كوزگە جاسالاتىن جاتتىعۋلار

كوزگە جاسالاتىن جاتتىعۋلارعا نازار اۋدارىڭىزدار. بۇل جاتتىعۋلاردى كۇندە جاساپ جۇرسەڭىزدەر دەنساۋلىعىڭىزعا  پايدالى بولادى. نەگىزى ادام كوزىنە كوزىلدىرىك كيىپ جۇرسە ٴبىراز ۋاقىتتان كەيىن ونىڭ كوزىنىڭ كورۋى ناشارلايتىنى دالەلدەنگەن ەكەن.

سوندىقتان كوزىلدىرىكتەن باس تارتىپ، وسى كەستەدە كورسەتىلگەن جاتتىعۋلاردى ورىنداڭىزدار. ارينە كوزىلدىرىكتى تاعۋ مىندەتتى كەزدەر دە بولادى، دەگەنمەن كوپ جاعدايدا كوزدىڭ كورۋىن قالپىنا كەلتىرۋ ماسەلەسىن قولىڭىزعا الىپ جاتتىعۋلار جاساساڭىز، جەيتىن تاماعىڭىزعا ٴمان بەرسەڭىز، ۋاقىتىندا ۇيىقتاپ، كۇن ٴتارتىبىن كوپ بۇزباساڭىز، جاقسى ناتيجەلەرگە جەتەسىز. 

كوزدىڭ كورۋىن قالپىنا كەلتىرۋ بارىسىندا مىناداردى دا ەسكەرگەن ٴجون:

  • كوزگە كوپ كۇش تۇسىرمەۋگە تىرىسىڭىز، كۇندىز ازداپ ۇيىقتاپ الىڭىز نەمەسە   2-3 ساعات سايىن كوزىڭىزدى جۇمىپ وتىرىڭىز.
  • كوزگە ارنالعان جاتتىعۋلاردى جاساڭىز.
  • ەگەر كوزىڭىز ەمدەۋگە كەلەتىن بولسا، كوزىلدىرىكتەن باس تارتىڭىز.
  • ارنايى نۇكتەلەردى باسىپ وتىرىپ كوز اينالاسىنا ماسساج جاساڭىز.

الدىمەن ەكى ساۋساقپەن (بالاڭ ۇيرەك جانە ورتان تەرەك) كوزىڭىزدىڭ الماسىن سەگىز رەت باسىڭىز، اۋىراتىنداي قاتتى باسۋعا بولمايدى. سونان كەيىن سۋرەتتە كورسەتىلگەن نۇكتەلەرگە ەكى رەتتەن باسىپ شىعىڭىز. 

  • كۇن ٴتارتىبىن ساقتاڭىز  (ساعات 10-00 ۇيىقتاۋعا جاتىپ كۇن شىققانعا دەيىن ويانۋىڭىز كەرەك.
  • كوزىلدىرىك كيمەي قىدىرىڭىز، الىسقا كوپ قاراڭىز.
  • ديەتا ساقتاڭىز (مايلى، قۋىرىلعان، تۇزدى، قاقتالعان، ۇن تاعامدارىن جەمەڭىز)، سابىزدەن جاسالعان شىرىنعا وليۆا مايىنىڭ بىرنەشە تامشىسىن قوسىپ ٴىشىڭىز
  • كەشكى 19-00 كەيىن كومپيۋتەر قولدانباڭىز.
  • دەمالىڭىز، جاقسى مۋزىكا تىڭداڭىز، كوزگە سالماق تۇسىرەتىن اۋىر جۇمىس پەن دەنە جاتتىعۋلارىن شەكتەڭىز.
ەسەت قيلىبايەۆ
date26.10.2017readCount2240printباسىپ شىعارۋ