نەلىكتەن ادام سۋدى كوپ ٴىشۋى كەرەك؟

سۋ كەز كەلگەن ٴتىرى اعزا ٴۇشىن اسا قاجەتتى نارسە. ادام اعزاسىنىڭ 65-70 پايىزى سۋدان تۇرادى. ادام دەنساۋلىعى جاقسى بولۋى ٴۇشىن كۇنىنە ەكى ليتر سۋ ٴىشۋ كەرەكتىگى دالەلدەنگەن. الايدا، مۇنشا سۋ نە ٴۇشىن قاجەت؟ نازار اۋدارالىق...


توكسيندەردى شىعارۋ

ادام اعزاسىندا كوپتەگەن توكسيندىك زاتتار كەزدەسەدى. ٴوندىرىستىڭ زيانى، پايداسىز تاعام، كولىكتەن شىعاتىن شاڭ-توزاڭ، وسىنىڭ ٴبارى ٴبىزدىڭ اعزامىز كەزىگەتىن جاعىمسىز زاتتاردىڭ ٴبىر بولىگى. ودان بولەك، تاماقتى قايتا ىسىتۋ كەزىندە كوپتەگەن توكسيندىك زاتتار پايدا بولادى. ال بۇل كەيىن تاماقتان ۋلانۋعا اكەلىپ سوقتىرادى. قۋانىشقا قاراي، سۋدىڭ كوپتىگىنەن ٴبىزدىڭ بۇيرەكتەرىمىز جاقسى جۇمىس ىستەپ، نەسىپپەن بىرگە اعزاداعى قاجەتسىز زاتتاردى شىعارادى. ايتپاقشى، تاعى ٴبىر ماڭىزدى مۇشە باۋىر دا سۋسىز جۇمىس ىستەي المايدى. ەندەشە، اعزاڭىزدى قاجەتسىز زاتتاردان تازارتقىڭىز كەلسە، سۋ ٴىشىڭىز.

امبەباپ ەرىتكىش

ٴبىزدىڭ ومىرىمىزدەگى كوپتەگەن حيميالىق رەاكسيالار دا سۋدىڭ كومەگىمەن ورىندالادى. اعزاداعى بارلىق زاتتار تەك ەرىتىندى تۇرىندە. بۇلشىق ەت، تەرى، سۇيەك، بۇزىلعان تكاندەردىڭ قالىپقا كەلۋى، گورمونداردىڭ سينتەزدەلۋى، فەرمەنتتەر، مەدياتورلار، ٴبارى دە سۋدى قاجەت ەتەدى.

جۇرەك پەن بۋىننىڭ ساۋلىعى

سۋ اتەروسكلەروز بەن باسقا دا ونىڭ اسقىنعان تۇرلەرىنىڭ ەڭ نەگىزگى ەمى بولىپ تابىلادى. ٴبىز قاجەتتى مولشەردە سۋ ىشكەندە قان جاقسى تارالادى دا، اتەروسكلەروزدىق تۇيىندەردىڭ پايدا بولۋىنا جول بەرمەيدى. سول سەبەپتى، جۇرەك تالماسى جانە ينسۋلت سىندى اۋرۋلاردىڭ الدىن الادى.

بۋىنداردىڭ قوزعالۋى ٴارى ەپتىلىگى

ٴاربىر بۋىندا بۋىن سۇيىقتىعى بار. سول سۇيىقتىقتىڭ ارقاسىندا بۋىن جىلجىپ تۇرادى. ال اعزاداعى سۋدىڭ ازدىعى بۋىن سۇيىقتىعىنىڭ وزگەرۋىنە، قۇرعاۋىنا اكەلەدى. بۋىن قيىندىقپەن قوزعالىپ، ٴبىزدىڭ بەلسەندى ارەكەت ەتۋىمىزگە كەدەرگى كەلتىرەدى.

