پروستاتيت دەگەن قانداي اۋرۋ؟

پروستاتيت — قۋىق استى بەزىنىڭ قابىنۋى — ەركەكتەردىڭ جىنىس مۇشەلەرىنىڭ ەڭ ٴجيى كەزدەسەتىن اۋرۋى. ٴۇرپى، قۋىق قابىنعاندا، ٴۇرپىنى قۇرالدارمەن زەرتتەگەندە قۋىق بەزىنە ميكروبتار ەنۋى مۇمكىن. باسكا جاعدايلاردا ميكروبتار قۋىق استى بەزىنە ورگانيزمدەگى ىرىندەۋ وشاقتارىنان (سىزداۋىق، باسپا، گايموريت، پنەۆمونيا) گەماتوگەندىك جولمەن وتەدى. قۋىق استى بەزى سەكرەتىنىڭ باكتەريسيدتىك قاسيەتتەرى بار، سوندىقتان بەزدىڭ قابىنۋى ٴۇشىن ميكروبتار ەنۋمەن قاتار، ۆەنا ستازى جانە سەكرەتتىڭ ۇيۋى سەكىلدى وعان جول بەرەتىن فاكتورلار بولۋى ٴتيىس. بۇلار دەنە قاتتى سۋىنعاندا، ٴىش بىتەلگەندە، ماستۋرباسيا سالدارىنان، ىشىمدىككە سالىنعاندا، ۇزاق ۋاقىت وتىرىپ جۇمىس ىستەۋدە (مىسالى، اۆتوماشينا جۇرگىزۋشىلەردە) پايدا بولادى. ٴپروستاتيتتى كوبىنە ستافيلوكوككتار، سترەپتوكوككتار، ىشەك تاياقشالارى، تريحومونادالار تۋعىزادى. جەدەل جونە سوزىلمالى پروستاتيت بولىپ جىكتەلەدى.

جەدەل پروستاتيت. جەدەل ٴپروستاتيتتىڭ مىناداي تۇرلەرى بار: كاتارالدى، فولليكۋلالى، پارەنحيمالى، قۋىق استى بەزىنىڭ ابسسەسى. كاتارالدى پروستاتيت قۋىق بەزىنىڭ شىعارۋ وزەكتەرىندەگى كىلەگەيلى قابىقتىڭ قابىنۋىنا بايلانىستى. ەگەر قابىنۋ پروسەسى ٴورشىپ بارا جاتسا، شىعارۋ وزەكتەرىنىڭ ٴىسىنۋى ولاردى قىسىپ، بەز فولليكۋلالارىندا كىلەگەي-ىرىڭنىڭ جينالۋىنا، ٴسويتىپ ولاردىڭ ىرىڭدەۋىنە (فولليكۋلالى پروستاتيت) سەبەپشى بولادى. پارەنحيمالى پروستاتيتتە قۋىق بەزىنىڭ كوپتەگەن بولىكتەرى ىرىڭدەۋ-قابىنۋ پروسەسىنە ۇشىرايدى. پروستاتاداعى بىرنەشە ۇساق ٴىرىڭ ٴبىر ٴىرى تۇيىرگە بىرىكسە، پروستاتا ابسسەسى پايدا بولادى. ابسسەسس تىك ىشەككە، قۋىققا، شاپقا، كوبىنە نەسەپ جولىنا اشىلىپ، ٴىرىڭدى كوبەيتۋى مۇمكىن.

كلينيكالىق بارىسى مەن بەلگىلەرى. كاتارالدى پروستاتيت كەزىندە كۋىقاستى بەزى ۇدايى بىركەلكى اۋىرادى جانە تۇندە ٴزار شىعارۋ جيىلەيدى. قۋىق استى بەزىن تىك ىشەك ارقىلى ساۋساقپەن زەرتتەۋدە كوبىنە ايتارلىقتاي وزگەرىس بايقالمايدى. قۋىق استى بەزىنىڭ سەكرەتىنەن كوپتەگەن لەيكوسيتتەر جانە كىلەگەيلى ٴىرىڭ جىپشەلەرى تابىلادى. فولليكۋلالى پروستاتيتتە اۋرۋدىڭ كلينيكالىق كورىنىسى ايقىنىراق بايقالادى.

