زەردەڭىزدى دامىتاتىن پايدالى 7 داعدى

ٴبىزدىڭ اقىلىمىز بۇلشىقەت سياقتى: ونى دامىتۋ ٴۇشىن، ۇنەمى جاتتىقتىرۋ كەرەك. ال ونى قالاي ىستەۋ كەرەكتىگىن وسى ماقالادان بىلە الاسىزدار.

1. اۋەسقوي بولىڭىز

ٴسىز اۋەسقويسىز با؟ بارىنە بىردەي سەنە بەرەسىز بە الدە ماسەلەنىڭ اقيقاتىنا جەتۋگە تىرىساسىز با؟ اۋەسقوي بولىڭىز، الەمنىڭ قانداي ەكەنىن ٴبىلىڭىز.

ونى كۇندەلىكتى زاتتار مەن قۇبىلىستاردان باستاۋعا بولادى. مىسالى، نانعا قانداي قوسپالار قوسىلاتىنىن، كومپيۋتەردىڭ قانداي قۇراۋشىلاردان تۇراتىنىن، جەردىڭ كولەمى مەن اۋدانىن، اتموسفەرانىڭ نەدەن تۇراتىنىن انىقتاۋعا تىرىسىڭىز. بۇل ويلانۋعا بولاتىن سۇراقتاردىڭ ٴبىر قاتار مىسالدارى عانا.  

اۋەسقويلىق بارلىق دانىشپانداردىڭ ەرەكشە سيپاتى بولعان. اۋەسقوي اقىلدان جاڭا ويلار جاقسىراق شىعادى. ساناڭىزدى اشىق ۇستاڭىز جانە ۇنەمى جاڭا نارسەنى بىلۋگە دايىن ٴجۇرىڭىز.  

2. قىزمەت سالاڭىزعا قاتىسى جوق كىتاپتار مەن ماقالالاردى وقىڭىز

ٴبىلىم كوكجيەگىن كەڭەيتۋگە تىرىسىڭىز: عارىشتىق ساياحاتتار تۋرالى وقىڭىز، قازىرگى قىزمەتىڭىزگە ەش قاتىسى جوق انتروپولوگيا مەن گەنەتيكانى وقۋدى قولعا الىڭىز. 

ايگىلى ونەرتاپقىشتاردىڭ ٴومىرباياندارىن وقىڭىز. جايلى ورتاڭىزدان شىعىپ، الەم جايلى تانىمىڭىزدى كەڭەيتىڭىز. سول كەزدە ٴسىزدىڭ اقىلىڭىز تولىسىپ قانا قويماي، اڭگىمەڭىز دە تارتىمدى بولا تۇسەدى.

3. ميىڭىزدى جاتتىقتىرىڭىز

ميعا ارنالعان دۇرىس جاتتىعۋلار اقىل-وي قابىلەتىن جاقسارتادى. دەنە جاتتىعۋلارى سياقتى، ميدى جاتتىقتىرۋ دا زەردەنىڭ دامۋى ٴۇشىن وتە ماڭىزدى. قاراپايىم جاتتىعۋلاردان باستاپ، اقىرىنداپ كۇردەلى جاتتىعۋلارعا كوشىڭىز.

4. سپورتپەن اينالىسىڭىز

ميعا عانا ارنالعان جاتتىعۋلار جەتكىلىكسىز. «دەنى ساۋدىڭ – جانى ساۋ» دەپ بەكەر ايتپاعان عوي. بۇل ماتەلدى «دەنى ساۋدىڭ – ميى ساۋ» دەپ ازداپ وزگەرتۋگە دە بولادى. دەنە جاتتىعۋلارى ٴسىزدىڭ دەنەڭىز ٴۇشىن عانا پايدالى ەمەس. عىلىمي كوزقاراس بويىنشا، ول قاننىڭ ميعا كوبىرەك بارۋىن جانە جاڭا نەيروندىق بايلانىستاردى ىنتالاندىراتىن اقۋىزداردىڭ شىعۋىن ارتتىرادى.

5. جاڭا بىرنارسە ۇيرەنىڭىز

جاڭا نارسە ۇيرەنۋ – ميدى جاقسى ىنتالاندىرادى. ستيۆ دجوبستىڭ ستۋدەنتتىك جىلدارى كالليگرافيامەن اينالىسقانىن ەسىڭىزگە ٴتۇسىرىڭىز. ول ستەندفورد تۇلەكتەرىنىڭ الدىندا سويلەگەن ايگىلى سوزىندە: «ەگەر مەن كالليگرافيا كۋرسىنا جازىلماعانىمدا، macintosh-تىڭ مۇنداي كەرەمەت قارىپتەر گارنيتۋراسى بولماس ەدى» دەگەن بولاتىن.

ٴسىز قاي ٴبىلىمىڭىزدىڭ پايدالى بولارىن ەشقاشان بىلمەيسىز. سوندىقتان جاڭا نارسە ۇيرەنىپ ٴجۇرىڭىز.

6. شىنىمەن پايدالى بولاتىن بلوگتاردى وقىڭىز

ەگەر ٴسىز وسى ماقالانى وقىپ وتىرعان بولساڭىز، وندا ماقساتىڭىزدىڭ جارتىسىن ەڭسەرىپ قالعانىڭىز. ٴبىراق مۇنىمەن توقتاپ قالماڭىز. جەلىدە ٴجيى-جيى وقىپ تۇرۋعا بولاتىن باسقا دا پايدالى مالىمەتتەر بار.

ماقالالاردى ساقتاپ جانە وقىپ ٴجۇرۋ ٴۇشىن ٴpocket-تى نەمەسە وسىعان ۇقساس قىزمەتتەردى پايدالانىڭىز. evernote-دە وزىڭىزگە قىزىقتى ماتەريالداردىڭ جەكە كىتاپحاناسىن جاساپ قويىڭىز..

7. جەكە بلوگ جۇرگىزىپ جانە وقىعان نارسەلەرىڭىز جايلى اسەرىڭىزبەن ٴبولىسىڭىز

جەكە بلوگ جۇرگىزۋ شىعارماشىلىققا دەم بەرەدى. بۇل ٴوزىڭىز تۋرالى ايتۋدىڭ مۇمكىندىگى عانا ەمەس، ٴوز ويلارىڭىزدى ۇيىمداستىرۋعا كومەك بولادى. ەگەر بىرنارسەمەن بولىسسەڭىز، بۇل ٴسىزدىڭ قارىم-قاتىناس داعدىڭىزدى جاقسارتادى. بلوگ ميىڭىزدى تونۋستا ۇستاۋعا كومەكتەسىپ، ٴسىزدى جاسامپاز ەتەدى.

بىرنارسە تۋرالى جازعان كەزدە، ونى جاقسىراق تۇسىنە باستايسىز.

اپتا سايىن نەمەسە اي سايىن سول ۋاقىتقا دەيىنگى وقىعان ەڭ قىزىقتى اقپاراتتارىڭىزدان دايدجەست (ٴارتۇرلى اقپاراتتاردىڭ قىسقاشا مازمۇنى) جاساڭىز.

 

date04.05.2018readCount1417printباسىپ شىعارۋ