دەنەدەگى تكاندەردىڭ قورەكتەنۋى

قان – اعزاداعى تكاندەرگە وتتەگى مەن قورەكتىك زاتتاردى اكەلەتىن باستى تاسىمالداۋشى. ەگەر ٴبىز سۇيىقتىقتى از ىشەتىن بولساق، قان قويۋلانىپ قالادى دا، ەڭ ۇساق بۋىندار - ارتەريول مەن كاپيلليارلارعا قيىندىق تۋادى. ال بۇل بۋىندار اعزاداعى تكاندەردى قورەكتەندىرەدى. ودان بولەك، وتتەگى مەن قورەكتىك زاتتار اعزاعا ٴسىڭۋى ٴۇشىن دە سۋ اسا قاجەت.

اس قورىتۋ

سۋ اس قورىتۋ جۇيەسىنە اسا قاجەتتى ەلەمەنتتەردىڭ ٴبىرى. سۋدىڭ كومەگىمەن اس قورىتىلادى. ول تاعامدى قورىتادى، اد سوڭىندا كەرەك ەمەس زاتتاردى شىعارۋعا ٴۇشىن دە ىشەكتە جەتكىلىكتى كولەمدە سۋ بولۋى ٴتيىس. ەگەر ٴسىزدىڭ ٴىشىڭىز اۋىراتىن بولسا، سۋ ٴىشۋ رەجيمىڭىزگە ٴمان بەرىڭىز. ويتكەنى، دارىگى جۇگىرگەننەن بۇرىن، سۋ ٴىشۋدى ارتتىرۋ دا جەتكىلىكتى بولۋى مۇمكىن.

يممۋنيتەت جانە سۋ

سۋ يممۋندىق جۇيەنىڭ قىزمەتىن جاقسارتادى. بىرىنشىدەن، يممۋندىق جۇيە اعزاعا قان ارقىلى تارالادى. ال قان قويۋلانىپ قالسا، ۇساق بۋىنداردىڭ اراسىنا جەتۋى نەعايبىل ەكەنىن جوعارىدا ايتتىق. ەكىنشىدەن، يممۋندىق جاسۋشالاردىڭ پايدا بولۋى سۋدى قاجەت ەتەدى. ۇشىنشىدەن، نەسىپتىڭ دۇرىس ايدالماۋى مەن كەرەك ەمەس زاتتاردىڭ اعزادان تولىق كەتپەۋى يممۋنيتەتتى تۇسىرەدى. ەگەر از اۋىرعىڭىز كەلسە سۋدى كوپ ٴىشىڭىز.

سۋ – دەنە تەمپەراتۋراسىن رەتتەيدى

ٴسىز سپورتپەن شۇعىلدانعان كەزدە نەمەسە اۋا ىستىق بولسا، اعزا ىستىقتان تەر شىعارۋ ارقىلى قورعانادى. تەر تەرى سىرتىنا شىعادى دا، سول ارەكەتىمەن اعزانى سالقىنداتادى. ايتپاقشى، تەرى توكسيندەردى شىعارۋدىڭ تاعى ٴبىر جولى ەكەنىن ۇمىتپاڭىزدار. ٴوز اعزاڭىزعا تەرلەۋ مۇمكىندىگىن بەرىڭىز. بۇل وتە قاجەت. ال ول ٴۇشىن سۋ ٴىشۋ كەرەك.

سۋ ارىقتاۋعا كومەكتەسەدى

ەگەر ٴسىز ارىقتاۋدى ماقسات ەتىپ، ديەتاعا وتىرىپ، سپورتپەن شۇعىلدانساڭىز، سۋدى ۇمىتپاڭىز. سۋ مايدى جويۋعا كومەكتەسەدى. ارينە، ارىقتاۋ ٴۇشىن سىزگە جۇگىرىپ، سپورتپەن اينالىسىپ، تەرلەۋ قاجەت. الايدا، ٴسىز قاجەتتى مولشەردە سۋ ىشسەڭىز، جاتتىعۋدان دا جاقسى قورىتىندى شىعادى.