ناۋقاستار شاپتىڭ اراسى اۋىراتىنىن، ۇيىپ، جىنىس مۇشەسىنىڭ باسى مەن ارتقى تەسىككە قاراي تارالاتىنىن ايتادى. ٴزار شىعارۋ جيىلەيدى، اۋىرادى، كەيدە قينايدى. دەنە قىزۋى 38-38،5°س-گە دەيىن كوتەرىلەدى. قۋىقاستى بەزىنىڭ كولەمى ۇلعايادى، نىعىزدالادى، قيسايادى، كەي جەرى باسقاندا كەنەت اۋىرادى. قۋىق استى بەزىن باسقاننان كەيىن زاردە كوپتەگەن ٴىرىڭ جىپشەلەرى پايدا بولىپ، قۇيىلعان ىدىستىڭ تۇبىنە تەز شوگەدى، ال ميكروسكوپپەن قاراعاندا كوپتەگەن لەيكوسيتتەر تابىلادى.

پارەنحيمالى پروستاتيتتە ٴىرىندى قابىنۋ پروسەسىنىڭ كلينيكالىق كورىنىسى بايقالادى. دەنە قىزۋى جوعارىلاپ (39-40°س)، دەنەسى قالتىرايدى، جالپى السىزدىك، شولىركەۋ بايقالادى، ٴزار شىعارۋدى ٴاۋىرسىنادى، كەيبىر ناۋقاستاردا ٴزار توقتاپ قالادى. قۋىق بەزىنىڭ سەكرەتىندە لەيكوسيتتەر كوبەيىپ، لەسيتين دوندەرى ازايادى. تىك ىشەك ارقىلى تەقسەرگەندە بەز ۇلعايعان، شيرىققان، جيەكتەرى بىلىنبەيدى، باسقاندا اۋىرادى. ەگەر قۋىق استى بەزىنىڭ ابسسەسى پايدا بولسا، وندا فليۋكتاسيا ۋچاسكەسى بايقالادى. قۋىق استى بەزىنىڭ ابسسەسىندە شاپتا، ودان سوڭ تىك ىشەكتە تامىر سوققانداي اۋرۋ سەزىلەدى. ال ابسسەسس جارىلسا — ٴزاردىڭ ٴتۇسى وزگەرەدى، ٴبىراق دەنە قىزۋى رەتتەلەدى. قۋىق استى بەزىنىڭ ابسسەسى اۋىر سەپتيكالىق اۋرۋ رەتىندە وتەدى، دەر كەزىندە وپەراسيا جاسالماسا، باكتەريەميالىق (ەندوتوكسيكالىق) شوك، ۋروسەپسيس پايدا بولادى.

دياگنوز قويۋ. ادەتتە جەدەل پروستاتيتكە دياگنوز قويۋ قيىندىق تۋعىزبايدى. ول انامنەزدىڭ ماعلۇماتتارىنا جانە ناۋقاستىڭ شاعىمدارىنا سۇيەنەدى (ارالىقتا، تىك ىشەكتىڭ اۋرۋى، ٴزار شىعارۋدىڭ قيىنداۋى، ۇرپىدەن ٴىرىڭ شىعۋى، دەنە قىزۋىنىڭ 38-39°س-گە دەيىن كوتەرىلۋى، دەنەنىڭ قالتىراۋى). كۋىق استى بەزىن ساۋساقپەن باسىپ كورگەندە ونىڭ ٴۇلعايعانى، ىسىنگەنى، اۋىراتىنى بايقالادى. قۋىق استى بەزىنىڭ سەكرەتىنەن كوپتەگەن لەيكوسيتتەر تابىلادى، ال لەسيتين داندەرى ازايعان. جەدەل پروستاتيت كەزىندەگى قۋىق استى بەزىن زەرتتەۋدى ابايلاپ جۇرگىزۋ كەرەك، ونى قاتتى باسۋعا جانە ماسساج جاساۋعا بولمايدى. ۋلترادىبىسپەن سكانيرلەۋ ارقىلى قۋىق استى بەزىنىڭ ابسسەسىن انىقتاۋعا بولادى.

ديففەرەنسيالدىق دياگنوستيكاسى. جەدەل ٴپروستاتيتتى جەدەل سيستيت پەن ۋرەتريتتەن اجىراتا ٴبىلۋ كەرەك، ويتكەنى ٴبۇل اۋرۋلاردا ٴزار شىعارۋ ٴجيى ٴارى اۋىرسىنۋ بولادى. الايدا جەدەل پروستاتيت ٴزاردىڭ شىعۋىنىڭ قيىنداۋىمەن، ٴىرىڭنىڭ ينتوكسيكاسياسىمەن بەلگىلەنسە جانە دە پالپاسيا كەزىندە ٴقۋىقتۇبى بەزىنىڭ ٴۇلعايعانى، ٴىسىنۋى، اۋىراتىنى بايقالسا، ال جەدەل سيستيت پەن ۋرەتريتتە ونداي بەلگىلەر بولمايدى.

