قوزعالىسسىز ٴومىر سالتىندا تۇتىنىلاتىن ونىمدەر

قازىرگى زاماننىڭ تەحنولوگياسى كوش العا كەتىپ قالعانىمەن، كومپيۋتەر الدىندا جۇمىس ىستەۋ ٴسىزدىڭ كوزىڭىزگە زيانىن تيگىزەدى. كوزىڭىزدىڭ كورۋ قابىلەتىن ساقتاپ قالۋعا قۇرامىندا ومەگا-3، ليۋتەين، سينك جانە ا، ۆ، ە دارۋمەندەرى بار ونىمدەر ٴوز ىقپالىن تيگىزەدى.

ولار:

- كوك ٴشوپ (سالات جاپىراقتارى، شپينات، ورامجاپىراق);
- جۇمىرتقا;
- سيترۋس ونىمدەرى;
- جيدەكتەر;
- جاڭعاق جانە پىستەلەر;
- بالىقتىڭ مايلى تۇرلەرى (البىرت، تۋنەس، سكۋمبريا، باقتاق)

كوز ٴۇشىن

تۇيىق كەڭىستىكتە كوپ ادام بىرگە وتىراتىندىقتان، قازىرگى كەزدە وفيس بۇل – باكتەريا مەن ۆيرۋستاردىڭ كەڭىنەن تارالۋىنا سەپتىگىن تيگىزەتىن تاماشا ورتا. سوندىقتان دا تۇماۋراتىپ قالعان ٴبىر ادامنىڭ اينالاسىنداعى بىرنەشە ادامدى جۇقتىراتىنى زاڭدىلىق. مۇنى بولدىرماۋ ٴۇشىن، جالپى بەلگىلى ساقتىق شارالارىن ۇستانۋمەن قاتار، كەلەسى ونىمدەردى تۇتىنۋدى ەسىڭىزدەن شىعارماڭىز.

- سيترۋس ونىمدەرى;
- قىزىل بۇرىش;
- بروكوللي ورامجاپىراعى;
- سارىمساق;
- ٴزىمبىر;
- كيۆي;
- پاپاييا;

يممۋنيتەتتى كۇشەيتۋ ٴۇشىن

مەتابوليزم نەعۇرلىم جاقسى جۇرگەنىمەن، كالوريالار سوعۇرلىم كوبىرەك جۇمسالادى. ۋاقىتىنىڭ كوپ بولىگى وتىرۋ قالپىندا وتەتىندىكتەن، وفيس قىزمەتكەرلەرىنە بۇل وزەكتى ماسەلە بولىپ تابىلادى. تومەندە اتالعان ونىمدەر اعزاداعى زات الماسۋ پروسەسسىن جەدەلدەتىپ، سالماقتى ٴبىرقالىپتى ۇستاپ تۇرۋعا ٴوز سەپتىگىن تيگىزەدى.

- تەڭىز ورامجاپىراعى;
- كوفە;
- ٴشاي;
- تاعام دامدەۋىشتەرى (ٴزىمبىر، كايەن بۇرىشى، كاردامون);
- بۇرشاقتى داقىلدار;
- مايسىز ەت (تاۋىق جانە كۇركەتاۋىق ەتتەرى).

مەتابوليزمدى جەدەلدەتۋ ٴۇشىن

دۇرىس تاماقتانۋ تەك قانا اعزانىڭ دامۋىنا ماڭىزدى بولىپ قالماي، وفيس قىزمەتكەرلەرىنىڭ باستى جۇمىس “قۇرالى” بولاتىن ميدىڭ قالىپتى جۇمىس جاساۋى ٴۇشىن دە قاجەتتى. وسى ونىمدەر ميداعى سۇر زاتتىڭ جۇمىسىنا  جاقسى ىقپالىن تيگىزىپ جانە جاس ەرەكشەلىكتەرىنىڭ وزگەرىستەرىن باياۋلاتادى.

- مايلى بالىق (البىرت، اقسەركە، باقتاق);
- قاراجيدەك;
- جاڭعاقتار مەن پىستە;
- جاسۇنىققا باي ونىمدەر (س ۇلى جارماسى، تۇتاس داندەرى بار نان، قوڭىر كۇرىش);
- انار شىرىنى;
- قارا شوكولاد.

مي ٴۇشىن

امەريكالىق زەرتتەۋلەر ناتيجەسىنە سەنەتىن بولساق، ون جىل جانە ودان دا كوپ وتىرىقشى جۇمىستا ىستەگەن ادامداردىڭ توق ىشەك قاتەرلى ىسىك اۋرۋىنا شالدىعۋى ەكى ەسەگە ارتادى. اۋرۋدىڭ الدىن الۋىنا جۇيەلى تۇردە دەنە جاتتىعۋلارىمەن (سونىمەن قاتار جۇمىس ورنىندا دا) اينالىسۋ جانە تومەندەگى ونىمدەردى تۇتىنۋ سەپتىگىن تيگىزەدى.

- بروككولي ورامجاپىراعى;
- شپينات;
- سيترۋس ونىمدەرى;
- جيدەكتەر;
- جاسۇنىققا باي ونىمدەر (س ۇلى جارماسى، نان، قوڭىر كۇرىش).

ال، مامانداردىڭ ايتۋىنشا قىزىل ەت پەن وڭدەلگەن ەتتى تۇتىنۋدى (سوسيسكا، شۇجىق) شەكتەۋ كەرەك، سەبەبى ولار قاتەرلى ىسىك اۋرۋىنا اكەلىپ سوقتىرۋى مۇمكىن.

ىشەك ٴۇشىن

bilim-all.kz
date26.12.2017readCount1262printباسىپ شىعارۋ