كىتاپ تۋرالى ەڭ قىزىقتى دەرەكتەر

  • يمام بۇحاري 600 مىڭ حاديس جيناقتاعان. سونىڭ ىشىندە 100 مىڭ ساحيح، 200 مىڭ داييف حاديستەرىن جاتقا بىلگەن. بۇحاري حاديستەردى جيناقتاۋ بارىسىندا 90 مىڭنان استام اداممەن جولىعىپ، حاديس ريۋايات ەتكەن.

  • ايەلدەر ەركەكتەرگە قاراعاندا كىتاپتى كوپ (68%) ساتىپ الادى.
  • دۇنيەجۇزى بويىنشا ساتىلاتىن كىتاپتاردىڭ  جارتىسىنان كوبىن 45 جاستان اسقان ادامدار ساتىپ الادى.
  • يتاليالىق ريو كوزەللي دەگەن وقىمىستى الەمدەگى ەڭ ٴىش پىستىراتىن كىتاپتاردى جيناعان. ونىڭ بارلىق كىتابى 10 000 تومدى قۇراعان. ٴبىر كۇنى جولى بولماي قويعان يتالياندىق اقىن ٴوز كىتابىن كوززەلي كىتاپ كوللەكسياسىنان كورگەندە، وزىنە قول جۇمساۋعا شاق قالعان.
  • اباقتىدا جاتىپ جازۋ جوسپارى تۇزىلگەن كىتاپتاردىڭ تىزىمىندە سەرۆانتەستىڭ «دون كيحوتى»، جون بانياننىڭ «اۋليەنىڭ ساياحاتى»، وسكار ۋايلدتىڭ «اباقتىداعى كەشىرىم»، نيكولا ماكياۆەلليننىڭ «ٴامىرشى» شىعارمالارى بار. 
  • قالىڭ وقىرماندار اراسىندا وتكەن كىتاپتى داۋىستاپ وقۋ مارافونى 224 ساعات سوزىلعان.
  • عىلىمدا كىتاپ ۇرلاۋشىلاردى بيبليوكلەپتومان دەپ اتايدى. دۇنيەدەگى ەڭ اتاقتى كىتاپ ۇرىسى – ستيۆەن بلۋمەرگ . ول 270  كىتاپحانادان 23 مىڭعا جۋىق تاڭداۋلى شەدەۆر كىتاپتاردى ۇرلاعان. ونىڭ كىتاپحانا قورىنىڭ قۇنى 20 ملن  دوللاردان اسىپ جىعىلادى.
  • دۇنيەدەگى ەڭ ۇلكەن سوزدىك – «نەمىس سوزدىگى» («deutsches wortetbuch»). مۇنى ياكوب ۆا ۆيلگەلم گريمم 1854 جىلدان باستاپ قۇراستىرا باستاعان. بۇل ىسكە، كەيىنەن، كوپتەگەن عالىمدار ۇلەس قوسىپ، 1971 جىلى سوزدىك جازىلىپ بىتەدى. 33 تومدىق بۇل سوزدىك – 34519 بەتتەن تۇرادى.
  • الەمدەگى ەڭ اتاقتى جازۋشىلاردىڭ ٴبىرى ٴھام بىرەگەيى – اگاتا كريستي. ونىڭ دەتەكتيۆتى حيكايالارى 50-دەن استام تىلدەرگە اۋدارىلىپ، الىگە دەيىن وقىلىم تاقتاسىنان تۇسپەي كەلەدى. كريستيدىڭ كىتاپتارىنىڭ باسىلىم سانى – 2 ملرد-تان اسادى.

  • دۇنيەدەگى ەڭ اۋىر كىتاپ بريتانيا مۋزەيىندە ساقتالعان حvii عاسىرعا تيەسىلى گەوگرافيالىق  اتلاس ەكەنىن بىلەسىز بە؟ ول كىتاپتىڭ ۇزىندىعى – 1،9 مەرت، ال سالماعى – 320 كەلى تارتادى.

  • google دۇنيەدەگى جارىق كورگەن بارلىق ادەبي، پۋبليسيستيكالىق، عىلىمي شىعارمالاردى ەسەپتەن شىققان . ولاردىڭ ۇزىن-ىرعاسى 130 ملن-نان اسقان.
  • دۇنيەدەگى ەڭ ٴماشھۇر كىتاپ كەيىپكەرى – ناپلەون. ول جايىندا 100 مىڭنان استام ٴارتۇرلى جانرداعى كىتاپتار جازىلعان.
 
