسە دە بىردە-بىر حالىقارالىق ۇيىم مۇنى ازىرگە قولعا الا قويعان جوق.

بىزدىكىلەر پالەستينادا

گازاداعى بوسانۋ ٴبولىمى اۋزى-مۇرنىنان شىعا تولى. تاتارستاننان كەلگەن گينەكولوگ-دارىگەر ليليا عازيزوۆا «شيفا» گوسپيتالىنداعى ٴوزىنىڭ ارىپتەسىنە كومەكتەسكەن بولاتىن. «ٴبىر تاۋلىكتە گوسپيتالعا  بوساناتىن 70 ايەلدى قابىلداۋعا تۋرا كەلەدى، شارانانىڭ ٴارى اناسىنىڭ ٴومىرىن ساقتاپ قالۋ ٴۇشىن ولاردىڭ جارتىسىنا جۋىعىنىڭ قارنىن تىلۋگە (كەسارەۆا سەچەنيا) ٴماجبۇرمىز. دارىگەرلەر تاپشى، اۋىستىراتىن مامان جوق»،- دەيدى ٴبىزدىڭ دارىگەرلەر.

مۇندا ٴححى عاسىرعا جات كورىنىستەر ٴجيى كەزدەسەدى. تۇراقتى كەلۋشى پاسيەنتكە ورىن بوساتۋ ٴۇشىن... «جەدەل بوسانۋ» پراكتيكاسى قولعا الىنعان. بوسانعان ايەلدى بىرنەشە ساعاتتان كەيىن ۇيىنە جىبەرەدى، ال بۇل ونىڭ ومىرىنە ٴقاۋىپتى. جاڭا بوسانعان ايەلدەن قان كەتۋى، شارانا ينفەكسيا جۇقتىرۋى مۇمكىن.

ٴبىزدىڭ دەلەگاسيا قۇرامىنداعى ونكولوگ گۇلنار ۆافينا («قولى التىن پەريزات» – ونى قىزىل جارتى اي كلينيكاسىنداعى پالەستينالىق ارىپتەستەرى وسىلاي اتاپ كەتتى) گازا دارىگەرلەرىنىڭ كومەكتەسۋگە شاماسى جەتپەگەن ايەلگە وتا جاسادى. ايەل وبىر دەرتىنە شالدىققان، بلوكادانىڭ كەسىرىنەن ەمدەلە الماي، ۇيىندە اجالىن كۇتىپ، تاعدىرعا مويىنسۇنىپ، جاتا بەرگەن. «ٴبىز گۇلنارعا مەديسينا تاريحىندا سيرەك كەزدەسەتىن ەڭ اۋىر مىندەتتى جۇكتەدىك. ونىڭ شەبەرلىگىنە ەرىكسىز قايران قالىپ، ٴتانتى بولدىق»،- قىزىل جارتى اي كلينيكاسىنىڭ ٴبولىم مەڭگەرۋشىسى تاڭدانىسىن جاسىرا المادى.

گازادا وبىر دەرتىنەن جاپا شەگەتىن ادامداردىڭ كوبىسى دارى-دارمەكتىڭ جەتىسپەۋشىلىگىنەن كوز جۇمادى. وبىر دەرتىنە قارسى 60 ٴتۇرلى اتاۋلى مەديكامەنت بولسا، سونىڭ تەك 30 ٴتۇرى عانا بار مۇندا. بۇل مالىمەتتەرگە ٴبىزدى گازا دەنساۋلىق ساقتاۋ مينيسترلىگى شاقىرعان ونكولوگيا جونىندەگى كونفەرەنسيادا كوز جەتكىزدىك. بۇل ٴىس-شارادا وسى زامانعى ونكولوگيالىق ورتالىق سالۋ ماسەلەسى قارالدى.

