زىعىر مايىنىڭ پايداسىن بىلەسىز بە؟

زىعىر مايىنىڭ تۇسسىزدەن سارعىشتاۋ مايعا دەيىنگى تۇرلەرى كەزدەسەدى. ماي زىعىردىڭ ابدەن پىسكەن ٴارى كەپتىرىلگەن دانىنەن سىعۋ ارقىلى الىنادى.

زىعىر مايىنىڭ قۇرامى

زىعىر مايى باسقا دا ماي تۇرلەرى سەكىلدى تريگليسەريدتەن تۇرادى. تريگليسەريدتەردى قۇرايتىن مايلى قىشقىلداردىڭ قاسىندا الفا-لينول قىشقىلىنىڭ كوپ مولشەرىنەن تۇراتىن زىعىر مايى وتە ەرەكشە بولىپ كەلەدى. زىعىر مايىنداعى مايلى قىشقىلداردىڭ قۇرامى كەلەسىدەي: ٴۇش ەسەلەنگەن قانىقپاعان الفا-لينول قىشقىلدارى (51،9%-55،2%); قانىققان قىشقىلدار: پالميتين قىشقىلى (7 % جۋىق) جانە ستەارين قىشقىلى (3،4%-4،6%); مونوقانىقپاعان ولەين قىشقىلى (18،5%-22،6%); ەكى ەسەلەنگەن قانىقپاعان لينول قىشقىلى (14،2%-17،0%).

زىعىر مايى اسىرەسە وتتەگىنىڭ اسەرىن پوليمەرلەۋ رەاكسياسىندا اسا قابىلەتتى. پوليمەرلەۋ پروسەسىنىڭ جىلۋ شىعاراتىنى سونشالىق، بەلگىلى ٴبىر كەزەڭدە، ٴتىپتى، ٴورت تۋىنداتۋى دا مۇمكىن.

زىعىر مايىن تاعامدىق قوسپا رەتىندە پايدالانۋ

زىعىر ٴدانىنىڭ قۇرامىندا انتيوكسيدانتتار بولىپ كەلەتىن ليگناندار (فيتوەستروگەندەر) جەتىپ ارتىلادى. كەيبىر مالىمەتتەر بويىنشا، زىعىر دانىنەن زىعىر مايى ٴبولىنىپ شىققان كەزدە ليگناندار دا اجىراتىلىپ، انتيوكسيدانتتىق قاسيەتى بولماعانىمەن، وندىرۋشىلەر مايدى ٴوندىرۋ پروسەسى كەزىندە ٴبارىبىر ليگنانداردى قوسادى.

زىعىر مايى توتىققاننان كەيىن جايسىز يىسپەن بىردەن كوگەرىپ شىعا كەلەدى. ٴتىپتى، سالقىن ورىندا ساقتالعانىمەن، ونىڭ جارامدىلىق مەرزىمى بار-جوعى بىرنەشە اپتاعا سوزىلۋى مۇمكىن. كوگەرىپ كەتپەۋ ٴۇشىن كومەرسيالىق تۇرعىدا زىعىر مايىنىڭ قۇرامىنا انتيوكسيدانتتار قوسىلادى. جايسىز ٴيىسى بار كوگەرىپ كەتكەن زىعىر مايىن پايدالانۋعا بولمايدى.

ەزۋ ەكستراكسياسىنسىز سالقىن جولمەن سىعۋ ارقىلى الىنعان تاعامدىق زىعىر مايى گەرمەتيكالىق قاپتامادا تاعامدىق زىعىر مايى رەتىندە ساۋدا سورەلەرىنە تۇسەدى. جاڭا دايىندالعان، وڭدەلمەگەن جانە سالقىنداتىلعان زىعىر مايى تاعامدىق قوسپا رەتىندە قولدانىلادى.

تاماقتى تەك تاعامدىق مايمەن پىسىرگەن ابزال. جىلىتىلعان جانە حيميالىق زاتتار ارقىلى وڭدەلگەن ماي تاماققا پايدالانۋعا جارامايدى.

