ٴ قۇرمانعازى اتامىز ٴبىر قۋعىننان قالاي امان قالدى؟ - muslim.kz
قۇرمانعازى اتامىز ٴبىر قۋعىننان قالاي امان قالدى؟

قازاقتىڭ ۇلى كومپوزيتورى قۇرمانعازى پاتشا ۇكىمەتى تۇسىندا جالا جابىلىپ، تۇرمەگە قامالادى. ول ٴبىر كۇنى تۇرمەدەن قاشىپ، وزەن جاعاسىمەن كەلە جاتقانىندا ارتىنان قۋعىنشىلار كەلىپ قالىپتى. قۋعىنشىلاردى كورگەن قۇرمانعازى جاعادا ٴوسىپ تۇرعان قامىستى سىندىرىپ الىپ، اۋزىنا سالىپتى دا، سۋ استىنا سۇڭگىپ بارىپ، جاتا قالىپتى. اۋزىنداعى قامىستىڭ ٴبىر ۇشىن سۋدىڭ بەتىنە شىعارىپ قويىپ، وزەن تۇبىندە سول ارقىلى اۋا جۇتقان. قۋعىنشىلار قۇرمانعازىنىڭ ٴىزىن تابا الماي كەيىن قايتادى. ٴسويتىپ كەمەڭگەر كومپوزيتور تاپقىرلىعى مەن سۋعا سۇڭگي بىلگەندىگىنىڭ ارقاسىندا امان-ەسەن جاۋدان قۇتىلىپ ەلىنە جەتكەن ەكەن.

date18.09.2017readCount2228printباسىپ شىعارۋ