ناعىز مۇسىلمان قابىرىندە جاتىپ بىلاي دەيدى…
 
فاقيح ٴابۋ قاسىم بين ابدۋراحمان ٴابۋ حۋرايرادان جەتكەن (وعان اللا رازى بولسىن) اللا ەلشىسىنىڭ (وعان اللانىڭ سالاۋاتى مەن سالەمى بولسىن) ٴحاديسىن كەلتىرەدى:
شىنىندا، پايعامبارىمىز (وعان اللانىڭ سالاۋاتى مەن سالەمى بولسىن) ايتقان:  «قابىردە جاتقانعا قاتتى وكىرگەن داۋىس ەستىلەدى، بۇل داۋىستى ونىڭ قاسىندا تۇرعان ادامنان باسقا جانۋارلاردىڭ ٴبارى ەستيتىن بولادى. ەگەر بۇل داۋىستى (بۇل دۇنيەدە) ادام ەستيتىن بولسا، ايعاي سالىپ، ەسىنەن تانىپ قالار ەدى. ناعىز يمان كەلتىرگەن ادام قابىردە جاتىپ بىلاي ايتادى: «اسىعىڭدار، مەنى قانداي جاقسىلىق كۇتىپ تۇرعانىن بىلسەڭدەر، سەندەر مەنىڭ الدىمدا جۇرەر ەدىڭدەر». ال يمان كەلتىرمەگەن كىسى: «اسىقپاڭدار، مەنى قانداي ز ۇلىمدىق كۇتىپ تۇرعانىن بىلسەڭدەر، سەندەر مەنى اسىقتىرماس ەدىڭدەر»، - دەيدى.

ناعىز يمان كەلتىرگەندى قابىرگە جاتقىزعاندا ونىڭ باس جاعىنان كوك كوزدەرى بار ەكى پەرىشتە جاقىندايدى. سوندا يمان كەلتىرگەن مومىننىڭ نامازى ولارعا:

«ماعان جولاماڭدار، ول كوپ تۇندەرىن ۇيقىسىز، قۇلشىلىقپەن وتكىزگەن» دەپ ايتادى.

سوسىن پەرىشتەلەر ونىڭ اياق جاعىنان كەلەدى. سوندا اتا-اناعا جاساعان جاقسىلىعى ولارعا:

«بىزگە جولاماڭدار، ول بىزگە قامقور بولعان» دەپ اراشا تۇسەدى.

سودان كەيىن پەرىشتەلەر ونىڭ وڭ جاعىنان كەلەدى. سوندا بۇل ادامنىڭ بەرگەن ساداقاسى پەرىشتەلەرگە:

«ماعان جاقىنداماڭدار، راسىندا، ول ساداقا بەرگەن» دەپ جولاتپايدى.

سودان كەيىن پەرىشتەلەر ونىڭ سول جاعىنا شىعادى، سوندا قابىردە جاتقاننىڭ ورازاسى بىلاي ايتادى:

«ماعان جاقىنداماڭدار، راسىندا، ول شولدەپ، اشىققان».

سوسىن پەرىشتەلەر ادامدى ۇيقىدان وياتقانداي وياتىپ: «اللا تاعالانىڭ ٴسوزىن جەتكىزگەندى كوردىڭ بە؟»، - دەپ سۇرايدى.  قابىردەگى ادام ولاردان: «كىم ول؟» - دەپ سۇرايدى. سوندا پەرىشتەلەر: «مۇحاممەد (وعان اللانىڭ سالاۋاتى مەن سالەمى بولسىن)»، - دەپ ايتادى. سوندا ادام بىلاي ايتادى: «مۇحاممەدتىڭ (وعان اللانىڭ سالاۋاتى مەن سالەمى بولسىن) اللا ەلشىسى ەكەندىگىنە كۋالىك بەرەمىن». پەرىشتەلەر وعان: «سەن يمان كەلتىردىڭ جانە يمان كەلتىرگەن كۇيىڭدە ٴولدىڭ»، - دەيدى. سودان كەيىن ونىڭ ٴقابىرى كەڭەيىپ، اللانىڭ بەرەكەتى تارايدى.

ٴبىز اللا تاعالادان ٴبىزدى بەيقامدىققا تۇسىرەتىن ٴناپسىنىڭ ازعىن تىلەكتەرىنەن ساقتاسىن دەپ سۇرايمىز، سونداي-اق، ۇلى اللا ٴبىزدى ٴقابىر ازابىنان ساقتاسىن دەپ تىلەيمىز. ٴبىزدىڭ سۇيىكتى پايعامبارىمىز (وعان اللانىڭ سالاۋاتى مەن سالەمى بولسىن) اللا تاعالاعا ٴقابىر ازابىنان ساقتا دەپ ٴجيى دۇعا جاساعان.

"تانبيحۋل عافيلين" كىتابىنان

date30.09.2017readCount7322printباسىپ شىعارۋ