جەدەل سيستيتتە لەيكوسيتۋريا ٴزاردىڭ بارلىق ٴۇش بولىگىنەن بايقالسا، جەدەل ۋرەتريتتە — نەگىزىنەن ٴبىرىنشى بولىكتەن بايقالادى، ال جەدەل پروستاتيتتە ٴۇشىنشى بولىكتەن تابىلادى دا، قۋىق استى بەزىن باسقاندا كۇشەيە تۇسەدى.

ەمدەۋ. جەدەل ٴپروستاتيتى بار ناۋقاسقا توسەكتە جاتۋ رەجيمى بەلگىلەنەدى، اششى، تىتىركەندىرەتىن تاعام ىشۋگە بولمايدى. اسەر ەتۋ سپەكترى كەڭ انتيبيوتيكتەردى (امپيسيللين، كاناميسين، گەنتاميسين سۋلفاتى، اميكاسين، سەفالوسپورين جانە ت.ب.) سۋلفانيلاميدتىك پرەپاراتتارمەن بىرگە پايدالانادى. اۋرۋدى جانە ٴزار شىعارۋ كەزىندەگى قينالۋدى باسۋ ٴۇشىن يتجيدەك، انەستەزين، پرومەدول نەمەسە پانتوپون قوسىلعان سۆەچالاردى پايدالانۋ ۇسىنىلادى. وسىنداي ماقساتتا شاپتى جىلىتاتىن كومپرەسس تۇرىندە جىلىتۋ پروسەدۋرالارىن، گرەلكا، وتىراتىن ىستىق ۆاننا (38-40°س)، ىستىق ميكروكليزما (1 گ انتيپيرين نەمەسە پيراميدون قوسىلعان، تەمپەراتۋراسى 39-40°س 50 مل سۋ) قولدانىلادى. ىشەكتى ٴۇدايى بوساتىپ وتىرۋ ٴۇشىن ٴىش جۇرگىزەتىن دارىلەردى بەلگىلەيدى. ەگەر جەدەل پروستاتيت قۋىق بەزىنىڭ ابسسەسىنە ۇلاسسا، وپرراسيا قاجەت بولادى — ابسسەستى جارۋ كەرەك. الدىن الا جۋان ينەمەن پۋنكسيا جاساۋ ارقىلى قۋىق استى بەزىندە ٴىرىڭ بار-جوقتىعىنا كوز جەتكىزەدى. قۋىق استى بەزىنىڭ ابسسەسىنە پۋنكسيانى ۋلترادىبىسپەن باقىلاۋ ارقىلى جۇرگىزگەن ٴجون. سوڭعى جىلدارى پروستاتا ابسسەسىن ەلەكترورەزەكتوسكوپتىڭ جاردەمىمەن ترانسۋرەترالىق اشۋ ٴادىسى كەڭىنەن قولدانىلۋدا.

بولجام. قاجەتتى ەمدەۋ دەر كەزىندە جۇرگىزىلگەن بولسا، جەدەل پروستاتيتتە بولجام ادەتتە جاقسى بولىپ شىعادى. الايدا پروستاتيت وتە اسقىنىپ كەتسە، انتيباكتەريالىق تەراپيا كەش باستالسا، ابسسەسكە وپەراسيادان كەيىن جەدەل قابىنۋ پروسەسى سوزىلمالى تۇرگە وتەدى.

سوزىلمالى پروستاتيت. بۇل اۋرۋ جەدەل پروستاتيتگى دەر كەزىندە جانە جەتكىلىكتى ەمدەمەۋدىڭ سالدارى بولىپ تابىلادى. الايدا سوزىلمالى پروستاتيتكوبىنە باياۋ داميدى. سوزىلمالى پروستاتيتتە ولاردىڭ وزەكتەرىنىڭ وككليۋزياسى سالدارىنان جانە قۋىق استى بەزى سەكرەتىنىڭ ۇيۋىنان فولليكۋلا جۇيەسىندە ٴۇلعايعان كۋىستار پايدا بولادى. سوزىلمالى ٴپروستاتيتتىڭ ۇزاق ٴوتۋى قۋىق بەزىنىڭ كولەمىن كىشىرەيتەتىن مۇشە سكلەروزىنا اكەپ سوعۋى مۇمكىن.