تاتارستاندىق حيرۋرگ ٴمۇسلىم عاينانوۆ گازاداعى ەۋروپالىق مەديسينالىق ورتالىقتا وتا جاساۋ  ۇستىندە
 

گازا تۇرعىندارىنا ەرىكسىز تاڭ قالاسىز. ولار ماتەريالدىق جاعدايىن ايتارلىقتاي ويسىراتىپ كەتسە دە اراب رەۆوليۋسياسىنىڭ ٴار جەڭىسىنە شاتتانادى («ٴسال سابىر ساقتاساق، ارتى ٴبىز ويلاعانداي جاقسى بولادى»،- دەدى بىزگە قاڭىراعان فارماسەۆتيكالىق قويمانىڭ قاق ورتاسىندا تۇرىپ ٴتىل قاتقان اشراف). ولاردىڭ ارمانى اسقاق. «تۇنەكتى قارعاپ-سىلەگەنشە شىراقتى جاققان دۇرىس»،- دەدى كونفەرەنسياعا «شيفا» گوسپيتالىنان كەلگەن حالەد تابيت.

Ресейлік офтальмолог-хирург Андрей Миронов операция бөлмесіндеرەسەيلىك وفتالمولوگ-حيرۋرگ اندرەي ميرونوۆ وپەراسيا بولمەسىندە
 

گازاعا قۇرىلىس ماتەريالدارى مەن قۇرالدارىن اكەلۋگە تيىم سالعانى قورقىنىشتى ەمەس – وعان «ٴومىر جولى» دەپ اتالاتىن جەراستى تۋننەلى بار. ال شىراق تۋرالى قاناتتى ٴسوز قۇلاققا ەرسىلەۋ ەستىلەدى... بلوكادا قالعان سەكتوردا ەلەكتر تالىگىنە تەك 8 ساعاتقا قانا بەرىلەدى. گازادا گەنارتور بولعانى بولماسا، ەلدىڭ كوبىسى مايشاممەن وتىر. 

ٴبىز «ٴال-ناسر» وفتالمولوگيالىق كلينيكاسىنىڭ باس دارىگەرىنىڭ كابينەتىندە رەسەيلىك وفتالمولوگ-حيرۋرگ اندرەي ميرونوۆپەن بىرگە وپەرسيا بولمەسىنە بارۋ ٴۇشىن گەنەراتوردىڭ قاشان جۇمىس ىستەيتىنىن (كەشە بۇزىلىپ قالعان بولاتىن) كۇتىپ وتىرمىز. بۇل جاعداي ٴجيى قايتالانادى. وسىنىڭ كەسىرىنەن اۋرۋحانا جۇمىسى 3-4 ساعاتقا توقتاپ قالادى.

 ٴبىزدىڭ اندرەي سەكىلدى مامان گازادا بىرەۋ عانا – كەم دەگەندە جارتى ميللييون حالىققا قىزمەت كورسەتۋىنە تۋرا كەلەدى. ونىڭ ەسىمى – ماحمۋد حونيم. ول، سونىمەن بىرگە، ۆيترەورەتينالدىق حيرۋرگيانىڭ ٴبولىم مەڭگەرۋشىسى. سونداي-اق، وسى كلينيكا ديرەكتورىنىڭ ورىنباسارى دا. ٴارى كوز اۋررۋلارى كلينيكاسىنىڭ قىزمەتكەرى. 

«بىزگە اندرەي سەكىلدى 3-4 حيرۋرگ كەرەك جوق دەگەندە. ٴبىز قازىرگى  ۋاقىتتا سىرقاتتاردىڭ 30 پايىزىنا عانا وپەراسيا جاساي الامىز. مەديسينالىق جابدىقتاردىڭ جەتىسپەۋشىلىگى دە قيىندىق تۋدىرىپ وتىر»،-دەيدى ماحمۋد.

