كەرەمەت اسەرى بار تابيعي «ەنەرگەتيكتەر»

بويدان قۋات قايتىپ، ابدەن شارشاعان ساتتە تابيعاتتىڭ وزىنەن اعزامىزعا پايدا كەلتىرىپ، بويىمىزعا كۇش-قۋات تولتىرا الامىز. داستارحانىڭىزداعى تاعامدارىڭىزعا تابيعي قۋاتتاندىرعىشتاردى قوساتىن كەز كەلدى.

 

ەنەرگەتيكالىق سۋسىندار، كوفە جانە باسقا دا اعزامىزدى سەرگىتەتىن سۋسىنداردىڭ اسەرى جىلدام بولادى دا، كەرىسىنشە ٴبىزدى قۋاتىمىزدان تولىقتاي ايىرادى. وندا قاجۋ مەن شارشاۋدان ازاپتانباس ٴۇشىن نە ىستەۋ كەرەك؟ جاماندىقتىڭ ٴتۇپ-تامىرى ادەتتەگىدەي دۇرىس تاماقتانباۋدا. بويىمىزداعى كۇش-قۋات تۇگەسىلگەندە تەك قانا تابيعات انامىزدىڭ وزىنەن اعزامىزعا پايدا كەلتىرەتىن كۇش-قۋات الا الامىز. ەندەشە، ٴوز راسيونىمىزعا جاڭاشا ٴنار بەرەيىك – ياعني، بىزگە كۇش-قۋات دارىتاتىن، جاقسى كوڭىل كۇي سىيلايتىن تابيعي ونىمدەردى تۇتىنايىق.

ەلەۋتەرەكوكك

ەلەۋتەرەكوكە وسىمدىگىنىڭ تابيعي سەرگىتكىش ٴشاربات، كاپسۋلا جانە تابلەتكالارى كەز كەلگەن ٴدارىحانادا قول جەتىمدى باعادا ساتىلادى. تاڭەرتەڭ ىشسەڭىز اعزاڭىزدى كوفەدەي سەرگىتىپ جىبەرەدى. وعان قوسا ونى كۇيزەلىستە، جۇيكە توزعاندا ٴىشۋدى ۇسىنامىز. بۇل ٴشوپ اعزانى قورشاعان ورتا اگرەسسياسىنا قارسى تۇرۋعا، سونىمەن قاتار شىدامدى بولۋعا ٴوز سەپتىگىن تيگىزەدى.

كوك شاي 

كادىمگى كوك شاي – اعزانىڭ بەلسەندىلىگى مەن تونۋسىن ارتتىرۋدا تاپتىرماس قۇرال. تاڭەرتەڭ بۇل سۋسىننان ٴبىر كەسە ىشسەڭىز دارۋمەندەر مەن ميكروەلەمەنتتەرگە بايىپ قالاسىز. سونىمەن قاتار بويىڭىزداعى زات الماسۋ پروسەسسىن بەلسەندى جۇرگىزەدى دە كۇنى بويى سەرگەك جۇرەتىن بولاسىز. ەگەر دە ٴسىز بارىنشا كوپ اسەر العىڭىز كەلسە، شايدى ەرەجەگە ساي دەمدەڭىز.

سەرمەنە (ليموننيك)

سەرمەنە داندەرىنىڭ تۇنباسى ٴدارىحانالاردا ساتىلادى. ونى جۇمىسقا قابىلەتسىزدىكتە، شارشاعاندا جانە جۇيكە جۇقارعاندا قابىلدايدى. سەرمەنە جاپىراقتارىنان دايىندالعان شايدى ٴىشىپ تە ٴدال سونداي اسەر الا الاسىز. ول ٴۇشىن قايناعان سۋدى ۇگىتىلگەن جاپىراققا قۇيساڭىز جەتكىلىكتى. مۇنداي سۋسىننىڭ ناتيجەسى ايتارلىقتاي ۇزاق اسەر ەتەدى، ياعني زەيىنىڭىزدى، جالپى تونۋسىڭىزدى جانە جۇمىسقا قابىلەتتىلىگىڭىزدى ارتتىرادى.

ٴزىمبىر (يمبير)

ٴزىمبىر – قان اينالىمدى جانە اعزاداعى زات الماسۋدى جاقسارتاتىن وسىمدىك. ونىڭ ارقاسىندا ميىمىز جاقسىراق جۇمىس ىستەيدى دە، بويىمىزداعى كۇش قۋاتتىڭ ارتقانىن سەزەمىز. زىمبىردەن دايىندالعان شايلاردىڭ ەڭ جاقسىسى ول – ليمون مەن بال قوسىلعان ٴتۇرى. سونىمەن قاتار، زىمبىردەن ەنەرگەتيكالىق سمۋزي سۋسىنىن دايارلاي الاسىز.

