پايعامبار (س.ع.س.) پىكىرى ٴھام عىلىمي ۇيلەسىم

سەگىزكوز (كرەستسوۆايا كوست)، (لات.sacrum-سەگىزكوز، قۇيىمشاق) – قۇيىمشاق ومىرتقالارىنىڭ بىر-بىرىمەن سۇيەكتەنە بايلانىسۋ ناتيجەسىندە تۇزىلگەن سۇيەك. قۇيىمشاق سۇيەگى، os coccygeus، نەمەسە قۇيىمشاق ومىرتقاسى،vertebrae coccyges. سىرتقى ٴپىشىنى پيراميدا تارىزدەنىپ، العا قاراي ٴيىلىپ ورنالاسقان. نەگىزى نەمەسە تابانى سەگىزكوز سۇيەگىنە قاراي باعىتتالسا، ۇشى تومەن قاراي باعىتتالعان. قۇيىمشاق مۇيىزشەسى cornua coccygea ورنالاسقان.

اسىل شاريعاتىمىزدا پايعامبارىمىزدىڭ (اللانىڭ وعان يگىلىگى مەن سالەمى بولسىن) ۇلى مىندەتىنىڭ اقيقاتتىعىنىڭ دالەلى از ەمەس جانە جاراتقانىمىزدىڭ عاجاپ جاراتىلىستارى بار ەكەنى بارشاعا ٴمالىم. وسى جاراتىلىستار جايىندا ايتقان ارداقتى ەلشىنىڭ وسيەتتەرى عىلىممەن استاسىپ جاتقانىن ٴبىزدىڭ عاسىرىمىزداعى عىلىمي جەتىستىكتەر جوققا شىعارا المايدى. بالكىم، مويىنداپ كەلەدى. سونداي حيكمەتتى تاقىرىپتىڭ ٴبىرى – قۇيىمشاق. ومىرتقانىڭ تومەنگى جاعىندا ورنالاسقان بۇل كىشكەنتاي سۇيەكتىڭ تاڭقالارلىق سيپاتى بار. ول ەشقاشان عايىپ بولمايدى جانە تۇگەلىمەن جەردە جايىلمايدى.

1) ٴابۋ حۋرايرادان ريۋايات ەتىلگەن حاديستە پايعامبارىمىزدىڭ (س.ع.س.): «ادامنىڭ بارلىق ۇرپاعى جەرگە جايىلادى، تەك قۇيىمشاق ەمەس. ول ارقىلى ادام جاراتىلدى جانە اقىرەت كۇنى سول ارقىلى تىرىلەدى»، – دەيدى.

2) ٴابۋ حۋرايرادان ريۋايات ەتىلگەن پايعامبارىمىزدىڭ (س.ع.س.) كەلەسى حاديسىندە: «ادامدا ەشقاشان جەرگە جايىلمايتىن سۇيەك بار. سول سۇيەك ارقىلى ادام اقىرەت كۇنى قالپىنا كەلەدى.  سوندا پايعامبارىمىزدان سۇرايدى: «ول قانداي سۇيەك؟. ونىڭ جاۋابى: «ول قۇيىمشاق» دەلىنەدى.

بۇل حاديستەردا ٴبىر ماعىنالى پىكىر مەن دەرەك ايتىلعان:

-  ادام قۇيىمشاقتان جاراتىلادى.
-  قۇيىمشاق جەرگە جايىلمايدى.
-  ۇلى عاراسات كۇنى ادام وسى سۇيەك ارقىلى جاندانادى.

عىلىمي دالەل-دايەكتەر

عىلىمداعى جەتىستىكتەر قۇران جازىلعان دەرەكتەردى مويىندايتىنى بۇگىنگى كۇندە بارشا عالامعا ٴمالىم. جوعارىدا ايتىلعان حاديستەردىڭ ساحيح ەكەنىن تەكسەرۋ ٴۇشىن اعىلشىن ميكروبيولوگ-عالىمدارى قايتىس بولعان ادامنىڭ دەنەسىن كرەماسيالايدى. زەرتتەۋشىلەر الدىمەن تەمپەراتۋرانى 1000 گرادۋسقا دەيىن، سوسىن 6000 گرادۋسقا دەيىن كوتەردى. سودان سوڭ ولار پەشتىڭ ىشىندە ٴدان كولەمىندە جينالعان كۇلدى كوردى. ول ٴومىر بەلگىسىن ٴبىلدىردى. ودان كەيىن عالىمدار جىلىتپاعان قالدىقتى سالقىن جەرگە 200 گرادۋس تەمپەراتۋراسىنا قويىپ، ٴدان ٴتارىزدى كۇل ٴوزىنىڭ ٴومىر ٴسۇرۋ بەلگىسىن جوعالتپاعانىن انىقتادى. ميكروبيولوگتار ماتەريالدى اينەك پەن بولات بالقيتىن اگرەسسيالىق قىشقىلعا سالىپ، ونىڭ ٴالى دە جاسۋشالارىنىڭ تىرشىلىككە ەپتىلىگىن بايقادى.

قىتاي عالىمدارى وسىعان ۇقساس زەرتتەۋ جۇمىستارىن جۇرگىزدى. ولار قۋاتتى راديواكتيۆتى كۇن ساۋلەسىن وتكىزىپ، ونى وتە زور قىشقىلعا سالىپ، ناتيجەسىندە اعىلشىن عالىمدارى سياقتى تۇجىرىم جاسادى – بۇل كىشكەنتاي ادام قاڭقاسىن قۇرايتىن بولشەكتى قۇرتۋ مۇمكىن ەمەس.

يەمەننىڭ زەرتتەۋشىلەرى وسمان ال-دجيلاني مەن شەيح ابدۋل-مادجيد اززانداني 2003 جىلى رامازان ايىندا قۇيىمشاققا بىرنەشە زەرتتەۋ جۇمىستارىن جۇرگىزدى. ولار سۇيەكتى لاۋلاپ تۇرعان گازدىڭ وتىندا زەرتتەپ جاتقان ماتەريال جانعانشا 10 مينۋت ۇستادى. باسىندا سۇيەكتىڭ ٴتۇسى قىزارىپ، كەيىن قارايا ٴتۇستى. سوسىن عالىمدار قالدىقتاردى جيناپ دارىلەنىپ تازارتىلعان كولباعا سالدى. ونى يەمەن ەلىنىڭ  ەڭ اتاقتى سانا قالاسىنداعى ال-ولاكي زەرتحاناسىنا اكەلدى. سانا ۋنيۆەرسيتەتىنىڭ گيستالوگيا مەن پاتولوگيا پروفەسسورى ساليح ال-ولاكي قالعان ۇلپانى زەرتتەپ، لاۋلاعان وتتىڭ قۇيىمشاقتىڭ جاسۋشاسىنا ەش اسەر ەتپەگەنىن بايقادى. بۇل دەگەنىمىز گازدىڭ وتىنا ماي جاسۋشاسى مەن جىلىك مايى جانىپ جويىلعان، ال قۇيىمشاقتىڭ جاسۋشالارى ٴبۇتىن كۇيدە ساقتالعانىن كورسەتەدى. سوناۋ 14 عاسىر بۇرىن ايتىلعان پايعامبار پايىمدارى بۇگىنگى عىلىم قارىشتاعان زاماندا دا ٴوزىنىڭ ومىرشەڭدىگىن، اقيقاتتىعىن وسىلايشا تاعى ٴبىر دالەلدەيدى.

گۇلشات ابەنوۆا
date28.03.2018readCount929printباسىپ شىعارۋ