قۇرال-جابدىقتاردىڭ كوبىسى گازاعا توزعان نەمەسە ىستەن شىققان كۇيىندە جەتكىزىلەدى. ولاردىڭ قوسالقى بولشەكتەرىن جاسىرىن جولمەن جەتكىزۋ مۇمكىن بولماي تۇر. قانت ديابەتىمەن اۋىراتىن سىرقاتتاردى ەمدەيتىن اپپاراتتىڭ سىنعانىنا، مىنە، 10 اي بولدى – وپەراسيا  جاساتۋعا مۇقتاج ادامدار كورۋ قابىلەتىنەن ايىرىلىپ، زاعيپ بولىپ جاتىر. ماحمۋدتىڭ ٴبولىمى لازەرلىك  ينسترۋمەنتتىڭ  جوقتىعىنان 3 اي بويى جۇمىس ىستەمەي تۇر.

شىراقتى تۇتاتۋ

ٴيا،  مۇندا اي سايىن الەمنىڭ ٴار تۇكپىرىنەن گۋمانيتارلىق نەمەسە مەديسينالىق كومەك كەلىپ تۇرادى. گازاعا ٴبىزدىڭ دارىگەرلەر اپتا بويى پالەستينالىق دارىگەرلەرگە ترەنينگ وتكىزگەن مىسىرلىق پروفەسسورلارمەن جانە وزدەرىمەن بىرگە ىسىك اۋرۋىنا شالدىققاندارعا دارى-دارمەك الا كەلگەن يەمەندىك دەەلەگاسيامەن ٴبىر مەزگىلدە كەلگەن بولاتىن. 

گازا اۋرۋحاناسىنداعى قارت ەمدەلۋشى
 

ەگەر ادام ٴوزىن وزگەرتپەيىنشە ەشكىم وعان كومەك  قولىن سوزا  المايدى. «بوسنيا بلوكادادا قالعان كەزدە تالاي ادام اجال قۇشتى. گازا بلوكادادا قالعاندا ٴبىز تۋننەل قازۋعا كىرىستىك»،- دەگەن ەدى گازاداعى اراب دارىگەرلەرى وداعى ٴبولىمىنىڭ جەتەكشىسى ماحمۋد ابدۋراز.

Онколог Гүлнар Вафина Газа дәрігерлері көмектесе алмаған әйелге ота жасадыونكولوگ گۇلنار ۆافينا گازا دارىگەرلەرى كومەكتەسە الماعان ايەلگە وتا جاسادى
 

گازا ٴبىز وسىندا بولماعان بىرنەشە ايدىڭ ىشىندە ايتارلىقتاي وزگەرىپتى. جاعالاۋدا جانە كوشەلەردە جەراستى تۋننەلى ارقىلى جەتكىزىلگەن قۇرىلىس ماتەريالدارىنان جاڭا ۇيلەر بوي كوتەرىپتى. الايدا، گازاداعى قيراعان، بۇلىنگەن عيماراتتاردىڭ قاتارى كوبەيىپ، جوقشىلىق دەندەگەن.

بىر-بىرىنە مۇلدەم كەرەعار كارتينا: رەسەيلىك دارىگەرلەردىڭ كەلگەنىنە قۋانعان پالەستينالىقتاردىڭ «welcome to gaza!» شاتتىققا  تولى ٴۇنى قۇلاعىمىزدا قالىپ قويىپتى. ولاردىڭ «قالايسىڭدار؟» دەگەن ٴبىزدىڭ ساۋالىمىزعا «ٴبارى جاقسى» دەپ جارقىن داۋىسپەن جاۋاپ  بەرگەنى دە ەسىمىزدە.

ولاردىڭ قۇدايعا، الداعى كۇنگە دەگەن سەنىمى ٴبىزدى قايران قالدىردى. ەڭ باستىسى، جەڭىسكە جەتەرىنە سەنىمدى.

ٴبىز پالەستينالىقتارعا كومەك قولىن سوزا العانىمىزدى ماقتان تۇتۋىمىز كەرەك.

ساعان العىس ايتامىز، گازا.

«سوليدارنوست» قورىنىڭ پرەزيدەنتى
ليليا مۇحامەدياروۆا
(قازاق تىلىنە اۋدارعان muslim.kz سايتى)

ليليا مۋحامەدياروۆا
date07.08.2012readCount3536printباسىپ شىعارۋ