  • ادامداردىڭ 95 %-ى مينۋتىنا 210 ٴسوز وقيدى. ال 2 مينۋتتا 1،5 بەت وقيدى.
  • و. بالزاك جارتى ساعاتتا 200 بەت وقىعان.
  • بالانى وقۋعا قىزىتىراتىن ەڭ وڭلايلى ۋاقىت – 4-6 جاسار كەزى ەكەن. بالانى 7 جاسىنان باستاپ وقۋعا باۋلۋ كوپ قيىندىقتاردى تۋدىرادى.
  • وقىرمانداردىڭ كوپشىلىگى كىتاپتىڭ ٴ18-شى بەتىنە كەلگەندە-اق قىزىعۋشىلىقتارىن جوعالتىپ الادى.

  • دۇنيەدەگى ەڭ كوپ گونورار (قالاماقى) ريم يمپەراتورى مارك اۆرەليي تاراپىنان وپپيان اتتى اقىنعا بەرىلگەن. ونىڭ بالىق اۋلاۋ مەن اڭشىلىق حاقىنداعى داستانىنىڭ ٴاربىر جولىنا 1 التىن بەرىپ وتىرعان. ونىڭ ەكى داستانى 20 مىڭ بايىتتەن تۇرادى.
  • دۇنيەدەگى ەڭ قىمبات شىعارما لەوناردو دا ٴۆينچيدىڭ ٴوز قولىمەن كوشىرىپ جازعان «لەيچەستەر كودەكسى» كىتابى ەكەن. ونى «مايكروسوفتىڭ» نەگىزىن سالۋشى بيلل گەيتس 1994 جىلى نيۋ-يوركتاعى «سوتبيس» اۋكسيونىندا 30،8 ملن دوللارعا ساتىپ العان.

  • دۇنيەدەگى ەڭ ۇلكەن كىتاپ حالىندە جارىق كورگەن جيناق يرلانديا ۋنيۆەرسيتەتى تاراپىنان 1968-1972 جىلدارى شىعارىلعان. بۇل 1112 تومدىق «بريتانيا پارلامەنتىنىڭ قۇجاتتارى» دەپ اتالادى. جالپى جيناقتىڭ سالماعى 3،3 توننادى قۇرايدى. ونى باستان-اياق وقىپ شىعۋعا 6 جىل كەتەدى.
  • الەمدەگى ەڭ ەجەلگى كىتاپ پريسس پاپيرۋستارى بولىپ تابىلادى. ول ب.ز.ب. 3350 جىلى جازىلعان. بۇل قولجازبا، ونى 1839 جىلى تاپقان فيۆادان تاپقان ەميل ٴپريسستىڭ قۇرمەتىنە وسىلاي اتالعان. قولجازبانىڭ اۆتورى – پەرعاۋىننىڭ ٴۋازىرى پتا-گوتەپ. ول قولجازبادا – جاستاردىڭ تاربيەسىزدىگىنە، اقىماقتىعىنا، مانەز-ق ۇلىقتارىنىڭ وزگەرگەنىنە نالىعان.
  • قازىرگى تاڭدا الەمدەگى ەڭ ۇلكەن كىتاپ – «بۇل – مۇحاممەد (س.ع.س.)» دەپ اتالادى. ونىڭ سالماعى 1،5 توننا شىعادى. كىتاپ 429 بەتتەن تۇرادى. ونى 9 اي بويى 50 ادام جاساپ، 2،7 ملن دوللار جۇمساعان.
  • اتاقتى گوللاند دارىگەرى گەرمان بۋرحاۆەننىڭ «ەمشىلىك ونەردىڭ تەرەڭ سىرلارى» اتتى كىتابى اۆتور قايتىس بولعاننان كەيىن، 1738 جىلى 10 مىڭ دوللار التىنعا اۋكسيوندا ساتىلعان. ٴبىر قىزىعى، كوركەم بەدەرەلەنگەن بۇل كىتاپتىڭ بارلىق بەتتەرى بوس، ياعني ەشتەڭە جازىلماعان. تەك قانا ٴبىرىنشى بەتىندە مىناداي سويلەم بار: «باسىڭ توڭسا دا، اياعىڭدى جىلى ۇستا. سوندا عانا سەن ەڭ مىقتى دارىگەرلەردى دە كەمباعالعا اينالدىراسىڭ».

اۋدارعان: باۋىرجان مىرزاقۇل.

date24.11.2017readCount3889printباسىپ شىعارۋ