قىزىلكۇرەڭ (ەحيناسەيا)

قىزىلكۇرەڭ گۇلشوعىرى ەرەكشە ەمدىك قاسيەتتەرگە يە. بۇل وسىمدىك يممۋندىق جۇيەنى نىعايتادى جانە اعزامىزعا ۆيرۋسقا قارسى، قابىنۋعا قارسى جانە ۋىتسىزداندىرعىش رەتىندە قابىلدانادى. ٴدارىحانالاردا تابلەتكا، تۇنبا جانە دەمدەۋگە ارنالعان قۇرعاق تۇرلەرى ساتىلادى. قوسپانىڭ جۇيكە جۇيەسىنىڭ قوزۋىندا باسۋ ٴۇشىن، ەستە ساقتاۋ قابىلەتىن ارتتىرۋ ٴۇشىن جانە تونۋستى كوتەرۋ ٴۇشىن پايداسى زور.

سيترۋستار

سيترۋستاردىڭ ليمون بولسىن، اپەلسين نەمەسە گرەيپفرۋت بولسىن، بارلىعى دەرلىك س دارۋمەنىنە باي. تاڭعى اسقا ىشىلگەن بالعىن اپەلسين شىرىنى نەمەسە سيترۋستى سمۋزي (نەگىزگى تاڭعى اس رەتىندە بولسا دا) - كۇنىڭىزدىڭ جاقسى باستالىپ، جۇمىسقا دەگەن قابىلەتىڭىزدى ارتتىراتىن تاماشا ٴادىس ەكەنىنە كۇماندانباڭىز.   

ادامتامىر (جەنشەن)

كەز كەلگەن ٴدارىحانادان ادامتامىر تۇنباسىن تابا الاسىز. بۇل تۇنبا ەڭ كۇشتى ەنەرگەتيك جانە يممۋندىق جۇيەنىڭ ستيمۋلياتورى بولىپ سانالادى (ياعني، ٴوزىڭىزدى جايسىز سەزىنگەندە وسى دارىلىك ٴشوپتى ەسكە ٴتۇسىرۋ كەرەك دەگەن ٴسوز). بۇل دارىلىك ٴشوپتى ميعا جانە دەنەگە كوپ كۇش تۇسكەندە، جۇيكەنىڭ توزۋى مەن جۇقارۋىندا قابىلداۋدى ۇسىنىلادى. ادامتامىر ٴسىزدى كۇيزەلىسكە ٴتوزىمدى جانە كەز كەلگەن جۇكتەمەگە قارسى تۇرۋعا دايىندايدى.

چيا داندەرى

پايدالى قاسيەتتەرى جايىندا شەكسىز ايتۋعا بولاتىن چيا داندەرى كەرەمەت تابيعي ەنەرگەتيك بولىپ سانالادى.  جاسۇنىق پەن ومەگا-3 مايلى قىشقىلداردان بولەك، بۇل ٴونىم كوڭىل-كۇيدىڭ كوتەرىلۋىنە سەپتىگىن تيگىزەدى جانە اعزاداعى قابىنۋدى ازايتادى.

شايقۋراي (زۆەروبوي)

شايقۋراي تۇنباسى – كۇيزەلىسكە قارسى تىنىشتاندىرعىش اسەرى بار وسىمدىك. ول كوڭىل كۇيدى كوتەرەدى، ۇيقىنى رەتتەپ، پسيحيكالىق جانە فيزيكالىق جۇمىس ىستەۋ قابىلەتتىلىگىن ارتتىرادى. ەگەر دە ٴسىز كۇش-قۋاتىڭىزدىڭ ازايىپ، قىس مەزگىلىندەگى كۇيزەلىستەن شارشاعان بولساڭىز، شايقۋراي شايىن ٴىشىپ كورىڭىز. مۇنداي سۋسىننىڭ اسەرى ۇزاق بولماق. ٴبىر ايدان سوڭ ٴوزىڭىزدى سەرگەك سەزىنەتىن بولاسىز.

شىرعاناق

شىرعاناق – سىبىرلىك سەرگەكتىك پەن جاقسى كوڭىل كۇيدىڭ جيدەگى. ونىڭ قۇرامىندا قۋانىش گورمونى سەروتونين، كوپ مولشەردە س دارۋمەنى، بەتا-كاروتونين، جانە كوپ قانىقپاعان ماي قىشقىلدارى بار. سونىمەن قاتار كوزگە پايدالى. بۇل سۋپەرفۋدتى بارلىق تاعامدارعا قوسۋعا بولادى.

bilim-all.kz
date21.02.2018readCount1740printباسىپ شىعارۋ