زىعىر مايىن تۇرمىستىق سالادا قولدانۋ

زىعىر مايى كەندىر ماي بولىپ تابىلادى. ٴوزىنىڭ پوليمەر قالىپتى قۇرامىنىڭ ارقاسىندا مايدى تازا تۇردە نەمەسە باسقا مايلارمەن كەشەندى تۇردە، ەرىتكىش نەمەسە قارا ماي، سونداي-اق سۇرەكتى وڭدەۋگە ارنالعان لاك، بوياۋ، بىتەۋ كەزىندە پلاستيفيكاتور جانە قاتايتقىش رەتىندە، لينولەۋم ٴوندىرىسى كەزىندە قولدانۋعا بولادى. سوڭعى جىلدارى سينتەتيكالىق الكيدتى قارا ماي قولجەتىمدى بولا تۇسكەندىكتەن، زىعىر مايىن قولدانۋ ازايىپ كەتتى.

زىعىر مايىن كوسمەتولوگيادا قولدانۋ

كوسمەتولوگيادا زىعىر مايى بۇرىننان قولدانىلىپ كەلەدى. شاش بالزامى، تەرى مەن تىرناق ٴۇشىن جارامدى كومپونەنت رەتىندە زىعىر مايى ٴوزىنىڭ پايدالى ەكەنىن بۇرىندا-اق دالەلدەپ قويعان. تاپتىرمايتىن ماي قىشقىلدارى (تمق) جازىلۋدىڭ ەڭ باستى كومپونەتتەرىنىڭ ٴبىرى بولىپ تابىلادى. دۇرىس قىزمەت اتقارۋ ٴۇشىن اعزا ونى قاجەت ەتەتىندىكتەن، تمق-نىڭ باعاسى دا ارزان ەمەس.

بەزەۋدەن، قىشىمادان، قوتىردان، كۇنگە كۇيۋدەن، روزاسەادان ەمدەلۋ

زىعىر مايى قابىنۋعا قارسى قاسيەتكە يە. سونىمەن قاتار، ول ادامدى تىنىشتاندىرا الادى. كۇنگە كۇيگەننەن كەيىن زىعىر مايىن جاقساڭىز تەرى جىلدام جازىلادى.

زىعىر مايىن شاش پەن تىرناققا قولدانۋ

شاشقا ارنالعان زىعىر مايى. ماي قىشقىلدارى شاشتىڭ بۋىلتىعىن (ٴتۇيىنىن) قۇنارلاندىرادى. شاشتىڭ ۇزىن ٴارى ساۋ ٴوسۋىن قامتاماسىز ەتىپ، بەرىك بولا تۇسەدى. ال، بۇل قىشقىلداردىڭ تومەن دەڭگەيى شاشىڭىزدىڭ قۇرعاق ٴارى كۇڭگىرت بولىپ كەتۋىنە الىپ كەلۋى مۇمكىن.

زىعىر مايى باس تەرىسىنىڭ قابىنۋىنىڭ الدىن الىپ، شاشتىڭ ٴتۇسۋىن جانە قايىزعاقتىڭ پايدا بولۋىن توقتاتادى.

زىعىر ٴدانىنىڭ ارشىلماعان قۇرامىندا بولاتىن ە دارۋمەنى باس تەرىسىنىڭ جانە شاش بۋىلتىعىنىڭ قوسىمشا بەرىك بولا تۇسۋىنە سەپتىگىن تيگىزەدى.

بەرىك ٴارى قۇلپىرعان شاشىڭىزدىڭ بولۋىنا قول جەتكىزۋدىڭ ەكى جولى بار.

بۇل باعىتتا ٴبىرىنشى ٴارى ماڭىزدى قادام – زىعىر مايىن تۇتىنۋدىڭ راسيونىن ەنگىزۋ. زىعىر مايىن ەڭ الدىمەن ازداعان مولشەردە تۇتىنۋدىڭ ماڭىزى زور. ەگەر اعزاڭىز ٴبىر تاۋلىكتە ماي قابىلداۋدىڭ بەلگىلى ٴبىر مولشەرىنە ۇيرەنىپ قالسا، زىعىر مايىن بىردەن كوپ مولشەردە تۇتىنۋ ۇيلەسىمسىزدىككە اكەپ سوعۋى مۇمكىن.

