قازى اينالدىرا بىلەسىز بە؟ (ۆيدەو)
قازاق حالقىنىڭ داستارقانىن قازىسىز ەلەستەتۋ مۇمكiن ەمەس. قازاق دەسە، الدىمەن قازى-قارتا، جال-جايا سەكiلدi ۇلتتىق تاعام تۇرلەرi كوز الدىڭا ەلەستەيدى.
بۇنىڭ ادام اعزاعا پايدالى تۇستارى دا كوپ. قازىنى قازiر تەك قازاقتار عانا ەمەس، ەلiمiزدi مەكەن ەتكەن وزگە ۇلتتار دا ٴسۇيىپ جەيدى. ەندi وسى قازى اينالدىرۋدىڭ ادiس-تاسiلدەرiنە توقتالايىق.

▪ قازىعا ارنالعان ەتتى وتكىر پىشاقپەن ىشەككە سىياتىنداي ەتىپ ٴتىلىپ، ٴتۇزۋ قالىپقا كەلتىرىپ سالقىن جەرگە شىعارىپ قويعان دۇرىس. وعان دەيىن ىشەكتى جۋىپ تازالاپ الۋ كەرەك.
▪ ول ٴۇشىن ۇلكەن ىدىسقا ىشەكتى سالىپ ۇستىنە 3-4 ۋىس تۇز سالىپ ىشەكتىڭ ٴىشىن تۇزبەن ىسىپ جۋۋ قاجەت. 4-5 قايتارا سالقىن سۋمەن شايۋ كەرەك. (قارىن، قارتانى دا وسى تاسىلمەن جۋىپ-تازالاۋ دۇرىس).
▪ قازىنىڭ ٴدامى ەرەكشە بولۋى ٴۇشىن دامدەۋىش دايىنداپ الۋ كەرەك ول ٴۇشىن: تۇز، سارىمساق، قارا بۇرىش كەرەك. سارىمساقتى مايدالاپ تۋرايدى دا ۇشەۋىن ارالاستىرادى.
▪ ىشەكتىڭ ەكى جاعىن بايلاۋ ٴۇشىن ٴجىپ دايىنداپ قويۋ كەرەك.

قازى اينالدىرۋ ٴتاسىلى:
ىشەكتىڭ مايى سىرتىنا قاراپ تۇرۋى كەرەك، مۇنى شاتاستىرىپ الماڭىز.
سالقىن جەردەن ەتتى الىپ كەلىپ قالاۋىڭىزشا تۇزداڭىز، ەتتىڭ قالىڭ جەرلەرىن ازداپ ٴتىلىپ-تىلىپ الدىندا دايىنداپ قويعان دامدەۋىشتى تەگىستەپ جاعىپ، ىشەككە ەتتى جايمەن تىعۋ قاجەت. مايى ٴبىر بولەك، ەتى ٴبىر بولەك بولىپ قالماس ٴۇشىن ەتپەن مايى قاتار تۇرۋىن قاداعالاۋ قاجەت. ىشەككە تىعىپ بولعاننان سوڭ ەكى جاعىن جىپپەن بايلاڭىز. قازىنى دايىنداپ العان سوڭ، سالقىن جەرگە شىعارىپ كەپتىرۋ كەرەك.

سونىمەن قوسا، قازى سەمiز، ارىقتىعىنا قاراي تۇرلiشە اتالادى. ونى ەلi، بارماق، شىناشاقپەن ولشەيدi. قازىنىڭ كەرە قازى، تەڭ قازى، سەرە قازى، تابالدىرىق قازى، بي قازى، دوڭبەك قازى، شىنتاق قازى دەگەن سياقتى اتاۋلارى بار.

date19.07.2017readCount3060printباسىپ شىعارۋ