تەمەكى تاستاۋدىڭ تاسىلدەرى

تەمەكىنى ەرمەك ەتەر – تۇبىنە ٴوزى جەتەر.

 

وزىنە-وزى شارت قويۋ ارقىلى

تەمەكىنى ٴبىرجولاتا قويعىسى كەلەتىن ادامدار وزدەرىنە مىنانداي شارتتار قويۋ ارقىلى دا شىلىمدى تاستاي الادى.

1. جۇمىس ۋاقىتىندا، كوشەدە تەمەكى تارتپايمىن;

2. ۇيىقتار الدىندا قولىما تەمەكى ۇستامايمىن;

3. ٴتۇن ورتاسىندا تۇرىپ تەمەكى تارتپايمىن;

4. تاڭەرتەڭ اشقارىنعا شىلىم شەكپەيمىن;

5. اۆتوكولىك جۇرگىزىپ كەلە جاتقاندا تەمەكى تارتپايمىن.

 

تەمەكىنى بىرتىندەپ تاستاۋ

كەيبىرەۋلەر تەمەكىنى بىرتە-بىرتە قويعاندى قالايدى.

ول ٴۇشىن ماماندار مىنانداي اقىل-كەڭەس ۇسىنادى:

1. تەمەكىنىڭ ماركاسىن اۋىستىرىپ، ٴيىسى مەن ٴدامى جەڭىل تۇرىنە كوشۋ قاجەت.

2. ٴبىر تال تەمەكىنى قايشىمەن قىرقىپ، ۇشتەن ٴبىر بولىگىن عانا تارتىڭىز.

3. اۋىرعان كەزدە ادام اعزاسى تەمەكىنى ىزدەمەيتىندىكتەن، مۇنداي جاعدايدا مۇلدەم تەمەكى تارتپاۋعا تىرىسىڭىز.

4. رامازان ايىندا ورازا ۇستاپ، كۇندىز تەمەكى شەكپەۋگە داعدىلانا وتىرىپ، رامازان بىتكەنگە دەيىن تەمەكىدەن تولىقتاي باس تارتۋعا بولادى.

5. تەمەكىنى قويىپ جۇرگەنىڭىزدە، ونى ىزدەي باستاساڭىز، اۋىزىڭىزعا كامپيت نەمەسە قۇرت سياقتى ٴتاتتى، اششىلاردى سالىپ، سونى ەرمەك ەتىڭىز.

6. تەمەكىنى تاستاعان سوڭ، دەنساۋلىعىڭىزدى ارنايى كۇتىمگە الىڭىز: جەمىس-جيدەكتەر مەن كوكونىستەرى مول تاماقتى دۇرىس پايدالانىڭىز، دەنە ەڭبەگىمەن كوبىرەك اينالىسىڭىز.

7. تەمەكىنى تاستاعان العاشقى مەزگىلدە تەمەكى تارتپايتىن دوس-جارانمەن كوبىرەك ارالاسۋعا، تەمەكى تارتاتىن تانىستارىڭىزدان بويىڭىزدى اۋلاق ۇستاۋعا تىرىسىڭىز.


تەمەكىنى تاستاعان ادامنىڭ ارتىقشىلىعى

تەمەكىنى تارتپايتىن ادامنىڭ تەمەكى تارتاتىن ادام- نان مىنانداي بەس ارتىقشىلىعى بار:

1. تەمەكى تارتپاۋ – سالاۋاتتى ٴومىر سالتىنىڭ نىشانى. ٴسىزدىڭ اعزاڭىزدىڭ ٴتۇرلى سىرقاتتاردان قورعانۋ قاسيەتى كۇشتى.

2. تەمەكىگە كەتەتىن قارجى ۇنەمدەلەدى. ول باسقا پايدالى ماقساتقا جۇمسالادى.

3. تەمەكى تارتپايتىن ادام قورشاعان ورتاسىن، اينالاسىن لاستاپ ۋلامايدى.

4. تەمەكى تارتپايتىن ادام قاشاندا ادەمى، مادەنيەتتى كورىنەدى. دەنەدەگى تەمەكىنىڭ ساسىق يىسىنەن ارىلادى.

 

تەمەكىنى تاستاعاننان كەيىن

20 مينۋتتان سوڭ جۇرەك سوعىسى رەتتەلەدى، دەنە تەمپەراتۋراسى تەمەكى تارتپايتىندارمەن تەڭەسەدى.

8 ساعاتتان سوڭ قانداعى وتتەگىنىڭ 95 پايىزى تازارادى.

24 ساعاتتان سوڭ جۇرەك تالماسىنىڭ ٴقاۋىپى ازايادى، ساۋ ادامنىڭ جاعدايىنا جاقىندايدى.

2 كۇننەن كەيىن ٴدام مەن ٴيىس سەزۋ قالىپتى جاعدايعا كوشەدى.

3 كۇننەن كەيىن تىنىس الۋ جاقسارادى.

3 ايدان سوڭ وكپە 30 پايىزعا ارتىق (جاقسى) جۇمىس ىستەيدى.

1 جىلدان سوڭ جۇرەك اۋرۋىنىڭ ٴقاۋپى 50 پايىزعا ازايادى.

10 جىلدان سوڭ وكپە راگىنە شالدىعۋ ٴقاۋپى تەمەكى تارتپاعان ادامدىكىمەن تەڭەسەدى.

15 جىلدان سوڭ جۇرەك پەن قان قىسىمى تەمەكى تارتپاعان ادامنىڭ قان قىسىمى سەكىلدى قالىپتى جاعدايعا تۇسەدى.

نۇربەك قايىرمۇحاممەد

date25.07.2017readCount2367printباسىپ شىعارۋ