ەڭ الدىمەن، تاڭەرتەڭ تاڭعى استى ىشەر الدىندا 1 گرامم جانە كەشكى اس ىشەر الدىندا 1 گرامم (بۇل تولىپ تۇرعان شاي قاسىعىنىڭ تورتتەن ٴبىر بولىگى) زىعىر مايىن تۇتىنۋدان باستاڭىز. مايدى وسىنداي تارتىپتە تۇتىنۋعا قانشالىقتى ۇيرەنگەنىڭىزدى ساراپتاپ كورىڭىز. ەگەر جايلى دەسەڭىز، كەلەسى اپتادان باستاپ تاڭەرتەڭ تاڭعى استى ىشەر الدىندا 2 گرامم جانە كەشكى اس ىشەر الدىندا 2 گراممنان زىعىر مايىن ٴىشىڭىز.

ال ٴۇشىنشى اپتادا تۇتىناتىن زىعىر مايىنىڭ مولشەرىن 4-5 گراممعا دەيىن (ٴبىر شاي قاسىعى) ارتتىرىڭىز. ەگەر مايدىڭ اعزاڭىزعا سىڭىمدىلىگىن سەزسەڭىز، تاۋلىكتىك تۇتىنۋ مولشەرىن قورىقپاي 8 گرامما دەيىن ارتتىرۋعا بولادى.

ەسىڭىزگە ساقتاڭىز، ٴسىزدىڭ شاشىڭىز كۇنىنە شامامەن جارتى ميلليمەترگە وسەدى. وسىنى ەسكەرە وتىرىپ، تىلەگەن ناتيجەگە جەتۋ ٴۇشىن ٴبىرشاما ۋاقىتتىڭ كەرەكتىگىن تۇسىنۋگە بولادى.

اتالمىش باعىتتاعى ەكىنشى قادام – زىعىر مايىن شاشقا ماسكا نەمەسە جەلدەتكىش رەتىندە قولدانۋ بولىپ تابىلادى.

* الاقانىڭىزعا زىعىر مايىنىڭ ازداعان مولشەرىن تامىزىپ، باس تەرىسىن ۋقالاۋعا بولادى. بۇنى باس جۋعاننان كەيىن شاشتىڭ كەپپەگەن كەزىندە جاساعان ابزال.

* زىعىر مايىنىڭ ازداعان مولشەرىن قۇرعاق شاشقا تامىزىپ، باسىڭىزدى قۇرعاق ورامالمەن وراپ قويۋعا دا بولادى. ارادا 15-20 مينۋت وتكەننەن كەيىن سۋسابىندى قولدانا وتىرىپ، باستى جۋعان ٴجون. باستى بۇدان كەيىن جەلدەتۋدىڭ قاجەتى شامالى. زىعىر مايى بۇل قىزمەتتى سىزگە ٴوزى-اق كورسەتىپ، شاشىڭىز جۇمساق ٴارى جىلتىراپ تۇرادى.

* الاقانعا سۋسابىن مەن زىعىر مايىن ارالاستىرا جاعىپ، اتالمىش قوسپانى قولدانا وتىرىپ، باسقا جەڭىل ماسساج جاساۋعا بولادى. بۇل زىعىر مايىنان جاسالعان ماسكانىڭ اسەرىندەي بولماسا دا، ٴسىز باسىڭىزدى جۋعان كەزدە مۇنداي پروسەدۋرانى باسىڭىزدى جۋعان كەز كەلگەن ۋاقىتتا جاساي بەرۋگە بولادى.

* ەگەر ٴسىز تابيعي كوسمەتيكاعا دەن قويعان ادام بولساڭىز، سونىمەن بىرگە ٴبىرشاما بوس ۋاقىتىڭىز بولسا، زىعىر مايىن قولدانۋ ارقىلى تومەندە اتالعان گەلدەردىڭ رەسەپتى شاشىڭىزدى بابىندا ۇستاۋعا كومەگىن تيگىزە الادى.

شاشقا ارنالعان ٴۇي زىعىر مايى

شاشقا ارنالعان زىعىر مايى اسا قىمبات بولمايتىنداي ونىمگە جاتادى. سونىمەن قاتار، بۇيرا جانە تولقىندى شاشقا ىڭعايلى كەلەدى. گەل شاشتىڭ ىلعالدانۋىنا اسەر ەتەدى. ٴسىزدىڭ شاشىڭىزدىڭ قاجەتتىلىگىنە قاراي ۇيدە جاسالعان زىعىر مايىنىڭ گەلىنە قوسىمشا كومپونەتتەردى دە قوسۋعا ابدەن بولادى. پروسەسس 10-12 مينۋتتى الادى. گەل ەكى اپتا بويى سالقىن جەردە، تابيعي قوسىندىلار قوسىلسا ودان دا كوپ مەرزىم ساقتالادى.