كلينيكالىق اعىمى جانە بەلگىلەرى. سوزىلمالى پروستاتيتكە ٴتان شاعىمدار: ارالىقتا، سەگىزكوزدە، تىك ىشەكتە تۇراقتى سىرقىراپ اۋىرسىنۋ، ول سىرتقى جىنىس مۇشەلەرىنە يررودياسيا بەرەدى جونە ۇرپىدە ەرتەڭگى زارگە شىقكان كەزدە ۇنامسىز سەزىم، كۇيىپ اۋىرعانداي بەلگى بولادى. كەيبىر ناۋقاستاردا ٴناجىس شىعارعاننان كەيىن نەمەسە زارگە شىعۋ سوڭىندا پروستاتا ٴسولىنىڭ بولىنەتىنى بايقالادى (پروستاتورەيا). ۇزاق ٴبىر جەردە قوزعالماي وتىرعان كەزدە جامباستاعى ۆەنەزدىن قان اينالىسىنىڭ ىركىلۋىنە بايلانىستى اۋىرسىنۋ كۇشەيە تۇسەدى، ول جاياۋ جۇرەتىن بولسا اۋىرسىنۋ ازايادى، باسىلادى. ٴبىرقاتار سوزىلمالى ٴپروستاتيتى بار ناۋقاستار جىنىس قاتىناسىنىڭ ٴبۇزىلعانىنا شاعىم ايتادى (ەرەكسيانىڭ جەتىسپەۋشىلىگى، ەياكۋلياسيانىڭ شاپشاندىعى)، وسى بەلسىزدىك شاعىمدارىنا بايلانىستى ەمدەۋ ادىستەرىن جەتىلدىرۋ عىلىمي پروبلەما. سونىمەن قاتار، ناۋقاستاردا نەۆراستەنيا، ۇيقى قاشۋ، جۇمىس قابىلەتىنىڭ كەمۋى بايقالادى. تىك ىشەك ارقىلى زەرتتەۋدە قۋىق بەزى بەلىكتەرىنىڭ اركەلكى جەتىلگەنىن، نىعىزدالعان ۋچاسكەلەردى (ينفيلتراسيا)، باسقاندا اۋىراتىنىن بايقاۋعا بولادى.

دياگنوز قويۋ. سوزىلمالى پروستاتيتكە دياگنوز قويۋدا تىك ىشەك ارقىلى ساۋساقپەن زەرتتەۋدىڭ جانە قۋىق استى بەزىنىڭ سەكرەتىن تەكسەرۋدىڭ شەشۋشى ماڭىزى بار. ودان لەيكوسيتتەردىن كوپ، لەسيتين داندەرىنىڭ از ەكەنى جانە باكتەريولوگيالىق زەرتتەۋدىڭ وڭ ناتيجەلەرى سوزىلمالى ٴپروستاتيتتىڭ بار ەكەنىن دالەلدەيدى. قۋىق استى بەزىنىڭ سەكرەتى مەن ٴزاردى زەرتتەۋدى مىناداي سحەمامەن جۇرگىزۋ كەرەك. 10-12 مل ٴزاردى ستەريلدى ٴۇش پروبيركاعا الادى: ٴبىرىنشى ۇلەستەن ٴزار شىعارۋ كەزىندە، ەكىنشى (ياعني ورتاڭعى) جانە ٴۇشىنشى ۇلەستەن (قۋىق استى بەزىنە ماسساج جاساۋدان كەيىن) ٴزاردىڭ تۇنباسىنا ميكروسكوپيا، ٴزاردى باكتەريا فلوراسىنا ەگۋ جۇرگىزىپ جانە ٴۇش پروبيركاداعى ٴزار فلوراسىنىڭ انتيباكتەريالىك پرەپاراتتارعا سەزىمتالدىعىن زەرتتەيدى.

ٴزاردى بۇلايشا زەرتتەۋ قابىنۋ پروسەسىنىڭ ورنىن (ٴۇرپى، قۋىق، بۇيرەك، قۋىق استى بەزى) انىقتاۋعا مۇمكىندىك بەرەدى. سونىمەن قاتار، قۋىق استى بەزىنە ماسساج جاساعان سوڭ زاتتىق شىنى بەتىنە ونىڭ سەكرەتىنەن ٴبىر تامشى تامىزىپ، ميكروسكوپپەن قارايدى. قۋىق استى بەزىنە ۋلترادىبىستىق زەرتتەۋ جۇرگىزۋ ونىڭ تكانىنىڭ تىعىزدىعى ارتەكتى ەكەنىن، ال سكلەروز كەزىندە — مۇشەنىڭ كىشىرەيگەنىن، ٴبىرقاتار جاعدايلاردا قۋىقتا ٴزاردىڭ قالاتىنىن كورسەتەدى.

