مەملەكەتتىك قىزمەتتە ىستەگەن ساحابا كىم؟

ول ٴبىلىمدى بولۋمەن قاتار مەملەكەتتىك جوعارى قىزمەتتەردى دە ابىرويمەن اتقارعان قابىلەتتى ساحابا. حازىرەت وسماننىڭ تۇسىندا افريكا جورىعىنا يسلام اسكەرلەرىنىڭ ەلشىسى رەتىندە قاتىستى. افريكاداعى ۆيزانتيانىڭ اكىمى گەورگيي جانە ونىڭ ادامدارىمەن عىلىمي ماسەلەلەر بويىنشا پىكىر تالاستىرادى. ۆيزانتيالىقتار العىر اقىلىنا، ويى مەن ٴبىلىمىنىڭ تەرەڭدىگىنە تانتىلىكپەن ونى “ارابتاردىڭ ەڭ داناسى” دەگەن-دى.

حالىق يبن ابباستىڭ تورەلىگىنە ٴجيى جۇگىنەتىن. ونىڭ ٴۇيى، ەسىك الدى ۇنەمى كىسىدەن بوسامايتىن. شاكىرتى ٴابۋ ساليح:

“اۋلاسىنا كىسىلەر مۇنشاما كوپ جينالاتىن باسقا ٴبىر ادامدى ومىرىمدە كورگەن ەمەسپىن” دەپ، ونىڭ شارشى توپتى جارىپ سويلەيتىن شەشەندىگىن، كوپشىلدىگى مەن كوسەمدىگىن پاش ەتەدى. ول كىم دەسەڭىز، عالىم ساحابا ابدۋللا يبن ابباس.

date02.10.2017readCount2603printباسىپ شىعارۋ