دەنساۋلىققا قاتەرلى 6 دارى-دارمەك

مامانداردىڭ ەسەپتەۋلەرىنە قاراعاندا، 2020 جىلعا قاراي جەر شارىنداعى ادامداردىڭ 50 پايىزى بۇكىل ٴومىر بويى كەم دەگەندە ٴبىر ٴدارىنى قولداناتىن بولادى.

ٴقازىردىڭ وزىندە 65 جاستان اسقاندار كەم دەگەندە 2-3 ٴدارىنى قولدانادى. ارينە، ولاردىڭ ٴارقايسىسى بەلگىلى ٴبىر دەرتكە قارسى قولدانىلاتىن اۋرۋعا قارسى كومەكتەسۋشى قۇرال بولعانىمەن، ولاردىڭ زياندى جاقتارى وتە كوپ ەكەنى جاسىرىن ەمەس. ٴتىپتى، بىر-بىرىمەن ارالاستىرىپ ىشۋگە بولمايتىن دارى-دارمەكتەر دە بولادى. قانداي دارىلەردى ماماندار ەڭ ٴقاۋىپتى دەپ سانايدى؟ وسىعان توقتالايىق.

ەڭ بىرىنشىدەن، بارىمىزگە بەلگىلى «انتيبيوتيكتەردى» وسى تىزىمگە جاتقىزۋعا بولادى. كەيدە ٴوز-وزىمىزدىڭ نۇسقاۋلىعىمىزبەن انتيبيوتيك دارى-دارمەك الىپ، ەمدەلمەكشى بولامىز. الايدا، بۇل پرەپاراتتاردى ٴجيى قولدانعان سايىن اعزانىڭ ميكروبتارعا قارسى كۇشى السىرەيتىنىن ۇمىتپاعان ٴجون.

گليۋكوكورتيكويدتەر بۇل گورمونالدى پرەپاراتتار. ولاردى دارىگەردىڭ نۇسقاۋلىعىنسىز ٴجيى قولدانۋ قانت ديابەتىنە شالدىقتىرۋى مۇمكىن.

اۋرۋدى جەڭىلدەتەتىن، ىستىقتى تومەندەتەتىن دارى-دارمەكتەر. ولاردى ٴجيى پايدالانۋ سوزىلمالى بۇيرەك اۋرۋىنا، اسقازان اۋرىنا شالدىقتىرۋى مۇمكىن ەكەن.

ۆيرۋسقا قارسى دارى-دارمەكتەر. تۇماۋعا قارسى جاسالاتىن دارىلەر توكسيندىك قيىندىقتار تۋدىرۋى مۇمكىن.

يممۋندىق مودۋلياتورلار – كوپتەگەن مەملەكەتتەردە دارىگەر نۇسقاۋلىعىنسىز ساتىپ الۋعا تىيىم سالىنعان پرەپاراتتار. مۇنداي دارىلەردى ٴجيى قولدانۋ ادامنىڭ يممۋندىق جۇيەسىنىڭ قالىپتى جۇمىس ىستەۋىنە كەدەرگى كەلتىرەدى. مامانداردىڭ ايتۋىنشا، ٴتىپتى وبىر اۋرۋلارىنا دا اكەپ سوقتىرۋى مۇمكىن.

مۇرىنعا تامىزۋعا ارنالعان تامشىلار. بۇلاردىڭ ادامنىڭ مۇرىنىنداعى شىرىشتى قۇرعاتىپ، قىشۋ، اشىتۋ سياقتى ىڭعايسىز جاعدايلار تۋدىرادى. ونى قولدانعاننان كەيىن ادامدا باس ارۋى نەمەسە جۇيكەسىنىڭ سىر بەرۋى سىندى پروبلەمالار تۋىنداۋى مۇمكىن، ٴتىپتى  ارتەريلدىق گيپەرتونيا مەن ۇيقىسىزدىققا شالدىقتىرۋى عاجاپ ەمەس.

qamshy.kz
date02.04.2018readCount1032printباسىپ شىعارۋ