نە پايداسى بار ەكەن قىزىلشانىڭ؟

قويۋ قىزىل كوكونىستەر تاعامدارىڭىزدىڭ ٴسانىن كەلتىرىپ قانا قويماي، پايدالىلىعىن ارتتىرا تۇسەدى. سەبەبى قىزىلشا – وتە پايدالى كوكونىس.

قىزىلشانى ٴسۇيىپ جەيتىن ادامنىڭ جالپى پورترەتىنە نازار سالايىق.

ول اقىلدى. سەبەبى قىزىلشادا يود كوپ. ال ونسىز ەستە ساقتاۋ قابىلەتىنىڭ جاقسى، ٴوي-ورىسى مەن زەيىننىڭ جوعارى بولۋى مۇمكىن ەمەس.

بەتى القىزىل. سەبەبى قىزىلشا تەمىردىڭ سىڭۋىنە اسەر ەتەدى. سوندىقتان قىزىلشانى ۇناتاتىن جانداردىڭ بەت-الپەتىنىڭ بوزارعانىن بايقامايسىز.

ول ٴتوزىمدى. قىزىلشا ادامنىڭ فيزيكالىق توزىمدىلىگىن ارتتىرادى ەكەن. عالىمدار قىزىلشا شىرىنىنىڭ قان تامىرلاردى كەڭەيتىپ، قان تاراۋىن كۇشەيتەتىنىن دالەلدەگەن. دەمەك بۇلشىقەتتەرگە اۋا ٴتۇسۋىن ارتتىرادى. ماماندار تاجىريبە جۇرگىزىپ، جاتتىعۋ الدىندا 70 مل قىزىلشا شىرىنىن ٴىشۋ دەنەگە تۇسەر سالماققا توزىمدىلىكتى 16%-عا ۇلعايتاتىنىن انىقتاعان.

ونىڭ شاشى قالىڭ. قىزىلشانى ٴسۇيىپ جەيتىن ادامداردىڭ شاشى جىلدام ٴوسىپ، قالىڭداپ، جىلتىراي تۇسەدى. وعان قىزىلشا قابىعىنىڭ استىندا كوپ مولشەردە كەزدەسەتىن ۆ دارۋمەنى ىقپال ەتەدى.

ول بۇلشىقەتتى. قىزىلشادا بۇلشىقەت ماسساسىن ارتتىرۋعا كومەكتەسەتىن ماگنيي مولشەرى كوپ.

ول سىمباتتى. قىزىلشا قۇرامىندا ازات الماسۋىن جىلدامداتىپ، ارتىق سۇيىقتىقتى شىعارىپ، ارتىق سالماقتان ارىلۋعا سەبىن تيگىزەتىن ەرەكشە زاتتار كەزدەسەدى.

 قىزىلشا قانداي اۋرۋلاردى جازۋعا كومەكتەسەدى؟

قان قىسىمى. ٴزار ايدايتىن اسەرىنە بايلانىستى قىزىلشا شىرىنى ٴوان قىسىمىن تومەندەتەدى. ال قۇرامىندا كوپ مولشەردە كەزدەسەتىن كالسيا سەبەپتى، قىزىلشا جۇرەك اۋرۋلارىنان زارداپ شەگەتىن ادامداردىڭ اس مازىرىنەن تابىلۋى ٴتيىس.

ٴىش قاتۋى. قىزىلشادان جاسالعان تاعامداردى ٴىش جۇرگىزەتىن قۇرالدارعا بالاما رەتىندە قولدانۋعا بولادى. ٴبىراق قىزىلشا شىرىنىن پايدالانعاندا ابايلاڭىز! ناتيجەسى ٴسىز كۇتكەننەن دە ارتىق بولۋى مۇمكىن.

باس جازۋ. قويۋ قىزىل كوكونىس باۋىر قىزمەتىن جاقسارتىپ، ونى ۋلى زاتتاردان قورعاپ، ورگانيزمنەن زياندى زاتتاردى شىعارادى.

اسقازانداعى اۋىرلىق. اسىرەسە ول جانشىلعان شوشقا ەتىنە بايلانىستى. قىزىلشا اقۋىزداو مەن مايلاردىڭ قورىتىلۋىنا كومەكتەسەدى.

تۇماۋ. قىزىلشا قابىنۋعا قارسى اسەرگە يە. سوندىقتان بۇل كوكونىستىڭ شىرىنىن تۇماۋ تيگەندە مۇرىنعا تامىزادى. سونىمەن قاتار باسپا، كومەيدىڭ قابىنۋى، جۇتقىنشاق قابىنۋى ورىن العاندا، تاماقتى شايۋ ٴۇشىن قولدانادى.

ەگەر سىزدە تومەندە اتالعان دەرتتەر بولسا، قىزىلشانى كوپ قولدانباعانىڭىز ابزال:

  • سۋسامىر — ول قانداعى گليۋكوزا دەڭگەيىن ارتتىرادى;
  • قۇياڭ نەمەسە نەسەپ-تاس اۋرۋى— قىزىلشا قۇرامىندا بۇل اۋرۋلاردا قارسى كورسەتىلەتىن قىمىزدىق قىشقىلى بار.
  • ٴىش وتۋىنە بەيىمدىلىك — قىزىلشانىڭ ٴىش جۇرگىزەتىن اسەرى كەرەك ەمەس.

قىزىلشانى قالاي پىسىرەدى؟

1. قىزىلشانى پىسىرگەندە ىدىستىڭ قاقپاعىن جاۋىپ قويىڭىز. ول دارۋمەندەردىڭ جوعالۋىن ازايتادى.

2. كوكونىستىڭ تولىقتاي سۋعا باتىپ تۇرۋىن قاداعالاڭىز. ول پايدالى زاتتاردىڭ ىدىراۋ پروسەسىن باياۋلاتادى.

3. سۋعا تۇز سالماڭىز. ول قىزىلشانىڭ ٴپىسۋ ۋاقىتىن ۇزارتادى. ٴتىپتى، قىزىلشا پىسكەننەن كەيىن دە قاتتىلاۋ بولۋى مۇمكىن. دايىن تاعامدى تۇزداڭىز.

4. ٴتۇبىن كەسپەڭىز جانە ساباعىن تولىق كەسپەي، بىرنەشە سانتيمەترىن قالدىرىڭىز. ايتپەسە قىزىلشا ٴتۇسىن جوعالتىپ، ٴدامى سۋ تاتىپ كەتۋى مۇمكىن.

5. ٴپىسۋ ۋاقىتىن جىلدامداتۋ ٴۇشىن، سۋعا 1 اس قاسىق قانت سالىڭىز نە وسىمدىك مايىن قۇيىڭىز. ەكەۋى دە قايناۋ تەمپەراتۋراسىن جوعارىلاتادى.

6. ەگەر ىدىستى بىلعاۋدان قورىقساڭىز، قىزىلشانى پوليەتيلەن پاكەتكە سالىپ ٴپىسىرىڭىز. ول كوكونىستىڭ دامىنە، ٴپىسۋ ۇزاقتىعىنا اسەر ەتپەيدى.

7. ەگەر قىزىلشانى تازالانعان نە تۋرالعان كۇيىندە پىسىرسەڭىز، سۋعا ٴبىراز سىركە سۋ قوسىڭىز. ول كوكونىستىڭ ٴتۇسىن جوعالتپاۋى ٴۇشىن قاجەت.

date10.10.2017readCount2335printباسىپ شىعارۋ