ديففەرەنسيالدىق دياگنوستيكاسى

قۋىك استى بەزىنىڭ ادەنوماسىنا ۇشتاساتىن سوزىلمالى ٴپروستاتيتتى كوبىنە وسى مۇشەنىڭ تۋبەركۋلەزىنەن نەمەسە راك اۋرۋىنان اجىراتۋ قيىن. مۇنداي جاعدايلاردا ۋلترادىبىستىق سكانيرلەۋ، كومپيۋتەرلىك توموگرافيا، قۋىق استى بەزىنىڭ بيوپسياسى ايتارلىقتاي كومەك كورسەتە الادى.

ەمدەۋ. سوزىلمالى پروستاتيتكە ەمدەۋ جان-جاقتى جۇرگىزى-لۋى ٴتيىس، ول جالپى شىنىقتىراتىن جانە انتيباكتەريالىق تەراپيادان، سونداي-اق قۋىق استى بەزىنە جەرگىلىكتى اسەر ەتۋدەن ٴتۇرادى. ينفەكسيامەن كۇرەسۋ ٴۇشىن اسەر ەتۋ سپەكترى كەڭ انتيبيوتيكتەردى (امپيسيللين، كاربەنيسيللين، كاناميسين، گەنتاميسين، اميكاسين، ەريتروميسين، سەفەلوسپورين جانە ت.س.س)، حيميالىق انتيباكتەريالىق پرەپاراتتاردى (فۋراگين، سۋلفاديمەتوكسين، بيسەپتول، 5-نوك نەمەسە نيتروكسولين، نەۆيگرامون، گرامۋرين، فتورحينولوندار، پالين) قولدانادى. ينفيلتراسيا پروسەستەرى تاراۋى ٴۇشىن جانە تىرتىق-سكلەروزدىق وزگەرىستەردىڭ دامۋىن تەجەۋ ٴۇشىن ليدازا (تەرى استىنا تاۋلىگىنە 0،1 گرامنان)، الوە ەكستراكتى (تەرى استىنا تاۋلىگىنە i مل-دەن)، شىنى ٴتارىزدى دەنە (تەرى استىنا توۋلىگىنە 2 مل-دەن) قولدانۋ ٴتيىمدى بولىپ تابىلادى. بۇل پرەپاراتتاردىڭ تەراپيا كۋرسىنىڭ ۇزاقتىعى — 10-20 كۇن. قۋىق استى بەزىندەگى سوزىلمالى قابىنۋ پروسەسىن اسقىندىرۋ ٴۇشىن جانە ودان كەيىن ويداعىداي انتيباكتەريالىق ەمدەۋ ٴۇشىن بۇلشىق ەت ىشىنە پيروگەنالدى 25 مپد-دان باستاپ بىرتە-بىرتە مولشەرىن 100-150 مپد-عا دەيىن ارتتىرا وتىرىپ قولدانادى.

دارىمەن ەمدەۋدى جەرگىلىكتى فيزيوتەراپيالىق ەمدەۋمەن (قۋىق بەزىنە ماسساج، وتىراتىن ىستىق ۆاننا، تۇيمەداعى جانە انتيپيرين قوسىلعان ىستىق ميكروكليزما، رەكتالدى دياتەرميا، بالشىكتى رەكتالدى تامپوندار مەن دامبالدار) ۇشتاستىرۋ كەرەك. بالشىقپەن ەمدەۋدى اتىراۋ، مۋيالدى، جاڭاقورعان، جەلەزنوۆودسك، ساكي جانە باسقا ساناتوريي-كۋرورتتاردا ەمدەۋمەن ۇشتاستىرۋ ٴتيىمدى.