زىعىر مايىن دايىنداۋدىڭ جولى

1 قادام. زىعىر ٴدانىن تۇنىمەن سۋلاپ قويىڭىز. بۇل گەلدىڭ شىعىمىن جەدەلدەتىپ، ونى دايىنداۋدىڭ ۋاقىتىن قىسقارتادى. ٴبىراق، بۇل قادام مىندەتتى ەمەس ەكەنىن ايتا كەتۋ كەرەك.

2 قادام. زىعىردىڭ سۋلانعان دانىمەن بىرگە سۋدى وتقا شىدامدى كاسترولگە ارالاستىرىپ، ونى ىستىق وتقا سالىپ، ارالاستىرىپ وتىرىڭىز. ٴدال وسى كەزەڭدە اعىلشىن تۇزىن (كەرەك دەسەڭىز) قوسۋعا بولادى.

3 قادام. قوسپا قايناي باستاعان كەزدە قاتتى جانعان وتتى ورتاشا دەڭگەيدە ازايتقان ابزال. قوسپانىڭ ٴتۇرى وسى كەزدە ەتتىڭ كوبىگىنە ۇقساپ تۇرۋى كەرەك.

4 قادام. داندەر كوبىكتەنگەن كۇيگە جەتكەن كەزدە وتتى ٴوشىرىپ، قوسپانى سۇزگى ارقىلى ىدىسقا قۇيىڭىز. بۇل پروسەدۋرانى بىردەن جۇزەگە اسىرعان ابزال. سەبەبى، بىردەن قۇيىلماسا كەيىن سۇزگى ارقىلى قۇيۋ وڭايعا تۇسپەيدى.

5 قادام. قوسپا ازداپ سالقىنداعان كەزدە قاجەتتى ينگرەديەنتتى (ٴسىزدىڭ شاشىڭىزدىڭ بابىنا قاراي) قوسا بەرۋگە بولادى. ٴدال وسى كەزەڭدە كونسەرۆانت (ەگەر سىزگە گەلدىڭ ۇزاق ساقتالعانى كەرەك بولسا) قوسىلادى. قوسىمشا كومپونەنتتەردىڭ ٴتىزىمى مەن ولاردىڭ قىزمەتى بۇدان كەيىن بەلگىلى بولادى.

6 قادام. الىنعان قوسپانى بلەندەرگە قۇيىپ، ازداعان اينالىمدى قوسۋ ارقىلى قوسپانى پاستالىق دارەجەگە دەيىن اينالدىرعان ٴجون.

7 قادام. سالقىنداعان قوسپانى كونتەينەرگە قۇيىپ الىڭىز. ٴسىزدىڭ گەلىڭىز قولدانۋعا دايار.

ٴوز قولىڭىزبەن دايىندالعان گەلدى ساقتالۋعا بولاتىن مەرزىمگە دەيىن توڭازىتقىشتا ۇستاڭىز.

زىعىر مايى جايلى قايشى پىكىر

تەرى مەن شاشتى بابىندا ۇستاۋ ٴۇشىن قولدانىلاتىن ٴار ٴتۇرلى زاتتاردى پايدالانباي تۇرىپ، زىعىر مايى نەگىزىندە ونىڭ تەرىگە قالاي اسەر ەتەتىن ٴبىلىپ العان دۇرىس. جاناما اسەر ەتۋدىڭ الدىن الۋ ٴۇشىن (ەگەر ونداي بولسا) زىعىر مايىن تاعامعا قولدانباس بۇرىن دارىگەرمەن مىندەتتى تۇردە اقىلداسىپ الۋ كەرەك.

كىشكەنتاي بالالار، اياعى اۋىر ايەلدەر مۇنداي قوسپالاردى دارىگەردىڭ رۇقساتىنسىز تۇتىنباۋى كەرەك.

زىعىر مايىنىڭ دەنساۋلىققا پايدالى تارتىپتە تۇتىنۋ ٴۇشىن تابيعي زىعىر مايىن ساتىپ الىڭىز.

 

date12.03.2018readCount782printباسىپ شىعارۋ