قان قىسىمىنىڭ كوتەرىلۋىنە نە سەبەپ؟

بۇعان سەبەپ بولاتىن ماسەلە وتە كوپ. كوبىنە سترەسس، جۇيكە جۇيەسىنە تۇسكەن اۋرتپالىق، ۋايىم ىقپال ەتۋى مۇمكىن. ۋاقىتىلى تاماقتانباي، ۇيقتاماي قىزمەت ەتەتىندەر دە وسى قاتاردان تابىلىپ جاتادى. سونىمەن بۇگىن وسىنىڭ بىرنەشە سەبەپتەرىن، بەلگىلەرىن جانە الدىن الۋ شارالارىن قاراستىرىپ كورەيىك.

قان قىسىمىنىڭ سەبەپتەرى:

—تۇقىم قۋالاۋ. بۇل ٴۇردىس اتادان بالاعا جالعاسۋى ٴجيى بولاتىن قۇبىلىس;

—ارتىق سالماق. فرانسۋز دارىگەرلەرىنىڭ ايتۋىنشا، دەنەدەگى ٴاربىر ارتىق كەلى قىسىمدى 1،6 مم كوتەرۋگە، 1،3 مم تومەندەتۋگە قاۋقارلى ەكەن;

—حولەستەريننىڭ ارتۋى. ول قاناينالىمىنىڭ بۇزىلۋىنا اكەلەدى;

-مي جاراقاتى (باستان سوققى الۋ، مي شايقالاۋى ت.ب.);

-ىشىمدىك پەن شىلىمدى ٴجيى قولدانۋ;

-تۇزدى، اششى تاعامداردى كوپ مولشەردە پايدالانۋ;

-كۇن ٴتارتىبىنىڭ بۇزىلۋى، قوزعالىستىڭ از بولۋى;

-ۇزاق ۋاقىت دارىلىك پرەپاراتتاردى قولدانۋ;

-سونىمەن قاتار، كەيبىر سىرقاتتىڭ سالدارى (ەندوكريندى، جۇرەك-قان تامىرلارى اۋرۋلارى، جۇيكە جۇيەسى، بۇيرەك، قۋىق جولدارى اۋرۋلارى);

قالىپتى قان قىسىمى:

دۇنيەجۇزىلىك دەنساۋلىق ساقتاۋ ۇيىمىنىڭ بەلگىلەگەن كورسەتكىشى – 120 دا 80. ەگەر بۇل كورسەتكىش 140 تا 90-عا جەتسە، قان قاسىمى قالىپتى جاعدايدان اسىپ بارا جاتىر دەگەن ٴسوز.

قان قىسىمىنىڭ كوتەرىلگەنىن قالاي بىلۋگە بولادى؟

ەگەر بۇل قۇبىلىس ٴبىرىنشى رەت بولىپ تۇرسا، مىناداي بەلگىلەرگە نازار اۋدارىڭىز:

*باس اۋرۋى;

*باس اينالۋ;

*قۇلاقتىڭ شۋىلداۋى;

*قۇلاق پەن بەتتىڭ قىزارۋى;

*مازاسىزدانۋ، جۇرەكتىڭ ٴجيى قاعىسى;

*اياق پەن قولدىڭ ٴىسىنۋى;

*جۇرەك اينۋ;

الدىن-الۋ شارالارى:

-قالاماساڭىز دا ٴومىر ٴسۇرۋ داعدىڭىزدى وزگەرتۋگە تۋرا كەلەدى. ماسەلەن، ىشىمدىكتى، شىلىمدى، باسقا دا زياندى ادەتتەردى تاستاۋ كەرەك بولادى;

-جانۋار مايلارىن پايدالانۋدى توقتاتۋ. ويتكەنى ولار قان قۇرامىنداعى حولەستەريندى كوبەيتەدى;

-كۇندەلىكتى تۇتىناتىن تۇزدىڭ كولەمىن ازايتۋ. ول ٴۇشىن قۇرامىندا ناتريي ەلەمەنتى از ٴتۇرىن قولدانۋعا بولادى;

-دەنەنى قوزعالىسقا ەنگىزۋ، ارتىق سالماقتىڭ الدىن الۋ. جاياۋ سەرۋەندەۋگە، حاۋىزعا بارۋعا، يوگامەن اينالىسۋعا بولادى;

-ۋايىم-قايعىدان، جۇيكەنى السىرەتەتىن جاعدايلاردان اۋلاق بولۋعا تىرىسىڭىز;

http://ikerim.kz

date12.10.2017readCount1832printباسىپ شىعارۋ