ايتتىق دەگەن نە؟

ايتتىق - ايت كۇنى ايتتىق دەپ سۇراعان ايتتاۋشى (ايتشىلاعان) ادامدارعا بەرىلەتىن سىيلىق، كادە. ونى اقشالاي دا، زاتتاي دا بەرۋگە بولادى. بۇل ايتتى دا، ٴداستۇردى دە، سۇراعان ادامدى دا قۇرمەتتەۋدىڭ بەلگىسى بولىپ تابىلادى. ەل ىشىندە ايتتىقتىڭ ايتتىق سىي دەگەن اتاۋى دا كەزدەسەدى. سونداي-اق، ايتتىق - ايت كۇندەرى قىدىرىپ، ايتشىلاپ بارعان ٴۇيدىڭ بالالارىنا بەرەتىن ٴتۇرلى ويىنشىق، اقشا، قانت، كامپيت سياقتى بالالار قىزىعاتىن زاتتار. ايتتىق بەرۋ - مەرەكەنىڭ مەرەيىن اسىرىپ، تاتۋ-تاتتىلىكتى، بەرەكە-بىرلىكتى نىعايتۋدىڭ، اسىرەسە بالالاردى ماز-مەيرام ەتىپ قۋاندىرۋدىڭ دانەكەرى. ۇيگە ايتشىلاپ سالەم بەرە كەلگەن تۋىستاردىڭ بالالارىنا ايتتىق بەرىلەدى.[1]

[1] قازاقتىڭ ەتنوگرافيالىق كاتەگوريالار، ۇعىمدار مەن اتاۋلارىنىڭ ٴداستۇرلى جۇيەسى. ەنسيكلوپەديا. - الماتى: dps، 2011. - isbn 978-601-7026-17-2

date23.06.2017readCount2095printباسىپ شىعارۋ