مي دا سۋدى قاجەت ەتەدى

باس اۋىرۋ، السىزدىك، جۇمىس ىستەۋ قابىلەتىنىڭ تومەندەۋى – بۇل اعزاسىنداعى سۋ مولشەرى از ادامعا كەزدەسەتىن قيىندىقتار. ورتالىق جۇيكە جۇيەسىندە ورىن الاتىن وزگەرىستەر، قيىن حيميالىق رەاكسيالار جانە ميعا وتتەگى جەتكىزۋ، مۇنىڭ ٴبارى سۋدى قاجەت ەتەدى.

تەرىنىڭ ادەمىلىگى ساقتالادى

جۇمساق، تازا تەرى قانداي جاعىمدى ٴارى ادەمى كورىنەدى! ارينە، تەرى تازالىعىن ساقتاۋ ٴۇشىن ٴبىز ٴتۇرلى كوسمەتيكالار قولدانامىز، كوسمەتولوگتار كەڭەسىنە جۇگىنەمىز، الايدا، سۋدىڭ قاجەتتىلىگىن دە ۇمىتپايمىز. سۋدى كەرەكتى مولشەردە قولدانۋ تەرىدەگى ىلعالدىقتى ساقتاۋعا كومەكتەسەدى، تەرىنىڭ قارتايۋىنا قارسى ارەكەت ەتەدى.

اعزانى قالاي «سۋارۋ» قاجەت؟!

1. ادام كۇنىنە 2 ليتر سۋ ٴىشۋى كەرەك. بۇل سالماعى 65-70 كەلى ارالىقتاعى ادام ٴۇشىن جارامدى. ەگەر ٴسىز بۇدان دا ٴىرى بولساڭىز، وندا كۇن سايىنعى ىشەتىن سۋ مولشەرىن ەسەپتەپ شىعىڭىز. ٴاربىر كيلوگرامم ٴۇشىن 30 گرامم سۋدان قوسىلىپ وتىرادى. مىسالى، ٴسىز 90 كەلى ٴتارتاسىزۇ 90*30=2700 مل سۋ.

2. ٴاربىر تاڭدى ٴبىر ستاكان كوفەمەن ەمەس، سۋمەن باستاڭىز. وسىلاي، ٴسىز اعزانىڭ ويانۋىنا كومەكتەسەسىز. ميعا كۇش بەرى، ىشەك پەن قارىنعا تاڭعى استى قورىتۋعا مۇمكىندىك بەرەسىز.

3. سىزدە بوس ۋاقىت مۇلدە از بولسا دا، كۇن سايىنعى ىشەتىن سۋ مولشەرىن ۇمىتپاڭىز. بۇل جوسپاردى اسىرا ورىنداۋعا دا بولادى. بۇيرەك ساۋ بولسا، سۋدىڭ كەيبىر ارتىق مولشەرىن دە رەتتەيدى. ەگەر وتە جۇمىسباستى بولساڭىز، سۋدى جۇمىس ۇستەلىنە ارتىعىمەن قويىڭىز. ويتكەنى، سۋ ىزدەپ اۋرە بولمايسىز جانە ماڭىزدى قۇجاتتار اراسىندا سۋدىڭ تۇرعانى ٴسىزدىڭ دەنەڭىزگە سۋ كەرەكتىگىن ەسكە سالىپ تۇرادى.

4. ەگەر ٴسىز سپورتپەن شۇعىلدانىپ، بەلسەندى قيمىلدايتىن بولساڭىز، اعزاڭىزعا سۋ ارتىعىمەن قاجەت ەكەنىن ەستە ساقتاڭىز. ويتكەنى، اعزاداعى سۋدىڭ كوپ بولىگى تەرمەن كەتىپ قالادى. كۇنىنە ىشەتىن سۋ مولشەرىنە كەم دەگەندە 2 ليتر جانە 2 ستاكان سۋ قوسىڭىز.