ناۋقاستارعا قيمىلدى رەجيمدى (ٴقوپ قيمىلداۋ)، ىشىمدىك پەن اششى تاعام قوسىلماعان ديەتانى ۇسىنعان ۇسىنعان ٴجون. سوزىلمالى پرەستاتيتتىڭ ەمدەۋى كۇردەلى، جوعارىدا اتالعان ەمدەۋ ادىستەرىن كەزەكتەستىرە وتىرىپ بىرنەشە كۋرس وتكىزۋدەن تۇرادى. سوڭعى جىلدارى سوزىلمالى ٴپروستاتيتتىڭ اسقىنعان تۇرلەرىنە بايلانىستى بولاتىن بەلسىزدىكتى ەمدەۋگە ٴبىزدىڭ عىلىمي ۋرولوگيا ورتالىعىندا ۋلترادىبىسپەن ىقپال ەتۋدى جانە رەفلەكس تەراپياسى (ينە شانشۋ، لازەر اكۋپۋنكتۋرى) ويداعىداي قولدانىلۋدا.

ۋلترادىبىستىق تەراپيا نەرۆ ورتالىقتارى مەن شەتكى نەرۆبۇلشىق ەت تۇزىندىلەرىنىڭ فيزيولوگيالىق وزگەرگىشتىگىن ارتتىرادى، پارابيوز وشاقتارىن جويادى، جوعارى دارەجەلى ۆەگەتاتيۆتى ورتالىقتار ورگانيزمىنىڭ بەيىمدەلۋ-تروفيكتىك قىزمەتىن قالىپقا كەلتىرەدى، گيپوفيز-بۇيرەك، سيمپاتو-ادرەنالين جۇيەسىنە، قالقانشا جانە جىنىس بەزدەرىنىڭ قىزمەتىنە قالىپتاستىرۋشى اسەر ەتەدى، كاتەحولاميندەر الماسۋىن رەتتەيدى. ۋلترادىبىستىڭ اسەرىمەن نەيروەندوكريندى رەتتەلۋدىڭ ترانسگيپوفيزدى عانا ەمەس، پاراگيپوفيزدى جولى دا بەلسەندىلىگىن ارتتىرادى. بۇل تەراپيا قابىنۋعا قارسى اسەر ەتەدى، رەگەنەراتورلىق پروسەستەرگە جاردەمدەسەدى.

ينە شانشۋ — بيولوگيالىق بەلسەندى نۇكتەلەرگە (اكۋپۋنكتۋرا نۇكتەلەرى) ينە شانشۋ ارقىلى اسەر ەتۋ ٴادىسى. اكۋپۋنكتۋرا نۇكتەلەرىنە ينە رەفلەكس تەراپياسىنىن نەمەسە باسقا تىتىركەندىرگىشتەردىڭ فيزيولوگيالىق اسەر ەتۋ مەحانيزمى نەرۆ جۇيەسىنىڭ ٴار ٴتۇرلى دەڭگەيىندە ٴوزارا ارەكەت ەتۋمەن بايلانىستى، بۇلار ۆيسسەرالدىق جۇيەلەردىڭ رەتتەلۋىن قامتاماسىز ەتەدى.

ەمدەۋ ەكى كەزەڭنەن تۇرادى. اركايسىسى 10-12 پروسەدۋرانى قامتيتىن 1-3 كۋرستان تۇراتىن ٴبىرىنشى كەزەندە اۋرۋدىڭ فورماسى مەن ساتىسىنا قاراماستان، ۇزاقتىعى 60 مينۋتقا دەيىن جەتەتىن ينە شانشۋ ٴادىسىن (تەجەۋ ٴادىسى) قولدانادى. ٴبىرىنشى كەزەننىڭ ماقساتى — جالپى شىنىقتىرۋ، نەۆروزدىق قاباتتاردى اجىراتۋ، تولىق جىنىستىق تىنىشتىقتى قامتاماسىز ەتۋ. 1-2 كۋرستان تۇراتىن ەكىنشى كەزەندە ەرەكسيا قىزمەتى تەجەلگەن ڭدۋقاەتاردا ۇزاقتىعى 5 مينۋتتىق ينە شانشۋ تەراپياسىن (قوزدىرۋشى ٴودىس)، ال جالپى نۇكتەلەردە ۇزاقتىعى 60 مينۋتتىق تەجەۋ ٴادىسىن قولدانادى. جىنىس قىزمەتى اسا قوزعان تۇستا تەجەۋ ادىسىمەن ەمدەۋ ەكىنشى كەزەندە دە ساقتالادى. پروسەدۋرانى كۇن سايىن نەمەسە كۇن ارالاتىپ جۇرگىزەدى، كۋرستار ارالىعىنىڭ ينتەرۆالى — 1-4 اپتا.

ikaz.info

date14.09.2017readCount6874printباسىپ شىعارۋ