قاربىزدىڭ دەنساۋلىققا پايداسى

جازعى ىستىقتاردا ۇلكەندەر مەن بالالاردىڭ ٴشولىن باساتىن جولاقتى جەمىس — قاربىز. قاربىزدىڭ ٴتاتتى جۇمساعى ٴشولىڭىزدى باسىپ، اعزاڭىزعا از پايدا اكەلمەيتىنى بەلگىلى. قاربىزدىڭ قۇرامىندا قانداي اعزاعا قاجەتتى قۇنارلى زاتتار بار جانە ونى قانداي مولشەردە جەۋ كەرەك؟

قاربىز تەك كەرەمەت دامىمەن ەرەكشەلەنبەيدى. بۇل جەمىستىڭ ادام دەنساۋلىعىنا پايداسىن قۇرامىندا ۆ، س، رر دارۋمەندەرىنىڭ بولۋىمەن تۇسىندىرۋگە بولادى. بوتەكەدە تاس كوپ بولعاندا جانە قۋىققا بايلانىستى سىرقاتتار بولعاندا عانا قاربىزدى از مولشەردە جەۋ كەرەك بولادى. قۇرامىندا تەمىردىڭ بولۋىنا بايلانىستى ٴتاتتى قاربىز قان ازدىقپەن كۇرەسۋگە مۇمكىندىك بەرەدى. قاربىزدىڭ جۇمساعىن جەۋ ادامعا كۇش بەرەتىنى بەلگىلى. 

قاربىزدى تاڭداۋ كەزىندە سوققىدان جارىلىستىڭ بولماۋىن تەكسەرىڭىز. سەبەبى قاربىز جول ۇستىندە نەمەسە باسقا جاعدايدا سوعىلعان كەزدە از عانا جارىلىپ، جارىلعان جەرگە باكتەريالار ٴتۇسۋى مۇمكىن. ال باكتەريا تۇسكەن قاربىزدىڭ جۇمساعىن جەۋ ٴسىزدىڭ دەنساۋلىعىڭىزعا زيان اكەلمەسە، پايدا اكەلمەيدى.
 
قاربىز اس قورىتۋعا، جۇرەك جۇمىسىنا جانە قان اينالىسىنىڭ رەتتەلۋىن جاقسى كومەكتەسەدى. قاربىزدىڭ جۇمساعى مەن ودان دايىندالعان شىرىن اعزاداعى شلاكتاردى سىرتقا شىعارىپ، يممۋنيتەتتى جاقسارتادى. قاربىز نەسەپ جۇمىستارىن جاقسارتادى. تەك قاربىزعا ارنالعان ديەتادا بار. ٴبىراق ونى 5 كۇنننەن ارتىق ۇستاۋعا بولمايدى. قاربىزدىڭ 100 گرامم جۇمساعىندا بار بولعانى 25 ككال. بار. قاربىزدى جەگەننەن كەيىن ۇزاق ۋاقىت بويى توق جۇرەسىز.
 

كۇنىنە قاربىزدى قانداي مولشەردە جەۋ كەرەك؟

قاربىزدى كىشكەنتاي بالالارعا 2 جاسقا تولعاننان كەيىن جەگىزۋگە بولادى. بوتەكەدە تاسى بار جانە قانت ديابەتىمەن اۋىراتىن ادامدارعا قاربىزدى از مولشەردە قولدانۋ كەرەك نەمەسە مۇلدەم قولدانباۋ كەرەك. باسقا جاعدايلاردا قاربىزعا شەكتەۋ جوق. ياعني ونى ٴوزىڭىز قالاعانشا جەۋىڭىزگە بولادى.

قاربىزدىڭ ٴقاۋىپسىز ەكەندىگىن ٴبىلۋ ٴۇشىن ونىڭ توبەسىن ٴۇشبۇرىشتاپ كەسىپ الىپ، جۇمساعىن تازا سۋعا سالۋ كەرەك. ەگەر سۇيىقتىق قىزعىلت تۇسكە بويالسا، وندا قاربىزدىڭ نيتراتتار كومەگىمەن وسىرىلگەندىگىن كورسەتەدى.

قاربىزدىڭ ٴقاۋىپسىز ەكەندىگىن دالەلدەيتىن تەك ونىڭ تولىق پىسكەن ۋاقىتى. ەگەر ٴسىز قاربىزدى جازدىڭ سوڭىندا نەمەسە كۇزدىڭ باسىندا ساتىپ الساڭىز، وعان ادام دەنساۋلىعىنا زيان كەلتىرەتىن ٴار ٴتۇرلى حيميكاتتار قوسىلۋى ابدەن مۇمكىن. كوكتەمنىڭ سوڭىندا جانە جازدىڭ باسىندا تابيعي تۇردە ٴوز ەركىمەن پىسكەن قاربىزدى تابۋ مۇمكىن ەمەس. بۇل جەمىستەردىڭ ەرتە ٴونىم بەرەتىن سورتتارى جوق. سوندىقتاندا ەڭ دۇرىسى جازدىڭ شىلدە ايىنىڭ ورتا تۇسىندا العانىڭىز ٴجون.

kenester.kz

date15.08.2017readCount3381printباسىپ شىعارۋ