مەيىزدىڭ قانداي پايداسى بار؟

مەيىزدىڭ پايدالى قاسيەتتەرىن ەجەلگى قىتاي ەلىندە جاقسى بىلگەن ەكەن.  ونىڭ قاسيەتى قۇرامىنداعى مينەرالدار مەن قۇنارلى زاتتارعا بايلانىستى.

مىسالى بەتا-كاروتين جانە كاراتينويدتار، دارۋمەندەر مەن كالسيي كوزدىڭ كورۋ قابىلەتىن ساقتاپ، قابىنۋدان قورعايدى.

مەيىزدەگى فەنولدى قوسپالار قاتەرلى ىسىك جاسۋشالارىنىڭ ٴوسۋىن توقتاتادى. سوندىقتان مەيىزدى كەز-كەلگەن جەمىس دەسەرتى مەن جەمىس ٴنارسۋلارىنا قوسۋعا بولادى. مەيىز جاسۇنىققا باي بولعاندىقتان اسقورىتۋ جۇيەسىنىڭ قىزمەتىن جاقسارتىپ، قالپىنا كەلتىرەدى. سوندىقتان ٴىشتىڭ قاتۋىن بولدىرمايدى. كەپتىرىلگەن جەمىس قۇرامىنداعى بور  ەستە ساقتاۋ قابىلەتى مەن زەيىن قويۋدى جاقسارتىپ، جۇيكە جۇيەسى اۋرۋلارىنىڭ الدىن الادى.

قارا مەيىزدە تەمىر مەن ۆ دارۋمەنى كوپ. بۇلاردىڭ اعزاداعى جەتىسپەۋشىلىگى قانازدىق دەرتىنە اكەلەدى. كەپتىرىلگەن جەمىستىڭ جارتى كەسەسىندە تەمىردىڭ اعزاعا قاجەتتى 5 پايىزدىق  مولشەرى بار.

ەمدام ۇستاناتىن ادامدار ٴۇشىن مەيىز تاتتىلەردى الماستىرا الادى.

مەيىز ىشىندەگى جاسۇنىق ٴتىس بەتىن تازالاپ، قىزىل يەكتى نىعايتادى، ال قىشقىلدار اۋىز قۋىسىنداعى باكتەريالاردى جويىپ، تىسجەگىنىڭ پايدا بولۋىنىڭ الدىن الادى.

مەيىز اعزاداعى حولەستەرين مولشەرىن ازايتىپ، جۇرەك-قان-تامىر جۇيەسىنىڭ جاعدايىن جاقسارتادى.

دايىنداعان ٴۇمىت ٴجۇمادىلوۆا

date07.09.2017readCount5358printباسىپ شىعارۋ