5. اۋىرعان كەزدە، اسىرەسە، دەنە قىزۋى كوتەرىلگەندە سىزگە سۋ اسا قاجەت بولادى. مۇنداي كەزدە سۋ ەڭ ماڭىزدى ٴدارىنىڭ ٴبىرى بولماق. ٴسىزدىڭ اعزاڭىزعا جينالعان باكتەريالار مەن ۆيرۋستاردىڭ كەسىرىنەن توكسيندەر جينالىپ، ٴسىزدىڭ قيمىلداۋىڭىز دا اۋىرلاپ كەتەدى. اعزاداعى جاعىمسىز زاتتاردان ارىلۋ ٴۇشىن سۋ ٴىشىڭىز. ەگەر سۋ ىشە الماساڭىز، ليمون قوسىلعان شاي، كومپوت، مورس، تاۋىق سورپاسىن قابىلداڭىز. باكتەريالاردىڭ بوي الۋىنا جول بەرمەي، بۇيرەكتەرىڭىزدىڭ جۇمىسىن جاقسارتۋعا كومەكتەسىڭىز.

6. قۇرعاق اۋا كەزىندە سۋدى كوپ ٴىشىڭىز. ويتكەنى، مۇنداي كەزدەردە كوپ تەرلەپ، كوپ تىنىس العاندىقتان، اعزاداعى سۋ ازايادى. مىسالى، ۇشاقتا اۋا قۇرعاق. سول سەبەپتى، ستيۋاردەسسالار جولاۋشىلارعا سۋ، شىرىن جانە شايدى كوپ ۇسىنادى.

7. كەيبىر اۋرۋلار كەزىندە سۋ مولشەرىن ازايتۋعا تۋرا كەلەدى. ەگەر بۇيرەك قىزمەتى بۇزىلسا، جۇرەك ٴوز جۇمىسىن دۇرىس اتقارا الماسا، ال اياق ٴىسىپ كەتسە، وندا سۋدان باس تارتا تۇرعان دۇرىس.

8. ىشەتىن سۋدى دۇرىستاپ تاڭداڭىز. ارينە، قايناعان سۋدى دا ىشۋگە بولادى. الايدا، قايناعا سۋدا كوپتەگەن ەلەمەنتتەر جويىلىپ كەتەدى. سوندىقتان، ٴدامسىز سۋدى كوپ ىشە المايسىز. بوتەلكەلەنگەن سۋدى ساتىپ الىڭىز. ٴتىپتى، تابيعي سۋدى الىپ ىشسەڭىز، نۇر ۇستىنە نۇر. الايدا، كوكتەمدە قار ەرىگەن ساتتەگى سۋ دا ٴقاۋىپتى بولۋى مۇمكىن. مۇنداي كەزدەردە ىشەك قىزمەتىن بۇزاتىن باكتەريالار كەزدەسەدى. سول سەبەپتى، سۋ ىشكەندە دە ساق بولىڭىز.

9. سۋدى كۇنى بويى ٴىشىڭىز. ٴبىر كۇننىڭ نورماسىن از ۋاقىتتا ورىندايمىن دەپ ويلاماڭىز. ويتكەنى، ول بۇيرەگىڭىزگە كۇش تۇسىرەدى. ال سالدەن سوڭ بۇل سۇيىقتىقتىڭ تەڭ جارتىسى سىرتقا كەتەدى دە، اعزاڭىزعا تاعى دا سۋ جەتپەۋى مۇمكىن.

اعزاڭىزدى قۇرعاتپاي، سۋ ٴىشىپ تۇرىڭىز! سۋ ٴىشىپ، دەنساۋلىعىڭىزدى ساقتاڭىز!

confederation.kz

date09.08.2017readCount3194printباسىپ شىعارۋ